معتصمو رابعة فوق العمارات بالرشاشات

[محمد احمد الهادى]

قالت صفحة "أخبار مصر" على فيس بوك اليوم الأحد، "رسالة من رابعة، استغاثة عاجلة من رابعة في ناس بتطلع العماير شايلين أعلام مصر كبيرة وملفوف فيها حاجات تقيلة بيشلها اتنين أو تلاتة من الإخوان".

وتابعت: "وفى كمان ناس لابسة لبس شرطة وجيش بدقون، ومن غير بيطلعوا دلوقتى فوق العماير ومعاهم أسلحة ورشاشات وشنط كبيرة زى بتاعت السافارى ورابطين حولين وسطهم أحزمة عريضة وفيها سنج وسيوف وقنابل متعلقة الحقوهم.

وأضافت: الخونة أقسم بالله أنا باقول الحقيقة الحقوهم ياعالم اللى قريب من المكان يلحق بالله عليكم سكان رابعة هايحصلهم حاجة والخونة هيعملوا إيه دول غدارين وشكلهم هيتحاموا في الرهائن اللى هياخدوهم من رابعة وأقسم بالله العظيم ده حقيقة واللى باقوله بيحصل".
وتابعت: "في صوت رصاص من فوق عمارتهم لأنهم ساكنين في الدور اللى قبل الأخير وقاعدين بيخبطوا فوق السطوح وشايلين أسمنت ورمل وبيطلعوه وفى حاجات شكل حمالة طبق الدش بيطلعوها فوق السطوح ومش قادرين يفتحوا البيبان وبيبصوا من العين السحرية أرجوكم اعملوا حاجة انشروها على أي صفحة رسمية للداخلية أو الجيش أنا ماعرفش أي صفحات وبتصل بالجيش من ساعتها".
http://www.vetogate.com/481000#.UfTscpgbjPs

[Mr.Optimistic]

جزاك الله خيراا
شكراا عالخبر

[منى الجميله]

انا اتحذف ردى ليه ؟؟؟؟؟؟؟؟؟

ايه المخالف ؟؟؟؟؟

من ضمن القوانين انه يمكن الاقتباس من الموضوع

[أ/محمد على عاشور]

نتمنى سرعة التحرك من الداخلية وضبط الارهابيين والقضاء عليهم
شكرا لحضرتك على الخبر

[منى الجميله]

قالت صفحة "أخبار مصر على فيس بوك اليوم الأحد، "رسالة من رابعة، استغاثة عاجلة من رابعة في ناس بتطلع العماير شايلين أعلام مصر كبيرة وملفوف فيها حاجات تقيلة بيشلها اتنين أو تلاتة من الإخوان

يا ترى عرفتم انهم من الاخوان ازاى ؟؟؟؟

وتابعت: "وفى كمان ناس لابسة لبس شرطة وجيش بدقون، ومن غير

العقل بيقول ان واحد عايز يتنكر فى زى الشرطة او الجيش المفروض يحلق دقنه لأن الجيش والشرطة من غير دقن ثانيا مش معنى ان لهم دقن يبقوا اخوان لان اغلب الاخوان من غير دقن ذى البلتاجى وصبحى صالح والكتاتنى و باسم عودة وياسين وغيرهم

بيطلعوا دلوقتى فوق العماير ومعاهم أسلحة ورشاشات وشنط كبيرة زى بتاعت السافارى ورابطين حولين وسطهم أحزمة عريضة وفيها سنج وسيوف وقنابل متعلقة الحقوهم.

لو معاهم رشاشات معقولة حيحتاجوا السنج ؟؟؟؟؟؟

ولو دا صحيح فمستخدموش الرشاشات ليه للدفاع عن نفسهم فى م***ة المنصة التى راح ضحيتها اكثر من 700 قتيل و 4500 جريح ؟؟؟؟

وأضافت: الخونة أقسم بالله أنا باقول الحقيقة الحقوهم ياعالم اللى قريب من المكان يلحق بالله عليكم سكان رابعة هايحصلهم حاجة والخونة هيعملوا إيه دول غدارين وشكلهم هيتحاموا في الرهائن اللى هياخدوهم من رابعة وأقسم بالله العظيم ده حقيقة واللى باقوله بيحصل".

يعنى اكتر من مليون واحد حيتحاموا فى 4 الاف واحد يعنى كل 4 الاف ورا واحد يتحاموا فيه او يقتحموا شقته يتحاموا فيها صح ؟؟؟؟؟؟

وتابعت: "في صوت رصاص من فوق عمارتهم لأنهم ساكنين في الدور اللى قبل الأخير

يعنى فيه من سكان رابعة اخوان ساكنين فى الدور قبل الاخير وحيق تلوا جيرانهم اللى فى رابعة ؟؟؟؟ طب بما انهم سكان فى الدور قبل الاخير المفروض تكون عارف اسمائهم ولا ايه ؟؟؟

وقاعدين بيخبطوا فوق السطوح وشايلين أسمنت ورمل وبيطلعوه وفى حاجات شكل حمالة طبق الدش بيطلعوها فوق السطوح ومش قادرين يفتحوا البيبان وبيبصوا من العين السحرية أرجوكم اعملوا حاجة انشروها على أي صفحة رسميةللداخلية أو الجيش أنا ماعرفش أي صفحات وبتصل بالجيش من ساعتها"

الحاجات اللى شبه حمالة الدش دى منصة اطلاق صواريخ وهاون

بالنسبة لتبليغ الجيش والشرطة سهلة رسالتك وصلت

[Mr. Essam Emam]

بيقولوا بيطلعوااااااااا السطوح ومعاهم اسلحه انتى متضايقه ليه قبل كده جايبين واحد لابس لبس عسكرى شتوى واحنا فى الصيف
المفروض الناس دى تمشى من رابعه وغيره وكفايه كده ارهاب
قادتهم بيعلنوا بنفسهم خرجوا مرسى وينتهى الارهاب وال***
حسبى الله ونعم الوكيل في كل قاتل لمسلم

[الجعدور]

كله كذب وخداع

[mr/Guirguis George]

سؤااااااااااااااااال
ليه قيادات الاخوان لم تصاب ؟
يعنى واحد زى البلتاجى كان فى موقعة الجمل
و موقعة الحرس الجمهورى و احداث طريق النصر
و محصلوش اى حاجه
اللى عنده اجابه يتفضل

[منى الجميله]

الاجابة سهلة

يقول الحق تبارك وتعالى
( وَيُرْسِلُ عَلَيْكُمْ حَفَظَةً ) سورة الأنعام: من الآية 61
و يقول سبحانه أيضا" (إِنْ كُلُّ نَفْسٍ لَمَّا عَلَيْهَا حَافِظٌ) سورة الطارق: 4
قال الله تعالى: {لَهُ مُعَقّبَـٰتٌ مّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ ٱللَّهِ } الرعد 11
* عن ابن عباس، قوله: «إنْ كُلُّ نَفْسٍ لَمَا عَلَيْها حافِظٌ» قال: كلّ نفس عليها حفظة من الملائكة.
* عن قتادة، قوله: «إنْ كُلُّ نَفْسٍ لَمَا عَلَيْها حافِظٌ»: حفظة يحفظون عملك ورزقك وأجلك
* إِن كُلُّ نَفْسٍ لَّمَّا عَلَيْهَا حَافِظٌ بمعنى الحافظ من الملائكة يحفظ عملها من خير وشر

(لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ) الرعد 11

للإنسان ملائكة تتعقبه من بين يديه ومن خلفه يحفظونه

[(( لؤلؤة الايمان ))]

هما اللى بيضربوا وهما اللى بيموتوا
والبلطجية محادش عارف راحت فين بقيوا المعتصمين السلميين الذين لا يحملون السلاح هما ال***ى وهما اللى بيعتقلوا والبلطجية والشرطة عليهم ت*** كما تشاء وينسب عملها للاخوان
لكى الله يا مصر ولك الله يا اسلام

ولو معاهم اسلحة فعلا وبيضربوا ليه ما شوفناش جنازات عسكرية للظباط والجنود اللى بتموت ليه المعتصمين كل يوم منهم شهيد ومصاب رغم ان معاهم اسلحة !!!!!!!!!!!!!!

اللهم احمى الاسلام والمسلمين ومصر والمصريين

[(*أحمد عرفة*)]

حسبنا الله و نعم الوكيل فى كل إخوانجى ...

[منى الجميله]

يا حاكم بأمر الله

هذه الاخبار هى الان الموثوقة التى لا تكذب ابدا فما دامت تنهش فى عرض الاخوان فلا ضرر من ذلك

انظر الى جميع الاخبار ستجدها تهاجم الاخوان

اما لو وضعت خبر يدافع عنهم ستجده اما يحذف او يبلغ عنه بأنه مخالف او يتم ايقاف صاحبة

مثلما حدث امس مع مستر أحمد حمدى

[السيسي البطل]

ايها الكائن الاخوانجى او اللى مش اخوانجى بس بتحترمهم

- هتعاطف معاك لو مكنتش رميت الاطفال من فوق السطح
- هتعاطف معاك لو مكنتش ***ت 16 جندى ساعة الفطار
- هتعاطف معاك لو مكنتش ***ت جيكا و كريستى و الجندى و ابوضيف و غيرهم كتير
- هتعاطف معاك لو مكنتش قلت العمليات الارهابية فى سيناء هتتوقف فى ثانية بمجرد رجوع مرسى الحكم
- هتعاطف معاك لو مكنتش بتستعين بالارهابيين و كتائب عز الدين القسام (حماس) ل*** جنودنا على الحدود (مما يودى بحياة العشرات يوميا ) و اقتحام الاقسام فى السابق لتهريب مساجينكم و سرقة الاسلحة
- هتعاطف معاك لو مكنتش قلت دونها الرقاب و اللى هيرش مرسى بالمية هنرشه بالدم
- هتعاطف معاك لو مكنتش هجمت على اعتصام سلمى ببلطجيتك فى احداث الاتحادية
- هتعاطف معاك لو مكنتش خطفت المؤيدين للسيسى (سواء ضباط او مدنيين) و عزبتهم و حطيتهم فى صناديق و رميتهم تحت الكوبرى و فيه منهم اللى ماتوا و مثلتم بجثثهم
- هتعاطف معاك لو مكنتش نزلت بلطجيتك لما الثوار نزلوا يحاسبوك على ال 100 يوم
- هتعاطف معاك لو مكنتش ***ت اخواتك فى احداث الحرس الجمهورى لالصاقها بالجيش
- هتعاطف معاك لو مكنتش اتجمعت انت و زمايلك على طفل و قعدتوا تضربوا فيه و تطلعوا عقدكم
- هتعاطف معاك لو مكنتش استخدمت الدين كغطاء على سياستك و كفرت معارضيك و كنت سبب فى ارتفاع نسبة الالحاد لتشويهك له بامثال على ونيس و خالد عبدالله و عبدالله بدر ووجدى غنيم وغيرهم الكثيير
- هتعاطف معاك لو مكنتش قلت عايزينها سوريا و البقاء للاقوى
- هتعاطف معاك لو مكنتش كبرت لما عرفت ان امريكا حركت بوارجها فى اتجاه مصر
- هتعاطف معاك لو مكنتش طالبت المجتمع الدولى بالتدخل و فرض عقوبات على الجيش المصرى
- هتعاطف معاك لو مكنتش قلت إيه يعني لما يموت 10 آﻻف في سبيلمشروعنا مصر فيها 90 مليون

ايها الكائن الاخوانجى او اللى مش اخوانجى بس بتحترمهم انت انتهكت كل معانى الانسانية من خلال ممارسة الارهاب و الكذب و التضليل و التلفيق و ال***** فا متجيش تطالبنى دلوقتى بالتعاطف معاك و اظهار الحيادية و اظهار انسانيتى اللى انت اعدمتهالى بعد ما عيشتنى فى غابة البقاء فيها كان للاقوى زى مانت قلت !!!

[mr/Guirguis George]

لكن اريد ان اقول
و هل الذين قـتلوا
الم يكن معهم ملائكه تحفظهم
و الملائكه اختصت القيادات قط

[Tornadoo1970]

يا عم جرجس
قادة الاخوان مثل الملائكه
معصومون من الخطا
معهم صكوك غفران انهم مهما فعلوا سيدخلون الجنه
اما الشباب المغرر بهم
فقد جعلهم اللهم حماية للكبار

ربنا يشفى العقول التى خربت