وزير"التعليم" للمعلمين: لا داعي للتظاهر .. فزيادة الرواتب التي تم إقرارها "معجزة"

[ابو أ يمان]

الخميس 12.12.2013 - 08:11 م

كتبت - ياســــمين بدوي

قال الدكتور محمود أبو النصر، وزير التربية و التعليم، في تصريحات خاصة لـ"صدى البلد"، مساء اليوم الخميس، إن الزيادات الجديدة التي أقرتها المالية، والتي ستصرف للمعلمين من أول يناير الشهر القادم"معجزة".

وأوضح الوزير، أن فكرة إقرار زيادات جديدة في الموازنة الحالية المقرة بالفعل بشكل مفاجئ ، هو معجزة تدل على ان اهتمام الدولة بتحسين حال المعلمين والتعليم في مصر.

وأضاف أبو النصر، أن المالية قررت بالاضافة لتطبيق الحد الادنى للأجور على المعلمين، أن تمنحهم زيادات جديدة ستجعل رواتب المعلمين اعلى من الحد الادنى المحدد بـ 1200 جنيه، مشيرا الى انه من المقرر مع اول يناير القادم أن يصل راتب المعلم المساعد إلى 1726 جنيهًا، وكبير المعلمين إلى 4117 جنيها، بما يعنى زيادة الراتب فوق الحد الأدنى للأجور بمقدار 526 جنيها.

وتعليقاً على فكرة وجود هذا الفارق في الزيادات المصروفة للمعلمين الجدد و زملائهم القدامى، أكد الوزير أن هذا الأمر مقصود كنوع من أنواع التشجيع لشباب المعلمين، مشيراً إلى أنه آن الأوان لتشجيع الشباب، وتقديم الدعم المادي اللازم لهم على اساس انهم بناة المستقبل، وهم من سيقودوا مصر خلال الفترة القادمة.

وأشار الوزير، قائلا: "أن الوزارة لم تهمل المعلمين القدامى، بل منحتهم زيادات مالية مناسبة، رغم ان رواتبهم في الأصل هي رواتب عالية، وأن هذه الزيادات ليست الاخيرة التي سيحصل عليها المعلمون، مؤكداً أن هناك نية لوضع التعليم على أول الأولويات المستحقة للصرف عليها في الموازنة الجديدة للدولة، حيث تهدف الدولة في الفترة القادمة لرفع مستوى المعلم و البيئة التعليمية، و قال الوزير "اللي جاي أحلى يا معلمي مصر".

وتعليقا على دعوات التظاهر يوم السبت القادم امام مجلس الوزراء للمطالبة بحقوق المعلمين، قال الوزير موجها كلامه للمعلمين: "اشتغلوا عشان تتقدروا أكتر.. ده وقت عمل مش وقت اضرابات و مظاهرات، فلا داعيللتظاهر".

- See more at: http://www.el-balad.com/707259#sthash.hDbNs3Nf.dpuf

[abo_rami9]

كلام معقول جدا بس المهم التنفيذ

[الاسد99]

المفروض علينا الانتظار الى اول يناير وهذا اخر كلام

[enghema]

يا مسهل وشكرا على الخبر

[هاملت1]

????????????????????????????????????????????

نفسي كان حد يطلب منه يفسر الأرقام دي

لازم يعملوا فيلم وفي الاخر فتات بس تهييج الرأي العام لما يسمع الكلام ده

[ahmed salh]

شكرااااا علي هذااااا الخبر الجميل وربنا ينصر المعلمين ان شاء اللة

ومن الاخر الوزير دة راجل شجاع وعملي وشغال وربنا يسهل

[ابوحكورة]

f[بجد خير وغقبال ميجرم الدروس الخصوصية ويحبس اولياء الامور البتحيال علي المدرسين عشان يعطي اولادهم دروس خصوصية وانا واحد منهم

[فارس ابو المكارم]

بالرغم ان مرتباتهم في الاصل مرتبات عالية وجاي علي نفسك ليه يا حبوب ده العامل في اي مكان بياخد احسن من المعلم

[فارس ابو المكارم]

حسبي الله ونعم الوكيل في كل مسئول يتلاعب بالمدرسين ده حتي أيمن البيلي بقي معاهم نفسي يطلع مسئول محترم ويقول لكل مسمي هيزيد كام من أول معلم مساعد حتي كبير المعلمين وكفاية لف ودوران الناس بتشوف الاخبار وبتصدق ان المدرس هيزيد ٥٠٠ جنية بالذمة ده كلام ومهما تحلف مش هيصدقك والسنة اللي فاتت قالوا أن المرتبات هتزيد 60% والناس بتقولك المدرسين كل يوم بتزيد وحسبي الله ونعم الوكيل

[باهر فكرى]

بجد خبر جميل ويلا كلنا نساند الوزير الهمام

[usama tahawy]

ان شاء الله خير ولابد ان نتفاءل خيرااااااا

[kabtenM1]

المعلمون القدامى مرتباتهم ليست عالية يامعالى الوزير لأن هذا المعلم راتبه أقل من أقرانه فى البترول والبنوك والعدل والضرائب ناهيك عن الاتصالات والمياه والكهرباء..هذا إلى جانب انه مسئول عن أسرة لاتقل عن 4أفراد أو أكثر ومن الممكن أن تضيف والد ووالدة كبار سن فى كثير من الاحيان .فالاهتمام بشباب المعلمين جيد ولكن لاينسيك كبارهم لعظم مسئولياتهم فى زمن البلد فيه على صفيح ساخن والاسعار نار

[مس منه]

مش مصدقه حد خاااااااااااالص

[دكتور فى الحب]

الوزير دة راجل محترم جدا وشايف شغله . انا مش عارف اول وزير بحس انه معانا مش علينا

[MOHSEN1960]

اشك فى ذلك