خاص للثانوية

[Only Forward]

كل يوم حاجة جديدة الكلام دة من اليوم السابع
أكد الدكتور سعيد شلبى، مستشار اللغة العربية بوزارة التربية والتعليم، أن الوزارة تراجعت عن قرار إلغاء تدريس القصص المدرسية للثانوية العامة وهو القرار الذى اتخذه الدكتور إبراهيم غنيم وزير التعليم السابق.

وأكد المستشار لـ"اليوم السابع"، أن قصة الأيام لطه حسين تم طباعتها بالفعل وستدرس للصف الثالث الثانوى هذ العام.

كان الوزير السابق قد قرر إلغاء القصة ذات الموضوع الواحد واستبدالها بعدة قصص لحصة القراءة المتنوعة.

[shams55]

ام التخلف فيكي يامصر

[على العربى]

أنا مستغرب الامور كل يوم العقاد - الايام هو نحن سوف نخترع الذرة الناس كلها وصلت القمر ونحن كل يوم ننام ونستيقظ على الايام -العقاد

[الأستاذ-محمد غانم]

هو ايه سر حربي ....مفيش تخطيط واضح
هو احنا تحت أمركم ...درسوا قصة حاضر ..نلغي القصة حاضر
طيب الطالب ده ما لوش حق انه يعرف هيدرس ايه

[طارق الوصيفي]

المدرس آخر واحد يعرف عن منهجه حاجة وبعدين الغوا القصص يا أصحاب الألباب والله ماليها لازمة مصالح في الطباعة ده أكيد مفيش كلام طبعا علشان قرار إخوان طب ما هو صح فيها إيه لو سألت المدرس نفسه تلغي ولا لأ حسبي الله ونعم الوكيل

[على عبدالرحمن محمود]

ليتهم يقررون عبقرية عمر للعقاد او اى قصة هادفه غير الايام لكن الحقيقة ان اى حاجة مفيدة ونافعة للناس فى مصر لازم نلغيها ونقف ضدها والسلام على التعليم وعلى الحريات وعلى الاحرار فى مصر

[على العربى]

لقد وصلت الكتب لمدرستى كلها للصفوف الثلاثة وليس فيهاأى تغيير

[صلاح القاضى]

المشاركة الأصلية كتبت بواسطة على العربى

لقد وصلت الكتب لمدرستى كلها للصفوف الثلاثة وليس فيهاأى تغيير

معنى كلامك أستاذ على أن منهج أولى ثانوى هو المنهج القديم
نرجو التوضيح للأهمية
صلاح القاضى

[على العربى]

فعلا كتاب العام الماضى للصف الاول كما هو ماوصلنا غيره

[أ/محمد نبيه]

طيب ومنهج الاضواء حقوق الاخر وثقافة التسامح والحاجات دي

[على العربى]

ربنا ينير لنا الطريق 0 والمستشارون يوضحون لنا الطريق ويخرجون من المكاتب والمكيفات التى ينامون فيها

[على العربى]

اليوم رجعت كل القصص المقررة للمديرية ومخازن الكتب وكذلك الكتاب الثانى للتربية الاسلامية للصفوف الثلاثة
والله أعلم إن كان هناك بديل لها أم لا

[مسعود شوقي]

أستاذي الفاضل / على العربي القصص كما هي هذا العام اما ان شاء الله قصة الايام بدلا منها عبقرية العقاد اما منهج اولي ثانوي اتغير بالفعل والكتاب مثل كتاب الاعدادي بالضبط وصورته موجودة على بوابة الثانوية
وراي الخاص وااسلاماه قصة هادفة لكن تحتاج الى بعض التنقيح الا وهي الحد من الحوارات التى تعتبر حشو اما الايام فالجزء الثالث هو الفائدة فالصعوبات التى واجهت طه فيه والهدف من القصة فيه وهو الارادة والتحدي المفروض اما الاول والثاني فلا فائدة منهما وللاسف الالغاء على حد القول هو الثالث ونفهم من ذلك فائدة الطالب ليست هي الغرض الاساسي من التعليم
والله اعلى واعلم

[محمود فؤاد]

السلام عليكم ورحمة الله وبركاته
يا جماعة الكل بيتكلم عن عبقرية العقاد ... جميل بس أي عبقريات العقاد المقررة ... بجد احنا بنعيش مهزلة مع حدودة القصة اللي اتحذفت ولا لأ ... ومش عارفين نشتغل ازاى .... وبصراحة انا باشتغل كل الفروع ما عدا القصة حتى تتضح الرؤية

[walooooooo]

الأيما دي لازم تتلغي
أنا مدرس عربي والقصة غير هادفة لا لغويا ولا عقليا