المعلمين بإدارة شرق التعليمية بالاسكندرية

[انجل اسماعيل]

الى كل من يهمه امر المعلمين بصفة عامة والقائمين عليه بإدارة شرق الاسكندرية بصفة خاصة : تحية طيبة وبعد :
نحيط سيادتكم علما بأن مندوبة الماليات بإدارة شرق التعليمية المعروفة ( الاستاذة ايناس ) تقوم بمحاربة معلمى ادارة شرق فى رواتبهم باعطاء اشارات من نفسها وبسلطتها وتفويض مدير الادارة لها فى جميع الشؤون المالية فقامت بوقف صرف الحافز التجريبى للمدارس التجريبية وتعطيله منذ شهر ديسمبركما أصدرت تعليمات لجميع الماليين بالمدارس بوضع بدل الاعتماد و حافز ال 25% فى كشوف خاصة بعيدة عن المرتبات مما يهدد بوقف تلك الحوافز فى اى وقت بحجة الميزانية أو فراغ الصناديق وهذه الحوافز تفوق نصف الراتب الاساسى للمعلم مما يشكل خطرا شديدا على المعلمين ومعيشتهم كما ان الحوافز التجريبى بصفة خاصة ستصبح هباء منثورا اذا اتى شهر يونيو لحلول ميزانية جديدة ينتهى معها كل المستحقات السابقة وهذا أدى بالمعلمين الى محاولة لم شملهم قبل بدء الامتحانات لوقف هذا الظلم الواقع عليهم مع علم مدير ادارتهم بهذا وتغاضيه عن حقهم رجاء من كل من يهمه الامر أو يهتم بأمور المعلمين المساعدة فى مواجهة هذا الظلم

[ميدو وبيبو]

هو القرار ده مش لمحافظات مصر كلها ده انا مرتبى حيقل 345 جنيه بسبب رفع بدل الاعتماد والحوافز

[سعد الشال]

فعلاً القرار صحيح وتم عمل كشوف جديده بذلك وتم خصم الحافز 25% والكادر

[ميرفت ابراهيم]

يااريت حد يوصل صوتنا للوزير احنا بنتسرق عينى عينك البنود اللى اتشالت دى معمول حسابها فى الميزانيه الحاليه منذ شهر يوليو الماضى فكيف لها ان تحذف بحجة ان البند فارغ ارجو كل من يستطيع ان يوصل صوتنا للوزير ووزير الماليه سرعة التحرك فورا

[ميدو وبيبو]

طيب يا جماعه انا رايحه وكاله الوزاره يوم الاحد ياريت لو نتجمع اكبر عدد من مختلف المدارس ونعمل مشكله هناك في وكاله الوزاره ياريت اللى موافق يبعت رقم تليفونه على الخاص عشان ننسق كلنا مع بعض

[ميدو وبيبو]

والاستاذه ايناس دى مكتبها ف انهى داهيه في الاداره حد يعرف

[elmahla22]

السلام عليكم ورحمه الله وبركاته

اعلن وزير التربية والتعليم

عن رقم تليفون 19151 لشكاوى المعلمين

فى كافة انحاء الجمهورية

[n3maa]

بالله عليكم يا معلمى ادارة شرق لازم نكون ايد واحدة لان العقود كمان لم يحصلوا على راتب شهر ابريل وبالفعل حيكون ومع الكارثة بتاعت شهر مايو ويونيو
الحل فين انقذوا زمايلكم

[ميدو وبيبو]

بعد مليووووووون شكوى وتريليون فاكس للوزير مفيش جديد ويبقى الوضع على ما هو عليه

[Niven Omar]

المشكلة دى فى ادارة شرق محاافظة الاسكندرية فقط
انا من وسط وقبت مرتبي كله مره واحدة وكامل...

[ايمن69]

لا جديد في مصر

[ميرفت ابراهيم]

الحمد لله المشكله اتحلت والتعزيز وصل لازم زى ما بشتكى كمان نقول المشكله اتحلت لما تخلص المشكله وده للامانه فقط واحترام الذات

[soso mostafa]

ربنا يبارك فيك يا استاذة ميرفت

[gihanegypt]

تحية للمعلمين ادارة شرق الجدعان اوى