تعليمات غير مسئولة من التوجيه

[hassanalhawy]

فى صباح يوم الخميس 31/10/2013 تسلمنا تعليمات من إدارة شبين الكوم التعليمية
بنسخ الكتب الإلكترونية للطلبة على الفلاش ميمورى الخاصة بهم
=================================================
والآن أريد أن أسأل السادة موجهى الإدارة :
1 - هل تعرفون ما الضرر الذى حدث لأجهزتنا الشخصية فى بيوتنا من جراء نسخ تلك الكتب من مدرسة المساعى العسكرية على فلاشاتنا ثم نسخها على أجهزتنا؟ وكم الفيروسات التى أصابتها ؟
2 - هل تعرفون ما الضرر الذى سيحدث لأجهزة المدرسة نتيجة وضع فلاشات الطلبة عليها ؟ وكم الفيروسات التى ستصيبها ؟ ومدى الأعطال التى ستصيب الأجهزة ؟ يوجد عندى فى المعمل جهاز حالياً مابينطقش من ساعتها
3 - هل سنترك عملنا كمدرسين وسنتفرغ لعمليات النسخ ؟ فعندى فى مدرستى 200 طالب
4 - ألم تنبهوا علينا طوال الأعوام الماضية بعدم وضع الطلاب فلاشاتهم على أجهزة المدرسة منعاً لإصابتها بالفيروسات ؟
5 - هل أصبح ما هو محرم بالأمس حلالاً اليوم !!!!!!!!!!!!!!
6 - هل أصبح المعلمين مسئولين عن أخطاء سياسات الوزارة فى عدم طباعة الكتاب وعدم إنتاج الإسطوانات cd وتسليمها للطلبة حتى الآن ؟
================================================
أنا أستنتج أن صاحب هذا القرار الغير مسئول ليس توجيه الإدارة بل هو التوجيه العام فى المديرية . وأنا متأكد أن الموجهين أثاروا نفس هذه التساؤلات بل وأكثر منها .
وأن صاحب هذه الإفتكاسة هو عبقرى التعليم فى المنوفية ( الموجه العام )
فتعليماته هى قانون لا يناقش . وكل رأى مخالف هو تعدى على سلطاته الإلهية
وطبعاً الكل فى اجتماع المديرية يقولوا حاضر آمين
طبعاً الموجه العام عايز يشيل توجيه الإدارات مسئولية عدم إستلام الـ cd للطلبة
وطبعاً فى المقابل توجيه الإدارات عايز يشيل المدرسن الليلة

[mezo_no10]

حسبنا الله ونعم الوكيل .
ممكن مسئول يا جماعة يفهمنا إيه اللى بيحصل فى المادة . هل ذلك تمهيد لإلغاؤها كما هو شائع ولو ده حقيقى إيه مصير المدرسين . ولو هو مش صح ليه الوزارة لم تطبع الكتب . فين بتوع الإدارة العامة للكمبيوتر التعليمى . كفاية سلبية وتقضية مصالح وتابعوا المادة والناس المسئولة منكم .

[أحمد هاشم الزيدي]

ليس مادة الحاسب فقط التي لم يتم طباعة الكتاب فيها يوجد بعض المواد مثل التربية الدنية والفرنساوي والقصة
المهم ان المادة تضاف الي المجموع الكلي وستظل كذالك بإن الله تعالي

[el7fnawy]

[MHD88]

والله انا ريحت دماغى من دا كله وطبعت الكتاب ووضعته فى مكتبه معروفة للطلبة وراحوا صوروه وقلت لهم بتكلفة الكتاب الخارجى اللى هتشتروه ولكن دا كتاب الوزارة اللى بيجى منه الامتحان

[mahmoudbeso]

طبعا احنا بقينا قدام امر واقع وفي النهايه يا جماعه اللي مظلوم هو الطالب مش اي حد تاني

يا جماعه انا عندي حلين صغيرين لو سمحتم او اقتراح :

انا شايف ان حضرتك تعرض علي الطلبه حاجه من اتنين

1- اما تصوير كتاب الوزارة واكيد في كتاب قديم من زمايلهم او حضرتك تسيب كتاب قديمة او تصوير قديم للكتاب للترم الاول وبالتالي الطالب هيروح يصوره من المكتيه الموجود فيها والتكلفه مش هتكون كبيرة لان عدد ورق كتاب الترم الاول مش كتير تقريبا 90 علي ما اتذكر يعني التكلفه هتكون ما بين 5 او 10 جنيه

2- الطلاب اللي ممكن يزاكروا من خلال اسطوانه ممكن حد منهم يتكفل بتجميع فلوس ويشتروا اسطوانه وانتا تنسخها لهم بعيد عن الفلاشات والفيروسات والكلام ده

[hassanalhawy]

طب لو الطلاب صمموا على الحل الأرخص وهو تحميل المذكرة على الفلاشة ، حضرتك حتعمل إيه وفيه مكاتبة تجبرك على تنفيذ أوامر الزبون