خبر سئ لموظفى مصر الغلابة ...دى بشرة خير

[ledo2006]

خبر سئ لموظفى مصر الغلابة ...دى بشرة خير
وفقا للموازنة الجديدة لن تضم أى علاوة إلى الأساسى بعد خمس سنين كالمعتاد..وسيظل الأساسى ثابت حتى المعاش..أيضا ضريبة 10% على العلاوة السنوية اليتيمة التى لن تضم للأساسى

[رضا عبد الحميد عبد الرازق]

بصراحة الشعب أصبح مؤهل لأى أخبار من هذا النوع بس مفيش واحد هيدخل ويقول عليك اخوان وانت بتجيب فتنة بين أطياف الشعب لأن الفئة دى اتخرست الوقتى بعد سلسلة الزيادات والغلاء اللى احنا فيه

[abo_essa]

مين قال تسلم الايادي ؟
اللهم انتقم من الظالمين ،،، ضيعونا وضيعوا البلد والاسعار نار والمرتب مابيكفيش نص الشهر

[zizo-20099]

لله الامر من قبل ومن بعد

[sadq7]

أنا مش زعلان من الخبر ده لأنه بيتكلم عن خمس سنين وده طبعا لو عشنا مستبعد جدا إنه يستمر الوضع على ما هو عليه .. لكن اللى مزعلنى وحازز فى نفسى جدا إن الحكومة بتصف ما حدث من زيادات فى مرتب الموظفين فى السنوات الثلاث الماضية بأنه تضخم خطير وده بيدل على نظره مش ولا بد تجاهنا ومش بس كده دول بيصرحوا بيها وكأنهم لا يبالون بنا أصلا.

[كامل على]

http://www.mof.gov.eg/Arabic/%D8%B9%...dget14-15.aspx
حمل الموازنة واقراء ص41

[سارة عبودة]

الايام السوده جدا فى الطريق
بلاش عجله

[sadq7]

المشاركة الأصلية كتبت بواسطة سارة عبودة

الايام السوده جدا فى الطريق
بلاش عجله

بالعكس دى أيام كلها خير إن شاء الله يكفى أن حدة الخلاف والانشقاق بين الناس قد خفت وأن الإجراءات الأخيرة عملت على توحيد الصف مرة أخرى .. متفائلون إن شاء الله تعالى والخير قادم بإذن الله.

[الكابتن55555]

أنا حاسس إن دي صحة الإخوان ال.......... ( الكلام ده كله كدب ) واللي يصدقه يبقى لامؤاخذة . المفروض إنكم معلمين وبتعلموا الأجيال معنى الفهم إبقوا إقروا الكلام كويس و إفهموووووووه وبلاش أي حد صاحب غرض معين و نفسيه مريضة يضحك عليكم و يوجهكم غلط . إنتوا مش عيال صغيرة

[mafak]

المشكلة ان كل الاسعار زادت والشركات استغلت الناس اسواء استغلال وفية شركات زودت الحاجة 50 بالمية علي السلع واصبح المرتب ميكفيش

والزيادة إلي زدناها في شهر يناير راحت وكانها لم تكن وبعدين بيقولك كان لازم طيب فية حاجات كتيرة تانية

شجع السياحة اكتر

استخدم مدينة زويل وعلمائها يشوفولك حلول امال فايدة مدينة زويل دي اية ؟

زود ايراد قناة السويس والرسوم عليها

زود الضرائب علي الناس الفنانين والرقاصين إلي بياخدو بالملايين دوول ملاييييييييييين ؟


كان فية حاجات كتيرة غير دبح الناس واستخدام الخيارات السهلة والفواتير والبنزين علي حساب الناس وخلاص

والله العظيم كل حاجة زادت ويمكن الضعف كمان يمكن يكون وطني ماشي

بس البداية علي حساب الغلابة دا صراحة غلط ومش صح خالص

[khaled7]

يا جماعة الفقرة
http://www.gulfup.com/?9zVH4r

[كامل على]

تم تعديل منظومة الزيادة فى الأجور فى الموازنة الجديدة 2015حيث
تم إلغاء الإعفاء الضريبى على العلاوات الخاصة ووقف ضمها للراتب
الأساسى بعد مرور خمس سنوات، بجانب وقف التعيينات بالحكومة من
الأبواب الخلفية على أن تقتصر فقط على الباب الأول للأجور ومن خلال
منظومة تتسم بالعدالة والشفافية، ومع ربط التعيينات الجديدة بنسبة لمن
يتم خروجهم من الخدمة بالجهاز الحكومى، وهو ما سيحدث قدر من
السيطرة فى هذا الشأن

[عبدالرحمن سيد اللورد]

المشاركة الأصلية كتبت بواسطة sadq7

بالعكس دى أيام كلها خير إن شاء الله يكفى أن حدة الخلاف والانشقاق بين الناس قد خفت وأن الإجراءات الأخيرة عملت على توحيد الصف مرة أخرى .. متفائلون إن شاء الله تعالى والخير قادم بإذن الله.

صدقت فى كلامك وسياتى الخير رغم انف الحاقدين

[نانا هوبة]

رغم خلافاتكم برده مش شايفه غير انها كارثة للمرتبات اللى عنده حاجه غير كده يفهمنى اصلى لمؤاخذة فهمى بطئ

[saad200979]

رجاء تاجيل الفتوى لحين قيض المرتب


ارحمونا من الاشاعات



احنا فى شهر رمضان


عيب نهدى شويه