|
#1
18-06-2014, 12:49 PM
|
|||
|
|||
نصائح للى بيحلم يخش طب ان شاء الله
بسم الله الرحمن الرحيم
انا اخوكم محمود حسام اولى طب جامعة المنصورة كنت عايز بس اقول كلمتين للشباب اللى بيمتحنوا الوقتى ربنا يكون فى عونكم اولا انتوا عارفين ان الكهربا بتقطع كتير ومعتوش ضامنين الوقت خالص وكانت على ايامى برضه بتقطع كتير اوى فاحسن وسيله ليكوا انكوا تستغلوا كل لحظه الكهربا موجوده فيها وماتناموش بليل غير فى الوقت اللى تقطع فيه يعنى نفرض انها قطعت الساعه 9 بليل جرى عالسرير نام وخلى والدك يصحيك اول ماتيجى تقوم تزاكر لحااااد ماتقطع تانى والكلام دا بليل بس ناموا نوم متقطع معلشى تعالوا على نفسكوا اليومين دول خلوا عدد ساعات نومكوا 4 ساعات بالكتير اوى ماينفعشى تدخلوا امتحان ماده من غير ماتكونوا مراجعينها مرتين عالاقل قبل الامتحان وحالين الامتحانات واسالة الوزارة ودليل التقويم المواد اللى فاتت كلها كوم واللى جاى كوم العربى والانجلش مش هيضروا اوى قد المواد الكبيرة واوعى اوعى اوعى حد يراجع كلمه بعد الامتحان انتوا بتبقوا اعصابكوا متوترة جدا واى كلمة ممكن تشكوا فيها مش هتزاكروا اى كلمة للماده اللى بعديها عندك غلط كتير فى المواد التانيه فقدت الامل خلاص انك تدخل طب يبقى ماتستحقش من الاصل تدخل طب انا على ايامى كنت دايما بدعى ربنا انى الحق كلية علوم وسبحان الله طلعت الاول على بلدى والخامس على مدرسه طلعت حرب فى المحله وال 22 عالادارة مش بعيد ابدا على ربنا المصحح عينيه ماتقعشى عالغلط ويتعملك صح اهم حاجة تخلى نيتك لوجه الله ونيتك تصفيها جدا وعلى نواياكم ترزقون الاحياء ماده صعبة وبتتنسى بسرعه جداااااا عامله زى السبرتوا لازم تحفظها حفظ رجاله بمعنى الكلمه تكون راجل وانت بتحفظ كدا وتحل الامتحانات لان الاسالة بتتكرر ولو انت حليت كتاب الامتحان هاته واقرا الاسالة اللى انت معلم عليها اللى كانت وقفت عليك قبل كدا انا عن نفسى كنت مطبق ليلة الامتحان ودخلت الامتحان كنت هاقطع الورقه يوميها لانى مفتكرتش كلمه خااااااااااالص بسبب انى كنت مطبق بس ربنا ستر وقوم غسلت وشى والحمد لله قفلت صفوا نواياكم طلعوا صدقات كتير لانها بتفرج الكرب وبتيسر امركم فاما من اعطى واتقى وصدق بالحسنى فسنيسره لليسرى وصدقونى مهما كان غلطكوا فى الامتحانات الى فاتت لسه الامل موجود والله والله انا من كتر الاخطاء الى كانت عندى كنت بدعى انى اجيب مجموع علوم وكنت بعد احسب درجاتى الاقى نفسى ملحقتش وبالعكس دا انا دخلت الكلية وانا حاطط رجل على رجل بفضل الله بمجموع عالى جدا عشان كدا بقول ماتفقدوش الامل فى ربنا وشدوااااا اوى المواد الجايه وعوضوا فيها تخيلوا فرحتكم وفرحة اهاليكم اللى هتشوفوها يوم النتيجه ياااااااااااااااااه احساس مايتوصفشى ممكن والدك او والدتك يغمى عليهم من كتر فخرهم بيك انك رفعت راسهم وبقيت حاجة مشرفه ليهم بجد ومش عايز اقول الاحتمال التانى لانه مايتوصفشى انا بفكركم للى بدا ينسى وبدل يهجص وخلاص باع القضيه ربنا يعينكوا ويوفقكوا شدوا حيلكوا اوى ربنا مابيضيعشى تعب حد  وفى الاول والاخر الخيرة فيما اختاره الله
__________________
☺☻♥Love Starts With a Smile ,Grows with a kiss And Ends With a Tear ♥☻☺ http://ask.fm/DRMHossam 
|
|
#3
18-06-2014, 05:03 PM
|
|||
|
|||
|
ربنا يجزيك كل خير والله يا دكتور محمود اقسم بالله انا دلوقتي حاسس نفس الاحساس كنت اول حاجة بحلم طب وبعدين غلطت في الفيزياء وحاسس اني مش هلحق حتي كلية اسنان
الجدير بالذكر اني كنت حالل في كل مادة اكتر من كتابين العربي والله كنت بذاكره من ييجي 6 مصادر والانجليزي الوحدة بس كنت بذاكرها من gem surprise bit by bit وكمان اخبار التعليم بس اول ما غلطت في المواد دي حسيت باحبااااااااااااااااااااط وبرده الفيزياء يارب كلامك يطلع صح ادعيلي ربنا يوفقنا جميعا يارب
__________________
|
|
#4
18-06-2014, 09:45 PM
|
|||
|
|||
|
هههههههههههه يا دحاحين والله العظيم انا مذاكر كتاب واحد بالعافيه وعمرى ما عملتها قبل كدا وانشاء الله نجيب طب باذن الله وانا فاهم احياء بطريقه جميله ربنا يخليه استاذى الاستاذ جمال البرى هو اللى مخليها لى كأنها فيزياء ولذيده اوى
|
|
#5
19-06-2014, 08:26 AM
|
|||
|
|||
|
لا ان شاء الله هاتجيبوا مجاميع حلوة والله اطمنوا
وركزوا فى الاحياء امممممممممم كنت عايز اعلق بس على حاجة الاحياء امتحانها طويل وبتكتب كتير كمان درجة الفهم فى اسالة امتحانات الاحياء 1 % حافظ هتحل فاهم وحافظ نص نص عليه العوض حافظ وفاهم نص نص هاتقفل دى الماده الوحيده اللى بقولكوا بجد حفظ بكل معنى الكلمه وتكون عارف شكل الاسالة صعوبتها الوحيده انك تعرف السؤال دا عايزك ترصله انهى اجابه فى المنهج لازم قلمك مايوقفشى فى اللجنه ابقوا طمنونى اما ترجعوا ربنا يوفقكوا
__________________
☺☻♥Love Starts With a Smile ,Grows with a kiss And Ends With a Tear ♥☻☺ http://ask.fm/DRMHossam
|
|
#6
19-06-2014, 12:15 PM
|
|||
|
|||
|
والله امتحان كان احياء كان كويس و الحمد لله حلنا كويس
__________________
  الدهر يومان ذا أمن وذا خطر ..... والعيش عيشان ذا صفو وذا كدر أما ترى البحر تعلو فوقه جيفه ..... وتستقر بإقصى قاعه الدرر وفي السماء نجوم لا عداد لها ..... وليس يكسف إلا الشمس والقمر قناتنا على اليوتيوبhttp://www.youtube.com/user/about1islam الاسلام والاخر مواد تعليمية فيديو رائعة
|
|
#7
19-06-2014, 05:51 PM
|
||||
|
||||
|
كلامك صح يا دكتور واحب انوه بس ان كل السنه كوم
ومراجعه ما قبل الامتحان كوم تانى .. لان مراجعه الامتحان اذا مكنتش صح يبقى مذاكرة السنه كلها ملهاش لازمة ترتيب الافكار واستذكار المعلومات بطريقه صحيحه هو تمام المذاكرة ربنا يوفقكم ^^
__________________
|
|
#8
19-06-2014, 08:41 PM
|
||||
|
||||
|
والله برضو كان نفسي في مجموع عالي بس بعد اللي حليتو في الانجليزي والفيزياء يبقى كويس لو لحقت الكلية اللي بتمناها ويارب يادكتور يكون كلامك حضرتك صح وشكرا جدا على الدفعة المعنوية دة
|
|
#9
20-06-2014, 04:20 PM
|
|||
|
|||
|
ربنا يخليك. شكرا
|
|
#10
20-06-2014, 05:01 PM
|
|||
|
|||
|
شكرا كلامك جميل والله بجد الموضوع مش بالحل كله بتوفيق ربنا ...ربنا ييسر لى الامور انا و الجميع باذن الله ...انا فعلا كل ما امتحن ماده اقعد احسب فى الدرجات لحد ما جانى اكتئاب لكن الحمد لله اخى شجعنى وقعد ينصحنى انه مش بالمذاكره او الحل اللى كاتبه ربنا هيكون ...باذن الله خير
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:40 AM.
