|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
#1
21-07-2013, 08:53 PM
|
||||
|
||||
نصيــحة من أخوكم vampire
السلام عليكم ورحمة الله
ازيكـــوا يا رجالة الثانوية العامة أو بمعنى أصح اللى كااااااانوا في الثانوية العامة الف مبروك ليكوا جميعاً وربنا يوفقكوا يارب في المشوار الدراسي القادم كعادة مواضيعي القديمة كنت بطول فيها وبشرح شرح مسترسل عشان الكل يستوعب بس الموضوع دا انا هالخص فيه كلمتين فيهم المفيد عشان انا عارف الناس مابقتش تحب الرغي دلوقتى طبعا اللى عايز يعرف معلومات عن كلية تجارة اظن القسم هنا مليان مواضيع ما شاء الله جايبه كل صغيرة وكبيرة عن الكلية فا دي مش هاتكلم فيها لكن اللى خدت بالي منه ولاحظته بوضوح فعلا ان فيه ناس بدأت يبقى عندها فكرة يا اخش تجارة انجليش يا اشوفلي كلية تانية !! كون انك تفكر التفكير دا اصلا يبقى انت انسان سلبي وشايف المشهد من زاوية واحده وفاكر ان اللى بيدخل تجارة انجليش دا بيبقى الدنيا ملونة في وشه وبيتخرج منها بتبقى الشركات بتجري وراه عشان يشتغل عندهم بواقع دراسته الرهيبة العبقرية اللى درسها لمجرد ان الفكرة كلها "اصل انا تجارة انجليش" خد النصيحة دي حطها حلقة في ودنك "سواء دخلت الكلية او مادخلتهاش" اوعى تفتكر ان الكلية اللى هاتشغلك الكلية مجرد بتديك شهادة انك تصلح لممارسة مهنة لا أكثر ولا أقل والكلام دا ينطبق على كل الكليات بما ضمنها طب !! وانا اتكلمت في النقطة دي كتير قبل كدا وهيا ازاى انك يبقى عندك ميزة تنافسية مش موجودة عند غيرك وهيا دي اللى بتديلك وزن وليها عامل كبير في نجاحك دلوقتى ونجاحك فيما بعد خلاصة القول عايز تخش تجارة مش هاتفرق معاك انجليش من عربي دا لو انت فعلا كنت عايز تاخدها جد مش تهريج الكلية مش هاتفرق معاك .. لكن اللى هايفرق معاك الميزة التنافسية اللى انت بتبنيها لنفسك من وانت بتدرس بصـ يابنى انت وهيــا انا أخ ليكوا ومايهمنيش غير مصلحتكوا ولو مايهمنيش مصلحتكوا ماكنتش ضيعت وقتي في كتابة الكلمتين دول من الآخــــــر مش عايز أسمع نبرة الاحباط بتاعة يا تجارة انجليش يا مافيش وبالمناسبة .. انا خريج تجارة عربي دفعة 2011 وشغال محلل ائتماني في بنك "بدون داعي لذكر اسماء" الوظيفة دي اصلا في بنك زي اللى بشتغل فيه دا طبيعي جدا انها تروح لواحد خريج auc !! أو على الاقل يكون خريج علوم اكتوارية انجليش بس عشان اللى قولتهولكوا فوق دا وبتوفيق ومشيئة من ربنا طبعا خدت البوزيشن دا انا مش بقولكوا الكلمتين دول عشان اتمنظر عليكو بيها .. بالعكس دا عشان يبقى حافز ليكوا وتعرفوا ان الموضوع مش بـ أنا عربى ولا انجليش حــاولوا توسـعوا دايرة النظر شوية وشوفوا المشهد بالكامل وربنــا يوفقكــوا ان شاء الله وكل سنة وانتوا طيبين وتنــوروا تجارة باذن الله |
|
#2
21-07-2013, 10:25 PM
|
||||
|
||||
الله ينور يا استاذ فامبير علي الموضوع الممتاز ده اللي كل طالب في كلية او داخل كليه لازم يقراه لان فعلا النبرة السائده في البلد اليومين دول انك هتاخد الشهاده تعلقها علي الحيط حتي لو دخلت كليات القمه انت اديتنا مثال للتفاؤل بيدل علي ان اللي بيجتهد بيلاقي تمن مجهوده وده بيدينا الامل كلنا ربنا يجازيك خير علي الموضوع ده
|
|
#3
22-07-2013, 07:04 AM
|
||||
|
||||
|
والله كلام جميل
جزاك الله خيرا
__________________
 |
|
#4
30-07-2013, 04:16 PM
|
||||
|
||||
|
شكراااااااااا بجد علي النصائح الجميله دي
جزاك الله كل خير
__________________
 |
|
#5
06-10-2013, 01:40 PM
|
|||
|
|||
|
طول عمرك بتجيب من الاخر يا فامبير ربنا يخليك للمندى ويخلى المنتدى ليك
بس انا كان ليا سوال بس انا مش عارف اتخصص محاسبة ولا ادارة؟؟؟؟؟ ومحتاج حد فاهم يساعدنى فى الموضوع ده بجد اول ما تشوف الرد ده رد عليا يا فامبير |
|
#6
06-10-2013, 02:13 PM
|
|||
|
|||
|
انا اكلت فشااار فى الجامعه دى
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:26 PM.
