ومين فينا؟

[مريم السباعى.]

معرفش ليه بركز فى الغروب جدا
كانى عارفه و توامى
فييك بتتجمع كل صور الوجود
فيك الشعور العالمى
ما بين حبييب وبين حزين وبين يتيم
متشعلق فى ديل الشمس
بيحلفها متمشيش
بذهابك بيتدى ظلامى
ومين فينا فى الشمس متعلقش؟
مين محلفهاش فى يوم متغبش...
كانه عارف ان اليوم دة ماهيتعوضش
والشمس كا العادة بتمشى
واحنا بنتشعلق
متمشيش
مت***يش فرحى
مين فى عز اليل يحفظ ذكرياتى
زى سخونة ماشعرك الى بتنور ضياء؟
مين هيوصل صوت دعايا لسماء
مين هينور لحظة حلوة بينى وبين هوايا
هتقولى القمر؟
مهو القمر انعكاس ليكى القمر اصلا مرايه
ازاى عيزانى اتصبر بصورتك
وانتى موجودة قدامى وجوايا
ياشمس متسبتيش
يا شمس متغبيش
سكت لان فاجاة فى وسط كلامه
لقا اليل ليل
وضو القمر ميل
الشمس خلاص مشيت
وحبيتبه كمان مشيت
والدمعة خلاص نزلت
والقصه خلاص خلصت
والمطرة اهى بتنزل بعنوان النهايه
بتكتب بسخونه دموعه
بلاش تركز فى الغروب جدا
بلاش تتشعلق فى ضوء الشمس
بلاش تتشعلق فى اى شئ
اصلا
لان كل شئ فى الاصل ماشى
فبلاش عشات متتعبش
.............................
اشرقت الشمس