تــفائل . خــوف . قــلق . راحــة

[حودة السكندرى]

اولـا| ربنا يوفقنا جميعا ان شاء الله
كـل اللى كاتباة فـ العنوان بتاع الموضوع انا حاسس بيه دلوقتى فعلا سعات ابقى مـطمن و متفائل جــدا . وسعــات ابقـى خايــف مرعوب . علطول حالة اضطراب دى . مش عارف دا طبيعى ولا لا
واقعد افتكر فى سناريوهات قديمة يعنى مثلا انا مثلا وحش فى الجغرافيا و كويس فـ التاريخ افتكر ايام تانية ثانوى كنت بقول كدة برضة روحت جايب فى الجغرافيا اعلى . ارجع اقول لنــفسى لا بس
السنة دى ليها ظروفها وانا اللى اهملت التاريخ فـ التانية فـ الشهور الاخيرة وهكذا
مثلا لم اجى احسب معيار للدرجات اللى ممكن انقصها . ارجع اقول لنـفسى منتا عملت كدا ايام الاعدادية وفــ الاخر جبت حــاجة وسبعين % بلاش تحسب احسن خليها ع الله .
أحاول اطمن نفسى انت مكنتش بتذاكر خالص السنتين اللى فاتــوا و بكميات منهاج مش صغيرة ع أنصاف تـرم . وكنت بجيب مجموع اينعم مش حـلو لكن يعتبر حلو بالنسبة لى لانى كنتش بذاكر غير أيام الامتحان
المشكلة ان حاسس ان تركيزى مشتت كل حاجة بذاكرها بنساها مع انى مفروض مش يبقى عليا كل الضغط لانى مش طمعان فى كلية بجموع عالى
يــــــــــاريت تقوللى اقدر ازاى اخرج من حالة التشتت دى
اســف جــدا ع التطويل