قسم استفسارات تقويم الاسنان

[Orthodontist]

السلام عليكم ورحمة الله وبركاته

ارحب بأى استفسار طبى فى مجال تقويم الاسنان


د/محمد أخصائى تقويم الاسنان

[!!!دمعة حزن!!!]

اهلا دكتور محمد
انا عامله تقويم فى الفك اللى فوق بس من اسنانى
اصحابى اللى عملين التقويم قبلى قالولى ان الدكتور بتاعهم قالهم اللى بيعمل تقويم فوق بس بعد كدا بتحصل مشاكل
ان الفك اللى تحت بيخبط فى الى فوق وبيضطره يعمله تقويم فى الفك اللى تحت بعد ما بيخلص العلاج فى الفك اللى فوق
ياترا كلام الدكتور ده صح ولا غلط


اشكرك دكتورى العزيز

[Orthodontist]

المشاركة الأصلية كتبت بواسطة !!!koko!!!

اهلا دكتور محمد
انا عامله تقويم فى الفك اللى فوق بس من اسنانى
اصحابى اللى عملين التقويم قبلى قالولى ان الدكتور بتاعهم قالهم اللى بيعمل تقويم فوق بس بعد كدا بتحصل مشاكل
ان الفك اللى تحت بيخبط فى الى فوق وبيضطره يعمله تقويم فى الفك اللى تحت بعد ما بيخلص العلاج فى الفك اللى فوق
ياترا كلام الدكتور ده صح ولا غلط


اشكرك دكتورى العزيز

السلام عليكم ورحمة الله وبركاته أولا اشكرك على مداخلتك
اولا حالات التقويم كلها ليست تبيكال ولكل حاله شغلها الخاص واجهزتها الخاصه من طريقه كلامك فهمت انك تعانين من مشكله فى الاسنان الاماميه وغالبا ما سيكون بروز فى الاسنان الاماميه العليا وهى عادة تعالج بجهاز واحد يوضع وكلام الدكتور المعالج لزملائك قطعا صحيحا بالنسبه لباقى الحالات اما حالتك _والتى كان من المهم ان تشرحيها _ فلا تستدعى الا ذلك وأرجو منكى ايضا ان تشرحى لى الحاله ثم تذكرين الجهاز المستخدم هل هو ثابت ام متحرك حتى تكتمل الافادة واستطيع ان افيدك اكثر واكثر وشكرا

[!!!دمعة حزن!!!]

المشاركة الأصلية كتبت بواسطة Orthodontist

السلام عليكم ورحمة الله وبركاته أولا اشكرك على مداخلتك
اولا حالات التقويم كلها ليست تبيكال ولكل حاله شغلها الخاص واجهزتها الخاصه من طريقه كلامك فهمت انك تعانين من مشكله فى الاسنان الاماميه وغالبا ما سيكون بروز فى الاسنان الاماميه العليا وهى عادة تعالج بجهاز واحد يوضع وكلام الدكتور المعالج لزملائك قطعا صحيحا بالنسبه لباقى الحالات اما حالتك _والتى كان من المهم ان تشرحيها _ فلا تستدعى الا ذلك وأرجو منكى ايضا ان تشرحى لى الحاله ثم تذكرين الجهاز المستخدم هل هو ثابت ام متحرك حتى تكتمل الافادة واستطيع ان افيدك اكثر واكثر وشكرا

وعليكم السلام ورحمه الله وبركاته
اولا اشكر حضرتك على ردك على استفسارى
ثانيا انا جهازى ثابت
وحالتى عندى سنه داخله لجوا(معوجه) ومعنديش بروز فى الفك
بس فى حاجه كمان انا عندى سنيتين تحت طلعين على بعض بس الدكتور قالى طالما مش ماثرين على المظهر الخارجى خلاص مش لازم تقويم تحت
وثانكس يادكتور

[ZOMORDA]

انا لو سمحت يادكتور عاوزة اعمل تبيض اسنان هل دا مضر او لية اى اثار بعد كدة ؟؟؟؟؟؟؟؟؟؟؟



وشكراااااااااا

[Orthodontist]

المشاركة الأصلية كتبت بواسطة !!!koko!!!

وعليكم السلام ورحمه الله وبركاته
اولا اشكر حضرتك على ردك على استفسارى
ثانيا انا جهازى ثابت
وحالتى عندى سنه داخله لجوا(معوجه) ومعنديش بروز فى الفك
بس فى حاجه كمان انا عندى سنيتين تحت طلعين على بعض بس الدكتور قالى طالما مش ماثرين على المظهر الخارجى خلاص مش لازم تقويم تحت
وثانكس يادكتور

بسم الله الرحمن الرحيم

اولا العفو حضرتك
ثانيا السنه اللى داخله لجوة دى ممكن فعلا نطلعها بجهاز واحد فوق ودا شىء عادى اما اللى مش عادى وغريب السنتين اللى تحت اللى راكبين على بعض التقويم يا جماعه مش بيتعمل عشان المظهر وبس التقويم بيتعمل عشان تلات حاجت كبااااااااااار
1- المظهر 2- الوظيفه
3-الحفاظ على الاسنان من التسوس او زى ما بيقولو تطويل عمر الاسنان لان الاسنان المعوجه تجعل من الصعب الوصول الى كل الاماكن لتنظيفها وبالتالى يتم ترسب الاكل ومن ثم تتحول شيئا فشيئا الى ان تتسوس ..تمام
لكن انا لو عندى انا هعمل تقويم للسنان دى بردة عشان زى ماقلتلك انهم ليهم وظايف تانيه غير المظهر ..وتحت امرك فى اى استفسار عن التقويم طوال فترة العلاج

[Orthodontist]

المشاركة الأصلية كتبت بواسطة ZOMORDA

انا لو سمحت يادكتور عاوزة اعمل تبيض اسنان هل دا مضر او لية اى اثار بعد كدة ؟؟؟؟؟؟؟؟؟؟؟



وشكراااااااااا

السلام عليكم ورحمة الله
شكرا لزيارة موضوعى
ولكن انا متخصص فى تقويم الاسنان و هناك موضوع لزميل اسمه د/محمد السيد صالح يجيب فيه على مثل هذة الاسئله أفضل منى
وهذا الرابط
http://www.thanwya.com/vb/showthread.php?t=53202
وتشرفت بزيارتك لموضوعى وانتظر منك أسئلة عن التقويم