انا عاوز اعرف حاجة

[Ahmed Mahmoud Ahmed]

يعنى دلوقتى ..
كل ما يجى امتحان صعب .. تعدوا تقوله هنوزع درجات .. هو على شان شوية عيال فشلة بتيجى تذاكر او تفكر تفتح كتاب قبل الامتحان بشهر ولا شهرين ..
طب حد يقولى ايه ذنب الناس الى طول السنة تعبانة وبتذاكر وربنا كرما وحلت الامتحان حتى حلت الاسئلة الصعبة ودول فى منهم كثير وادينا شوفنا السنة الى فاتت والى قبلها 2012 و 2013م كانوا اصعب سنتين ورغم كده نسبة النجاح كانت عالية جدا وفى ناس كانت جايبة مجاميع عاليه
مش معنى ان امتحان صعب يبقى خلاص .. دى ثانوية عامة يعنى مفيش اى حاجة اسمها امتحان سهل انت عاوز يجبلك امتحان من اولى ابتدائى ..
ولا نلغيه احسن ولا عندى فكرة احن نسلم للطالب نموذج اجابة مع ورقة الاسئلة ونريح دماغنا ..
يعنى بصراحة حاجة عجيبة جدا ................................ ..
اعقلوا شويه بقى .. البلد خربت حرام عليكم .. انتم عرفين ايه معنى الى احنا نعد اكثر من ثلاث سنوات من غير رئيس جمهورية دى كارثة وكل ده الشعب الى السبب فيه كل ما يجى رئيس يجى ناس مؤيدة ومعارده فيمشى ويجى واحد تانى ووراه ثالث وممكن يبقى رابع .. ما الحكاية بقت لعبة
ده انتم عاوزين ................................................. .. من الهم الى البلد فيه
الدول المتخلفة بقت احسن مننا دلوقتى بقت عنده تعليم ذاتى .. وتكنولوجيا متتورة ..
واحنا مشاء الله بنرجع للخلف لايام الابيض واسود تانى .. عمرنا ما هنتقدم طول ما احنا بالمنظر ده .. كل حاجة نعارض عليها من غير ما نفكر ... بناخد قرار كده على طول ما نغير ما نفكر القرار ده صح او غلط ..
مينفعش .. انتم طبعا لما تقرئوا الموضوع هتقوله ايه علاقة الامتحان بالكلام الى كتبته ده ..
هقولكم ده مستقبل الثانوية العامة دى اساس الدولة نفسها فلما الطلبة تنجح بالغش ولا بتعديل درجات تبقى كارثة كبيرة طبعا .. لما طالب يجب مجموع ويدخل كلية وهو اصلا مش نافع فيها .. وفى ناس تانية كانت بتذاكر وتتعب وفى الاخر مش عارفه تدخل الكلية الى عاوزاها على شان فرق بسيط فى الدرجات وتروح محولة خاص وفى ناس مش معاها فلوش فبتروح تدخل اى جامعة تاني ..
فموضوع تعديل الدرجات بيظلم الناس دى .. والناس دى لما تتظلم تبقى البلد خلاص خربت اكثر ما هيا خربانة .. كل واحد بعد كده هيقول انا هذاكر واتعب لية ما كدا كدا هيجى امتحان صعب وهيدلوا درجات .. مهى هتمشى كدا ..
فياريت تفكروا فى الموضوع ده ...