-حضرتك هتشارك فى الانتخابات؟

[any name]

-طبعا هشارك, دى اهم انتخابات فى تاريخنا و هيتوقف عليها مصير البلد لعشرات السنين
-طيب أقدر اعرف قررت هتصوت لمين, و لا مستنى تشوف برامج المرشحين و بعدين تختار؟
-لا برامج ايه و بتاع ايه, السيسى المنقذ طبعا, محدش ينفع غيره أصلا
-بس فى مخاوف من انتخاب السيسى تتعلق بالتطور الديمقراطى و الحريات, الموضوع ده مش قالقك؟
-مش فاهم حضرتك تقصدى ايه
-يعنى فى مخاوف من احتمالات عودة الدولة الأمنية و اغلاق المجال السياسى و تحجيم المعارضة و تقييد حرية التعبير و التضييق على مؤسسات المجتمع المدنى و حقوق الانسان
-لا الكلام ده يهمكوا انتوا يا مثقفين, لكن انا مايكولش معايا بنكلة, انا مواطن عادى, مشاكلى و احتياجاتى مختلفة تماما, الأمن, الحد الادنى للاجور, الكهربا, البوتجاز, التعليم, الصحة, هى دى الأولويات العاجلة اللى ماتنفعش تتأجل و اللى هنتخب على اساسها, لما تتحقق نبقى ندور ساعتها ع الحريات و حقوق الانسان و الكلام ده
-طيب ما بتفكرش تنتخب حمدين؟
-لا حمدين ايه, حمدين مينفعش خالص
-ليه لأ, ده بيقول ان البرنامج بتاعه بيقدم حلول لكل المشاكل دى
-حمدين؟ قولى يا باسط. انتى بتصدقى؟ اللى خلا السيسى نفسه بجلالة قدره لا هيعرف يحلها و لا ييجى جنبها أصلا و هتتطين زيادة و هتتطربق فوق دماغنا كلنا, يبقى حمدين هو اللى هيعرف؟

[أ/رضا عطيه]

نوع جديد من الفكر
أنت تسأل
ووهمك يجيب

وفى الأخر

سعدنا بلقائكم ونتمنى الخير لمصر

مع تحفظنا على أن مصر 90%منها مش مثقفين

وأغلبية المثقفين مشغولين فى الدفاع عن حق السبكى وحلاوة روحه تحت راية حق الإبداع !!

واللى مش مثقفين لم يهتموا لا بالإبداع ولاحق الإبداع

شعب غريب وعجيب

يارب المثقفين إياهم يقاطعوا الانتخابات لنرى حجمهم





الانتخابات فيها بطل مغوار
وبينافسه فيها نسر الأحرار
والمثقفين اللى بالى بالك
مش قادرين ياخدوا قرار
أفضل لهم من دلوقتى
لأولياء نعمتهم يعملوا فرار