صغير و للا كبير ؟؟!!؟

[SmSm Basha]

السلام عليكم .... ازيكوا كلكوا يا جماعة .... انا الحقيقة اول مرة اشترك في قسم الاجتماعيات ده انهاردة بس بجد قسم جمييل جدا ..... المهم نخش في الموضوع

انا اسلام من المنصورة مواليد 26/10/1993
يعني الحمد لله عايش في الدنيا دي بقالي 14 سنة و 9 شهور و 5 ايام و باذن الله ان عشت و كان ليا عمر في نهاية اكتوبر اللي جاي هيبقى عندي 15 سنة .....اه نسيت اقول ان انا رايح 1 ثانوي ان شاء الله ........ و الحقيقة و انا بقرأ موضوع التعارف بتاع العضوة حنان لقيت ناس كاتبين مواليد 92 و في تالتة ثانوي .....قولت لنفسي لييه سنة واحدة فارق بيني و بينهم و في الدراسة سنتين ...... و قعدت افكر افكر و عرفت لييه ؟؟!!؟ ..... ببساطة لان الحكومة المصرية العاقلة الرشيدة قررت اعادة سنة 6 على دفعتي و بالتالي حصل اللي حصل يعني كان زماني و الحمد لله داخل على 2 ثانوي ........ يللا الحمد لله على كل شيء ....... المهم انا عايز اعرف حاجة من كل الاعضاء الكبار و اللي ادي و اللي اصغر مني ......... لييه لما حد يسالني يقولي عندك كام سنة و اقوله 14 او 15 يقولي ياااه دا انتا لسه صغير مع ان الواحد و الحمد لله متفوق في الدراسة و مثقف و اجتماعي و ذو فكر (كفاية كلام عن نفسك بقة) لييه يقولي ياااااااه دا انت لسة صغير احس انو عايز يبص على الارض و هوا بيبصلي ....... بس هوا دا السؤال ...... هوا اللي عنده 14 15 سنة دا صغيير ....... و لو مش صغيير لييه المجتمع بيعاملوا على انه لسه طفل مش يفرق حاجة عن اللي في ابتدائي و كأن الواحد عشان يتقال عليه كبيير لازم يبقى في الجامعة بجد انا خااايف يجيلي عقدة و خاااايف اكتر اني اكون طولت عليكوا انا اسف بجد انا كنت ناوي اكتب كلمتين و خلاص بس الكلام خدني ...... على العموم يا ريت كل واحد يشارك و يقولي هوا عنده كام سنه و بيبص للزي ازاي (على اساس انها شتيمة يعني).....و شكرا ليكوا جميعا و اسف جدااااااااا جداااااااااا على التطويل