هام جدا بخصوص قرار 137 لسنة 2013

[مسيواحمدشعبان]

يا جماعه دلوقتى فى قرار 280 لسنة 2012 كان متحدد فيه تاريخ سريان صرف بدل الاعتماد اما فى قرار 137 لم يحدد فيه هذا التاريخ بل ربط الصرف بالشهر التالى من موافقة وزارة المالية كما بنص القرار ما معنى هذا وهل بذلك القرار صدر والمالية لم توافق ياريت اللى يعرف حاجه يوضح لنا

[ادهم الهوارى]

السلام عليكم والله احنا تعبنا واحنا مستنيين القرار ده ولكن قبل منفرح بصدور القرار نلاقى فيه حاجة تقلقنا وممكن تكون متعمده علشان على اساسها يتاخر تعيينا كام شهر تانى وننتظر والله وزارة المالية توافق والله ده حراممممممممممممممم ارجو حد يوضحلنا علشان منتعشموش وننزل على مفيش

[AMR BODY]

ما تخافوا بعت رسالةللاكاديمية بخصوص قرار التثبيت رد قالوامبروك على التثبيت اليوم

[العقوبى]

السلام عليكم كلنا قرأنا القرار الوزارى الصادر من الوزير باالتعين بس فى المادة الثانية من القرار بيقول " يصرف لهم الاعتماد المالى فى الشهر التالى من موافقة وزارة المالية " رجاء لانة يعلم ربنا انو الواحد انتظر كثيرررر وسعيد باالتعين بس الفرحة عاوزها تكمل بتفسير البند الخاص بموافقة وزارة المالية على صرف بدل الاعتماد " وجزاكم الله خير وعقبال الجميع يارب والسلام عليكم ورحمة الله وبركاتة

[مسيواحمدشعبان]

حد يطمنا يا جماعه

[melkatry]

النظام المعمول بيه ايه

الأكاديمية تحدد وقت تاخد بيه الملفات زي ما عملت كده وطلبت المعلم المساعد اللي قبل 31/03/2011 ومادام خدت منك الوق يبقى انتى كده استوفيت شروط التعيين.
الخطوه التانيه هي ان وزير التربية والتعليم يقوم بإصدار قرار التعيين الخاص بيهم ويفوض المحافظين بإتخاذ الازم
الخطوه الثالثه يقوم كل محافظ في محافظته بإصدار قرار التثبيت بناء على القرار الوزاري وتوافر بن مالي للصرف منه
يعني لو في محافظه عندها فلوس باقيه في ميزانيتها الحاليه هتصدر قرار التعيين فوراً
لو ما عدهاش فلوس هيأجله لحين الموازنه الجديده اعتباراً من 1/7/2013 المهم في شتى الأحوال بالنسبه للمعينين هي حاجه واحده ألا وهيا ان المحافظ الخاص بيك يصدر قرار التعيين قبل 1/7/2013 ويصدر بدل الاعتماد زي ما هو عايز
طيب هتقولي ايه الفرق اقول طبقاً لللائحة الجديده والمعمول به عموماً قرار التعيين لو صدر قبل 1/7/2013 حتى ولو بيوم واحد هتفرق معاك في سنه كامله في الترقيه في المستقبل طيب بدل الاعتماد يفرق معاك في ايه هقولك في المجمل بتاع 40 جنيه زياده على اجمالي مرتبك .
يبقى لو تم الاتنين خير وبركه وكان بدل الاعتماد وتاريخ التعيين قبل 1/7/2013 يقى ربنا كرمكم من واسع
أهم حاجه هي ان تاريخ التعيين يكون قبل 1/7/2013
قصة وزير الماليه دي خاصة ببدل الاعتماد مش قرار التعيين وكل محافظ حسب الفلوس اللي عنده من الآخر
يعني لو قرار اي محافظ اتأخر عن 10 او 15 يونيه اللي جاي المفروض اللي هيتعين يروح للمحافظ بتاعه لغاية ما يصدر قرار التعيين وده من الآخر

[elsaidsabet]

هل هذا القرار يشمل جميع المعلمين المساعدين ام يشمل الى قبل 31/3/2011 فقط ام يشمل المعلم المساعد تعيين 24/5 /2011 ايضا ياريت حد يفهمنا

[مسيواحمدشعبان]

القرار يشمل جميع المعلمين المساعدين الى قبل 31/3/2011

[gmailwan]

هذا رابط القرار

http://portal.moe.gov.eg/AboutMinist...ons/137-13.pdf

[PUUUUUKJJ]

اثبتنا بالقرار 137 لسنة 2013 ولسة مستلمناش حقوقنا المالية الى الان

[PUUUUUKJJ]

ياباشا انا من سوهاج - طهطا - شطورة واستلمت جواب التعيين والى الان بدل الاعتماد لم استلمة بل تم خصم حافز الاداء والمرتب بقى على مفيش ، وقرات ان الوزير ابراهيم غنيم اخر قرار اخدة فى شان بدل الاعتماد كان قرار 530 لسنة 2012 بتاريخ 26/12/2012 وبدل الاعتماد يصرف بتاريخ 1/1/2013 وبعد كده اخذ قرار 137 لسنة 2013 بتاريخ 4/5/2013 وقرار 219 لسنة 2013 بتاريخ 25/6/2013 وقرار 231 لسنة 2013 بتاريخ 3/7/2013 وقرار 237 لسنة 2013 بتاريخ 3/7/2013 وكل القرارات الاربعة الاخيرة كات بدل الاعتماد يتم صرفة بناء على قرار وزير المالية ، اشمعنى الاربع قرارات الاخيرة واشمعنى فى الوقت ده ومن الوزير ده اللى كان فى ايام الرئيس السابق هل هذا انتقام من الشعب ولا ايه ، ارجو الافاده