ماهى الاوراق المطلوبة لتغيير المسمي الوظيفى

[معاذ سليمان]

ياريت يا جماعه اللى عارف ايه الاوراق المطلوبه لتغيير المسمى الوظيفى يعرفنا انا عاوز اغير من اخصائي لمعلم وايه اخر موعد لتغيير المسمي الوظيفى والتقديم فى الادارة ولا المديرية وممكن للمعلمين المساعدين ان يغيروا هما كمان ولا لاء

[محسن سيد]

مشكووووووووور

[حمدي10]

مسكورررررررررررررررررررررر

[arafat sherif]

بصرة "قول يارب " أنا معلم مساعد فرنساوى منتدب مكتبات 3سنوات ومش راضيين توجيه المكتبات يحولى لتخصصى فرنساوى والمديرية بيقولوا لما تبقى معلم اعمل تغيير مسمى وظيفى عندنا "وابقى حلنى بقى مع بتوع المكتبات فى القليوبية لو غيروا لحد من غير واسطة تقيلة (حسبى الله ونعم الوكيل)

[احمد السيد التونى]

جزاك الله خيراً

[ايناس محمد.]

اذهب لقسم الاحصاء التابع لادارتك و هناك هيردوا على حضرتك اذا كان ممكن تغير المسمى الوظيفى ام لا و كيفية الاجراءات و الاوراق المطلوبة

[نورالإيمان]

أهم شئ أن يكون لدى حضرتك تقريرين بدرجة كفء 90% ثم تذهب لقسم الأحصاء للاستفسار كما ذكرت الأستاذة إيناس مشكوورة

[حمادة المصرى2]

ربنا ييسر لك ..حاول ولاتيأس

[حمادة المصرى2]

انا كمان تربية عام وشغال ابتدائى وعايز اروح اعدادى

[mfa1]

بسم الله الرحمن الرحيم

تغيير المسمى الوظيفي تحت القرار 275 لسنة 2011 له شقين :
1-أولهم تحويل معلم فصل إلى معلم مادة و هذا يخص المرحلة الابتدائية و الحاصلين على مؤهل تربية تعليم أساسي و من مادة لمادة أخرى
2-و الشق الثاني تحويل من معلم ابتدائي لمعلم اعدادي و هنا يجب على المتقدم أن يكون حاصل على مؤهل تربية عام أو آداب + دبلومة تربوية
الأوراق المطلوبة للتقدم ولا يجوز التقدم لمعلم مساعد لحين حصوله في صحيفة الاحوال على معلم ابتدائي و ليس معلم مساعد
1- طلب مرفوع لمدير الادارة و موقع من مدير المدرسة يطلب فيه الموافقة على تحويل المسمى الوظيفي
2-خطاب ترشيح من مدير المدرسة بأنه يوافق على ترشيح المعلم لتغيير المسمى الوظيفي
3-صحيفة أحوال الكترونية حديثة و موقعة و مختومة من الادارة التابع لها
4- صورة المؤهل معتمدة و مختومة من الادارة و صورة الدبلومة التربوية معتمدة و مختومة للحاصلين عليها
5- صورة بطاقة الرقم القومي معتمدة و مختومة من الوجهين
6-أخر تقريرين كفاية عن العامين السابقين للتقدم
7- تقرير من مدير المدرسة ذات ال 50 درجة
8- تقرير الموجه الفني ذات ال 100 درجة
9- بحث يخص النواحي التربوية و مشاكل التسرب و العمل المهني التعليمي
10- اقرار من المتقدم لتغيير المسمى الوظيفي بأنه يقبل التوزيع على اي مدرسة او ادارة لسد العجز و حسبما يرى توجيه المادة
توجد بعض الاختلافات البسيطة بين ادارة و اخرى في المطلوبات
يتقدم الطالب بملفه للموجه الخاص بالتنسيق او من يكلفه مدير الادارة لجمع و فحص الملفات و استكمالها ثم تسليمها للتوجيه العام للمادة و منه لفرع الاكاديمية و هذا عند فتح باب القبول حيث ان الاكاديمية تستقبل عدد معين ثم تتعامل معه و لحين الفراغ منه تفتح باب القبول مرة ثانية و هكذا

[abu ragab]

mfa1 شرح بما فيه الكفايه مشششششششششششششششكور

[mfa1]

abu ragab

[مستر يوسف محمد]

يجماعه المسمى الوظيفى كل المطلوب هو انك تاخد صحيفه احوال يدويه من شئون العاملين وليست الكترونيه مختومه بختم النسر من الاداره الى جانب الموهل وطلب لمدير المديريه بتغيير المسمى الوظيفى وتقدمهم للتنسيق بالمديريه
اما تغيير المرحله يختلف فهو للتعليم العام والموهل العالى بالاضف للدبلومه وليس لخريخ التعليم الاساسى الحق بالتغيير فبجانب الصحيفه ان تكون حاصل على مرتبه كفء فى اخر عامين وان تكون حاصل على دبلوم تربوى ان كنت غير تربوى
انا غيرت بالطريقه ديه

[أبو زيدو]

اعرف ناس كتير تعبوا من كتر اللف بالمديريات والادارات والاحصاء والواسطة علشان المسمى ومفيش ولا واحد عرف يغير
حاول يمكن ربنا يكرم