كله يقرب كله يشوف

[ملكة زمانى]

)
7/6/2008 فى ساعة متاخرة من الليل
-معرفتش هيكون فى مراوح فى اللجنة
مراوح ؟! مراوح وكولديرات وسراير ولو عايزة تاخدى الامتحات تحلية فى البيت مفيش مشكلة
- انت لية بتسفة كلامى والله انا قرات فى جرنان النهاردة كدة
جرنان النهاردة اة ما هما بيعملوا الجرايد عشان الناس اللى زيك
- اللى زيى ماشى بكرة نشوف
(دا حوار كان بينى وبين اخويا يوم امتحان العربى بليل)

روحت المدرسة وكانت الصدمة

شايفين دى اللوحة بتاعت اسم المدرسة الشمس اكلتها وتقريبا كان فوقها حمام مش عارفة الجدار لونة عامل كدة لية؟ الناس اللى من المنصورة عرفوا المدرسة اكيد على فكرة بيسموها ام المجرمين الثانوية عاهات كمان
المدرسة دى اثرية يمكن من اكتر من 50 سنة

دخلنا المدرسة كنت ماشية مع بنتين من صحابى وكان رقم جلوسنا قريب من بعض فقولنا ندور مع بعض المهم لقينا لوحة عليها ارقام الجلوس من رقم كذا لرقم كذا اللجنة رقم كذا
بعد مجهود عسير ومحاولات فاشلة اننا نعرف رقم اللجنة طلعت فوق من ورا اللوحة وشفت الرقم بس بالمقلوب من غير طبعا المدرسة مكونة من تلت مبانى واللجنة بتاعتنا كان مكتوب جمبها الجناح الغربى الدور الثانى
الجناح الغربى ؟ والجناح الشرقى هى مدرسة هوجورتس بتاعت هارى بوتر ولا اية ؟ طيب الغرب دة واحنا واقفين كدة ولا كدة المهم طلعنا السلم ولقيت لوحة بتقول

بس ابشروا يا بنات ميتين ميتين
يلا قدامى لسة مبنى يلا سوق القطيع الى المراعى
واحدة ردت عليا مراعى اية ؟ احنا واقفين فى (.....) ممكن اقول اسطبل بس هى قالت كلمة تانية
رديت عليها دى اغنية لفيروز
فقالت فيروز دى بقيت بتلاتة جنية
تلاتة جنية اية ؟ طبعا فهمت قصدها وانها متعرفش غير فيروز الحاجة الساقعة سكت وانا قرفانة منها

كان فى لوح كتير فى المدرسة اختارت منها اللوحة دى

تفتكروا دا مين
وكانت الاجابات (صدمة) :
حسن شحاتة ، الملك فاروق ، حسنى مبارك
يعنى انتوا ولا بتشوفوا ولا بتفهموا انجليزى مكتوب جمبها احمد زويل بالانجلش
قدامى يلا رجليا وجعتنى ليك يوم يا ظالم
لفينا المدرسة حتة حتة وطبعا بندور على لجنة غلط وكل المراقبين مش من المدرسة ولا يعرفوا الجناح الغربى فين ؟
رجعنا تانى للوحة وكنت هتضرب بس الحمد لله ربنا ستر
لقينا اللجنة دا شكل اللجنة

عار صح
ودا الكرسى اللى بيقعد علية المرقبين

تقريبا رجلة مقطوعة وبيشحت بعد ميخلص شغل (الكرسى طبعا)
اما بقى عن تهيئة الجو النفسى للطلاب
فكان جمب المدرسة واحد سمكرى جمب شباك لجنتى على طول

وياربى علية طول النهار دق وخبط لما دماغى ساحت واية بيشغل اغانى بيئة جدا جدا وانا مش بكرة اد الاغانى الشعبى مثلا اغنية واحد بيدور على ابوة طول الغنية يابا يابا يابا
واغنية تانية عمال يقول انا مش عارفنى انا مش فاهمى وكبرت فجاة
انا مالى انا انت عندك مشاكل نفسية على نفسك مش عليا
(ملحوظة السمكرى او الميكانيكى دة طلع من بلدنا فقولت لولدتى اية رايك تعرفينى بيتة وانا اروح اترجى زوجتة انى يبطل شغل فى وقت الامتحان قالتلى دى مراتة كانت بتضرب ابنها خلعت عينة يالهوى ياماما لا انا بعرف اركز مين اللى قال غير كدة :D
ودا منظر امامى للشارع

من شباك اللجنة
وتصدقوا مفيش مراوح فى سقف نازل جدا بدلها حتى شوفوا

والناس اللى الغش فى دمها بتعرف تغش فى اى مكان صحرا ان كان او بستان برضوا غشاش
شوفوا دى الناس بتوع الالمانى اللى كانوا معايا فى اللجنة كانوا بيكتوا على الجدار وبيتخانقوا عشان مش كلهم هيشوفوا كويس

انا بقول ياخدوا الكتاب معاهم

بعد اذنكوا هو الموضوع كدة خلص بس تسمحولى اتكلم فى حاجة اكيد تسمحولى

البنات والامتحانات:
بحس ان الامتحان دة فرصة او عرض ازياء وانا نازلة اشترى طقم اروح بية الامتحان وحاجات غريبة
هو فى اية هما بيعملوا كدة لية ؟!
واللى كانت بتلبس خمار بتلبس طرحة وتلفها بالطريقة اللى بيقولوا عليها اسبانش دى وانا شايفة ان دى مش حجاب ابدا لان رقبتها كلها بتكون باينة
وميك اب وحاجة ولا كاننا رايحن كبارية عارفين انا شوفت واحدة لبسها اسدال وحاطة ميك اب كامل قولت اقف معاها انتهز اى فرصة انصحها فيها (بالراحة طبعا) المهم واحدة بتقولها انتى اية اللى حاطاة دة فقولتلها اصل شفايفها بتوجعها وحاطة زبدة كواو قامت اللى حاطة ميك اب دى قالتلى زبدة كواو دا انتى على نياتك خالص
فقولت للى كانت واقفة معانا تروح تشتريلى قلم عشان كنت مش عايزة احرج بتاعت الميك اب المهم قولتلها يعنى انا مش عارفة انة مكياج طبعا عارفة بس انا عملت حساب لحضرتك ومش رضيت احرجك تفتكرى انك حلوة باللى انتى عملاة لا طبعا صدقينى انتى احلى من غيرة وبعدين دى اسمها مستحضرات تجميل يعنى من اسمها (تجميل)يعنى اللى مش حلوة بتحطها عشان تكون احلى انتى شايفة انك مش حلوة المهم اللى كانت بتشترى قلم رجعت وقفلت الموضوع
عارفين تانى يوم جت لى ونادت عليا وقالتى اية رايك (بعد ما نضفت اللى كانت عملاة) اكتفيت انى ضحكت

يارب يكون موضوعى عجبكم
لو عجبكوا بجد ياريت مش تبخلوا عليا بردودك الجميلة