سؤال هام جدا فى كتاب الوزاره

[wisdom pioneer]

وضح كيف تكون العمليات الإجتماعية المتمثلة في التنافس والصراع عوامل بناء وهدم في نفس الوقت ؟

[أ/ تامر صفوت]

شرح اهمية التنافس او و ظيفته او التنافس المفيد
وشرح انواع الصراع او خصائصة
وللاسف سؤال غير دقيق ويحتمل اكثر من اجابة في كتاب المدرسة

[wisdom pioneer]

يعنى يا استاذ تامر (هل كل الاجابات صحيحه وتعطى الحق للطالب فى الحصول على الدرجه كامله)

[heshamahmedsaleh]

اجابة السؤال محددة فى كتاب الوزارة مفهوم التنافس صفحة 101
توضح مفهوم التنافس فقط والاجابة كالتالى
يعتبرالتنافس عملية اجتماعية منشطة لقوى والامكانات الانسانية ما دام فى الحدود المعقولة اما اذا خرج عن حدودة انقلب الى صراع هدام وتشرح معنى التنافس...
ويتولد عادة التنافس من التعاون وينكشف من خلالة القدرات والكفاءات وهو عمليةة مفيدةوايجابية وسليمة ما دامت ذات هدف واحد يخدم الجماعة ويميل الانسان بها نحو التطلع للأفضل وبذلك يكون التنافس عامل بناء
اما اذا اتجه التنافس نحو تحقيق أهداف فردية تعارض مع مصالح الجماعة دون التزام بقوانين الجماعة واخلاقياتها يصبح التنافس عملية مفرقة ومنبع للشقاق والعداوة والتفرقة وبذلك يكون التنافس عامل هدام
وممكن تكمل اجابة الاستاذ تامر لانها داخل السياق

[أ/على فياض]

انا مندهش بصراحة من الردود
السؤال اصلا خطأ
لان ببساطة لا يمكن ان تكون لعملية الصراع جانب بناء او ايجابى بالمرة
الصراع من تعريفة هو عملية سلبية هدامة
ممكن تجاوب على الشق الاول من السؤال الخاص بالتنافس كما وضعها استاذ هشام

[heshamahmedsaleh]

يا استاذ على العيب لا فى الردود ولا فى الاسئلة فكلاهما صحيح العيب فى المنهج الى عامل زى السمك ولبن وتمر هندى
العيب مش فى الصنايعية العيب فى القماشة

الكتاب لما بيقدم موضوع يشرح الموضوع كلة ملخبطة وبعد كدة يفندة ويحطة فى نقاط محددة
وعلى فكرة كل دة مقصود ويتحط سؤال سهل يضيع درجات الطلبة

والهدف النهائى يلخبط الطالب ويضيع درجاته حتى لو كتبلة الكتاب كلة ويحط نموذج اجابة على كيفة وبمزاجة زى ما حصل السنة اللى فاتت ويلعب بالطالب ويخلية شخشيخة هو والمدرس بتاعه
والايام جاية وهنشوف نموذج التصحيح ان شاء الله ما حدش هيعدى ال60/50 الا اللى ربنا راضى عنه

[wasim.hamdy]

الامتحان ونموذج الاجابه -خير تماما لجميع الطلبه-وكل ماكان عليه خلاف داخل المنهج تم تعديله بالفعل-من العام القادم اى من شهر 9-ووحشنى يا استاذ هشام

[رضا شاهين]

بالضبط زى ما هو مكتوب فى مبادىء الفلسفة و التفكير العلمى
أن المعرفة العلمية تأتى من الصراع بين القديم و الحديث
وبعدين تعالو نعتبرها صراع التناقض الذى تظهر من خلالة الحقيقة و يتم تصويب الأخطاء زى ما قال الأستاذ وسيم
تقبلو تحياتى وشكرا للجميع

[غدا نلقي الأحبة]

يارب فعلا يكون الاخطاء دى تم تعديلها ... ويكون منهج تانية منهج قيم وتم مراجعته ومايبقاش زى العك اللى شوفناه فى تالته ده ... الله المستعان
أ / أحمد ماجد