خلاص........خلص الكلام

[أحمد2025]

السلام عليكم ورحمة الله وبركاته
أزيك ياجماعة عاملين ايه وايه أخباركم يارب تكونوا بخير والمنتدى دايما بخير
طبعا ياجماعة انا بكتب الموضوع ده وانا مخنوق بجد من اللى بيحصل فى المنتدى والمشاكل اللى بتحصل فية
ياجماعة بجد حرام اللى بيحصل ده ده ياجماعة مبقاش منتدى ده بقى ملتقى المشاكل
ياجماعة خلى عندنا شوية زوق ونبطل مشاكل بقى علشان نخلى المنتدى كويس
ومش كل عضو عايز يبقى مشهور يعمل مشكلة فى المنتدى علشان الأعضاء كلهم يتكلموا علية ، اللى عايز يبقى مشهور يبقى مشهور بمواضيعة ومشاركاته
وياجماعة بطلب من المشرفين ان اى عضو محترم هيعمل مشاكل يتحذف عضويتة وأنا اول واحد لو عملت مشكلة وحد اشتكى للإدارة احذفوا عضويتى
المنتدى ياجماعة فى تدهور
والله احنا اتخنقنا من اللى بيحصل فى المنتدى ده
بس احنا بنحب بوابة الثانوية العامة بجد .
ومش عايز بقى حد يستهبلى ويقولى هى فين المشاكل اللى فى المنتدى والمنتدى زى الفل اهو

وفى حاجة كده ياجماعة
مفيش بقى حد يقعد يكتبلى مواضيع فى الركن العام يفضل بقى يقولنا ادخل علمى رياضة ولا علمى علوم ولا حد يقول ادخل صيدلة ولا طب
زى مايكون الركن العام مخصص للمواضيع دى

وبطلب من الأعضاء المحترمين انهم يتركوا المشرفين يعملوا بحرية لإن احنا اللى اخترناهم فمفيش حد يجى يقولى انا المشرف ده حاطتنى فى دماغة وقاعد يحذفلى مشاركات ومواضيع
وفى نفس الوقت الإعضاء لو حست بتهاون المشرف يجب ان نحاسب المشرف وسيكون حسابة عسير

وفى الأخر كده ياجماعة عايزين ننسى هم الثانوية والمشاكل اللى حصلت فيها ونبص بقى للكلية ان شاء الله وربنا ان شاء الله يكتب لكل واحد الكلية اللى عايزها وننسى بقى هم الثانوية والقرف اللى كنا فية وعيشوا بقى حياتكم عادى كانت كارثة وعدت ومتنسوش تشتروا اللبس الجديد للكلية
والسلام عليكم ورحمة الله وبركاته