قدم خيرك .. تنفع نفسك وغيرك

[ساره الالفي]

السلام عليكم ورحمة الله وبركاته

إخواني وأخواتي في الله

هبدأ في الموضوع بدون مقدمات

طبعا أغلب اللي مسجلين في المنتدى سواء كانوا طلبه أو مدرسين الأغلبيه منهم في سن الشباب وطبعا كلنا حافظين حديث رسولُ اللهِ صلى اللهُ عليهِ وسلمَ: "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ شَبابِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ"

فقررت إننا نحاول نقدم شيء يخدم الأسلام في فترة الشباب ونحاول نستغلها على وجه الخصوص لإنها أكتر فتره الإنسان بيقدر يقدم فيها ويعطي أكتر من إنه يستقبل ومش هيخدم الإسلام بس هو هيخدم المجتمع بوجه عام والإسلام بوجه خاص

الإيجابية مطلبإسلامي:
والقرآن الكريم به الكثير من الآيات التي توجِّه إلى التمسكوالتحلي بهذا السلوك والتمسك بهذه القيمة؛ ولأهمية هذه الصفة في حياة الفردوالمجتمع تحدث عنها القرآن الكريم في آيات عديدة، وبأكثر من تعبير، فقد ورد الحديثعن المبادرة في بعض الآيات بلفظ المسارعة، يقول تعالى: ﴿وَيُسَارِعُونَ فِي الْخَيْرَاتِ وَأُولَئِكَ مِنَ الصَّالِحِينَ﴾(آل عمران من الآية:114)ويقول تعالى: ﴿إِنَّهُمْ كَانُوايُسَارِعُونَ فِي الْخَيْرَاتِ﴾ (الأنبياء من الآية:90)، ويقول تعالى: ﴿وَسَارِعُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَاالسَّمَاوَاتُ وَالأَرْضُ أُعِدِّتْ لِلْمُتَّقِينَ﴾(آل عمران: 133).


فكرة الموضوع زي حمله مبادره أو إيجابيه كل واحد في مجاله وطبعا نشر فكرة الحمله ع النت وعلى أصحابنا كلهم

الحمله دي مش لشيء معين لكن زي ما قلت كل واحد في مكانه

على سبيل المثال

أنا ف الكليه هشوف صحابي من الدفعه الجديده اللي محتاج منهم حاجه وأقدر أقدمها وأفيدهم بيها سواء ورق أو كتب أو أي حاجه هما مش فاهمينها أي معلومات هيحتاجوها هحاول إن شاء الله اساعدهم فيها

وعندنا ف الكليه مفيش مسجد فهحاول مع أصحابي نكلم العميد والمسئولين ف الكليه عن ضرورة إنشاء مسجد عشان نقدر نصلي فيه لإننا بنقضي ف الكليه معظم الوقت

ناس تانيين ممكن في كليتهم أو في مدارسهم يعملوا حملات توعيه عن مرض انفلونزا الخنازير لأهمية الموضوع ( أعراض المرض وطرق الوقايه وطرق العلاج .... )

مجموعه تانيه هيطوروا المكتبه اللي عندهم في الكليه
وكمان هيعملوا حملات نظافه للمدارس أو الكليات

في أفكار كتير ممكن تشاركوا بيها ومنتظره تفاعلكم مع فكرة الحمله ولو في أي إضافات أو مقترحات ياريت تساعدونا بيها

جزاكم الله خيرا