محتار تدخل علمى علوم ولا رياضه ولا ادبي ادخل هنا

[سامر عبد الله]

سلام عليكم ورحمه الله وبركاته
كل سنه وانتم طيبين
طبعا موضوع ادخل علمى علوم ولا ادبي ولا علمى رياضه موضوع اصبح محير جدا ومشكله جامد جدا
لالالالا مش مشكله جامده ولا حاجه انا هريحكم جدا جدا جدا وهتعرفوا ان قرارك ده بسيط اوى بس خلى ودنك معايا هههههههههه
وبعد اما تقرأ هتبقي مبسوط جدا
هتبقي مخنوق اوى من المشكله وانفعالاتك هتبقي كده وبعد اما تقرأ هتبقي كده ودلوقتى تشوف
نقول بسم الله
بصي يا حبيبه قلبي او يا حبيب قلبي الموضوع مش محير ولا حاجه طالما انت\ى ماشاء الله شطور\ة وممتازة وتقدرى تمشي في الاتنين
اولا انت\ى تحدد\ى انت \ى نفسك تبقي ايه هدفك ايه وده اول حاجه لازم تحدديها وعشان تحدديها مش لازم تكون\ى قلقان\ه ومتوتر\ة طالما عقلك يقدر يمشي في الاتنين
ثانيا بعد اما تحدد\ى هدفك عاوزة اقلك\اقولك ان صعب انك تفهم\ى طبيعه المواد وتحكمى هتدخلى علمى ولا ادبي من طبيعه المواد لانك لازم تكونى درستيها او درستها وعشان تدريسها لازم تدخلى 2 ثانوى الاول ههههههههههههههههههههه عشان تفهميها
طبعا عشان نحل الموضوع ده نعمل ايه
اقلك انا الموضوع سهل اوى
مش انت\ى ليكى هدف ؟؟؟؟ خلاص بكلمه انا ليا هدف انتهى الموضوع ؟
فمثلا لو قلت\ى انا هدفي كلية الطب
خلاص انتهت
أسأل نفسي بقي
ايه الوسيله الى ااقدر بيها اكون متميز في علمى علوم ؟؟؟
واستغل الاجازه في الموضوع ده ازاى ؟؟
واسأل الى سبقونى اخطأهم ايه واستفيد منها؟؟
واسألهم (طبيعه الدراسه) ايه
وطبعا في ناس تقولك دا انا شاطر في احياء اولى ثانوى وهبقي جامد اوى في 2 ثانوى
هههههههههههههههه ااقولك مش مقياس يا حبيبي او يا حبيبتى ههههههه عشان انا بكلم المذكر والمؤنث
طبعا عموما طبيعه الدراسه في الاحياء عاوزة حفظ جامد جدا ومواظبه ومراجعه
وتختلف عن اولى ثانوى في ان المنهج كبير اووووووووى عاوز حفظ ومواظبه على العمل
خلاص اتعلم انى اواظب على شغلى عشان اكون مناسب بأنى ادرس احياء لان طموحى (هدفي ) كلية الطب
.................................................. .................................................. ................................
امتى بقي اتراجع عن قرار علمى علوم ؟
لو انا بكره الحفظ جدا او مليش ميل لماده علمى علوم مثلا او من النوع الى مش عارف اكون منتظم على الشغل اسيب شعبه علمى علوم فورا
واكيد اكيد اكيد انت\ى في شعبه ليك\ي ميل ليها اكتر وتقدر\ى تدى فيها اكتر من التانيه
اه انتى ممكن تقدر\ى تمشي في علمى وادبي تماااام
بس في حاجه تقدرى تمشي فيها وتدى فيها اقصي طاقتك وتكون مناسبه لقدراتك
يعنى انتى لو في شعبه متوفر فيها ال 3 حاجات دول
تكون مناسبه لقدرتك ودا هتعرفي\ه بسهوله هههههههه -طموحك-تدى فيها اقصي طاقتك
خلاص انتهت وبالتأكيد تختاريها
.................................................. .................................................. .......................
والاهم من كل ده بقي الاستخارة والاستخاره انت\ى بتصليها وبتدعى الدعاء بتاعها وتتوجه\ى الى بالدعاء انه ييسر ليكي بألى فيه الخير تمام
وبعد كده بتتوجهى الى االفقسم الى انت\ى شايف\ه ان فيه طموحك وهدفك وهيريحك تمام
لو ربنا وفقك فيه وملقتيش فيه حاجه تعطلك يبقي تماااااام
انما لو بدأت تظهر مشاكل ككتيرة فيه تعرف\ي ان مفيش فيه الخير
.................................................. .................................................. ...................................
هحكيلك حكايتى مع الاستخاره
انا في سنه تانيه جبت 96%
وكنت محتار اوى ادخل علمى علوم ولا ادبي ولا علمى رياضه وايه الاحسن ليا
بس انا مكنتش بحب الاحياء خالص لانها كبيرة اوى واساميها علميه وبتدخل في بعض جامد وعلى اما توصلى لاخر المنهج تكونى نسيتى الى في الاول واول حصه روحتها لقيت المدرسه بتاعتى بتقولى كده ههههههههه انك هتنسي المنهج شهر 3 قلت في نفسي
يا صلاة النبي
وكنت ساعه اما اجيب سيرة علمى رياضه يقولولى دا بتاع الفاشلين دا علمى رياضه ده مش مناسب دا الطب برقبته ويا سلام بقي لو تجيب ميه في الميه السنه الى جايه وتدخل طب هههههههههه وسودوا الدنيا في عينى طبعا كان غلط انى بحب علمى رياضه وادخل احياء مهما كان الى حواليا بيقولوا ايه انا المفروض ادخل الى بحبه وشايف انى شاطر فيه طول عمرى
وكنت مستخير ربنا قبلها
روحت اول حصه احياء ورجعت البيت تعبت اوى ذاكرت الدرس في 5 ساعات هههههه
تانى حصه ذاكرته في 8 ساعات هههه وعلى فكره الارقام دى مش وهميه دى بجد
ثالث حصه كرهت نفسي وكرهت الماده وكرهت كل حاجه وكنت برجع البيت وشي ازرق ويقعدوا يضحكوا عليا
قلت بس ,,,,,,,,,, يبقي علمى احياء ده مش كويس ليا وربنا مش عاوزنى اكمل فيه
رحت علمى رياضه
المفأجاه بقي ان المدرس بتاعى بتاع سنه تانيه مكانش عنده مكان خالص وده المدرس الوحيد الى عنده ضمير وبيشرح بما يرضي الله قفل الاماكن كلها وزعلت اوى
قلت لأ انا هستنى عنده هقعدبعيد اوى عن السبورة وكنت بخرج من الحصه نظرى ضعيف جدا وبدأ المدرس بتاعى يتخانق جدا معايا لان حاسس بالذنب تجاهى حرام اانى ادفع واقعد بعيد واشوشف بالعاقيه وانا ميفرقنيش حاجه عن زمايلى يعنى وقالى انت لازم تمشي
المهم قعدت اكتر من خمس حصص في الموضوع ده
لحد اما بنت مشت من الدرس وحولت ادبي سبحان الله وسابتلى مكانها وقعد الاستاذ يقول سبحان الله صبرت وربنا كرمك
وقعدت وفهمت المهم
جرت السنه وخلصت بس للأسف مدخلتش كليه الهندسه الى بحلم بيها ولا كليه الحاسبات والمعلومات
واقسم بالله انى فرقت عن حاسبات ومعلومات نص درجه يعنى 0.1 (واحد من عشرة )في الميه
مش واحد في الميه بقي ولا نص في الميه والبيت كله كان عامل ميتم وكل الى بيقولوه انت فشلت انت فشلت انت فشلت
ودخلت كليه العلوم قسم رياضه وكنت زعلان جدا لانها مش حلم حياتى اساسا لكنى كنت على ثقه للنهايه
انى طالما استخرت ربنا يبقي هوا دا الى فيه الخير مهما حصل ليا
والهى اجمل ايام حياتى في كليه العلوم وربنا كرمنى فيها اخر كرم اقسم بالله مكنتش هشوف الكرم ده في هندسه ولا في حاسبات ومعلومات وكل حاجه في حياتى اتغيرت وبقيت للاحسن
عشان كده الاستخاره مهمه اوى قبل ما تفكر في اى حاجه
.................................................. .................................................. ..................................
كمان في حاجه عاوز ااقول عليها
ان الاهم من قدراتك وانك تشوف انت هتتميز في ايه انك تكون ماشى صح
لان انا الى خلانى مجبش مجموع كبير في تالته وانقص ولحقش الا علوم مش مشكله قدرات
مشكله انى مكنتش عارف ازاى تكون شخص ناجح ازاى تكون ايجابي ازاى تنظم وقتك
يبقي انت قبل اى حاجه لازم تعرف ازاى تكون انسان ناجح وده بقي تعرفه من فيدوهات للدكتور ابراهيم الفقى الله يرحمه يارب هوا دا الى هيعلمك بقي الطريق للنجاح على اصوله هههههههههههههه
انا عندى ليه فيدوهات بتتكلم عن الطريق للنجاح ودى الروابط بتاعتها
طب انا ليه جايلك الفيدوهات دى
انا جايبهالك علشان حاجه مهمه اوى
الانسان الناجح لازم يتغلب على معوقات النجاح ليه لانه ممكن يكون شخص ذكى اوى بس عنده عوامل تحطمه زى مثلا انه مش صبور انه عصبي حساس زياده عن اللزوم مش قادر ينظم وقته
بيتخنق من الملل بتاع مواد الثانويه العامه بيتخنق من كتر المواد
انما لو عرفت ازاى تتغلب علوى معوقات الفشل ده تبقي تمام التمام اوى وهتنجح في اى حاجه تدخلها سواء علمى علوم او علمى رياضه او ادبي
يبقي ملخص الكلام السابق ده كله
1-احدد هدفي
2- استخير ربنا
3- اسأل الى سبقونى في الحاجه الى بحبها
4- لقيت ربنا كرمنى بالاستخاره وشوفت الى قبلي عملوا ايه وفهمت طبيعه الدراسه ولقيت نفسي عارف احفظ تمام التمام بقي ولايق بأدبي او علمى علوم
او لقيت نفسي بحب الفهم وحل المسائل الرياضيه كتير وعندى طوله بال ولايق بعلمى رياضه4- اشوف فيدوهات الطريق الى النجاح
هههههههههههههههههههههه خلاص كده يا اخواتى يا حبايب قلبي
كل سنه وانتم طيبين ومفيش حيرة بعد النهارده من الموضوع ده وربنا يوفقكم وهتنجحوا انشاء الله
واى مشكله عندكم انا مستعد للرد على اسئلتكم واى طلب من العين دى للعين دى