كفنى جاهز

[Monier]

كفنى جاهز ومستنى نصيبى
اموت فى ماتش او طلقة تكفينى
كل اللى جمبى ماتو مفضلش الا انا
عايش مذلول مشفتش الهنا
ترابك يا مصر اتروى بالدم اطنان
بلطجتى الشهيد وكرمتى اللى خان
علشان تقتنعى موتى كام غلبان
انس فى ماتش مات فرحان
واللى ع الحدود قتلهم جبان
انا تعبت اصلى انا انسان
مينا قتلوه ودمه راح هدر
والشيخ دبحوه والعسكر انتصر
وجونيور مقتول والفرح انكسر
واحنا عايشين مش زى البشر
قولولى ابكى على مين ولا مين
على اللى دماهم فى ابدى
ولا اللى ساكتين
على اطفال اسيوط ولا للحدود ساكنين
رجعنا تانى لعصر سبعة وستين
نكسة ناس عاملة مش سامعين
كفنى ابيض زى الورد مجهزة
بلاش بظلمك لكفنى تدنسه
فى كل لحظة مستنى الشهادة
طلقة عسكرى او خبطة بيادة
او قطر صعيد او اوامر قيادة
الزم مكانك وان مت بزيادة
تعالى يا مصر واقعدى جنبى
احكيلك واشكيلك كل همى
نفسى اعرف كان ايه ذنبى
ولا ذنب اللى ماتوا قربى
قوليلى يا بلدى
اشتريكى بايه وارخص ما فيكى دمى