منسق الجودة وظيفة لا محل لها من الاعراب في الازهر

[الأثري المالكي]

منسق الجودة وظيفة لا محل لها من الاعراب في الازهر
للاسف لأن الأزهر بيقلد التربية والتعليم وخلاص
فوجئنا بحاجة اسمها منسق الجودة وهو شخص ليس له أي عمل يذكر في الأزهر
طبعا لأن المعاهد في غاية الجودة ومش محتاجة منسق لأنها منسقة نفسها بنفسها
في كل ادارة تعليمية أزهرية منسق الجودة هي منحة للمحاسيب والأقارب والمدرسين اللي عايزين يناموا وتهربوا من العمل وفي ناس كتير وضعوا على قوة هذه الوظيفة رغم العجز الشديد في المدرسين داخل الادارات وطبعا الواسطة والمحسوبية واحيانا الرشوة لها دور كبير في اختيار منسق الجودة
فهل من مسئول في الأزهر يحقق في هذا الأمر

[نينو رودي]

على فكرة أنا معلم أول لغة عربية ومنسق جودة بمعهدي ولم ينقص نصابي من الحصص شيئا فلا تعمم القول

[السيد أبو مروان]

المشاركة الأصلية كتبت بواسطة نينو رودي

على فكرة أنا معلم أول لغة عربية ومنسق جودة بمعهدي ولم ينقص نصابي من الحصص شيئا فلا تعمم القول

وانا كذلك معلم أول لغة عربية ومنسق جودة بمعهدي ولم ينقص نصابي من الحصص شيئا ولم يزد علي شيئا ولم اتفرغ من اي شيء ولم اتغيب من المعهد بسبب اني منسق الجودة

[اسامه عبدالرازق]

انا منسق جودة بالمعهد ومعاي 15 حصة ومشرف مادة ومراقب الجدول واي تاني مش فاكر لانة كتير

[mano2010220]

انا منسق جودة بمعهدى وكان معايا التيرم الاول 21 حصه والتانى بقوا 17 حصه وده نظرا لان طالع روحى فى الجودة وادعولنا بالاعتماد

[mohamednaser300]

عندنا في قطاع منفلوط تم تعيين 2 من الاساتذة الافاضل حاصلين على الدكتوراه و ربنا ينفع بيهم
و لعلى و عسى تكون خطوه للاصلاح

[احمدعثمان عمران]

وذلك فى اغلب المعاهد الازهرية ولكن ليس الجميع سواسية

[الأثري المالكي]

المشاركة الأصلية كتبت بواسطة نينو رودي

على فكرة أنا معلم أول لغة عربية ومنسق جودة بمعهدي ولم ينقص نصابي من الحصص شيئا فلا تعمم القول

لا أعتقد ذلك
وكيف يكون معلم أول لغة عربية واسمه نينو مش غريبة دي

[محمد عبدالفتاح الحرجاوي]

يا استاذي انا معلم اول لغة فرنسية واخترت من غير ما اعرف منسق للجودة بالمعهد يعني لا واسطة ولا رشوة ومع ذلك لم تنقص الحصص ولم يحدث شيء مما قلته

[جليل الأزهرى]

منسق جودة يتفرغ من معهده ثلاثة أيام ليذهب الى التفتيش التابع له أليس هذا يؤثر على جدوله مع العلم بأنه مدرس شرعى

[الأثري المالكي]

يا اخوانا الكرام منسق الجودة يتفرغ من معهده يومين أو ثلاثة
زمع ذلك أجد أحد الإخوة يقول انا منسق جودة ونصابي 21 حصة
يعني حضرتك بتدي 7 حصص في اليوم........ مش غريبة دي

[الأثري المالكي]

المشاركة الأصلية كتبت بواسطة محمد عبدالفتاح الحرجاوي

يا استاذي انا معلم اول لغة فرنسية واخترت من غير ما اعرف منسق للجودة بالمعهد يعني لا واسطة ولا رشوة ومع ذلك لم تنقص الحصص ولم يحدث شيء مما قلته

ويا ترى نصاب حصص حضرتك كام دلوقتي

[الأثري المالكي]

المشاركة الأصلية كتبت بواسطة اسامه عبدالرازق

انا منسق جودة بالمعهد ومعاي 15 حصة ومشرف مادة ومراقب الجدول واي تاني مش فاكر لانة كتير

15 حصة دا انت أكيد ليك واسطة جامدة أوي

[mano2010220]

انا ما اتفرغتش ولا يوم كل الايام شغاله اذن نصابى 21 حصه فى 6 ايام
وانا مدرسة بمعهد ثانوى

[الأستاذ أحمد راشد]

الامر بسيط جدا يا جماعة المالكى بيتكلم عن منسق الجودة فى التنفتيش

وحضراتكم بتتكلموا عن مسؤول الجودة فى المعهد

مسؤول الجودة بالمعهد بيتعب ولا يخفف من نصابه شيء

اما منسق الجودة فبيكون زى موجة جودة فى التفتيش بيكون ليه مكتب هناك وعنده معهد يوم او يومين بالكتير

تحياتى لحضراتكم