مساعده ضروريه بالله عليكم .. حياة او موت :/

[L0stat]

السلام عليكم يا شباب

بدون مقدمات انا عندى بنت اختى نظام قديم " منازل " وجالها دور تانى بالرغم من انها نجحت ف كله بس النسبه كانت 48.5% فـ جه دور تانى بسبب المجموع المفروض ايه يتعمل انا قلبت ع النت وكده ولقيت مكتوب الكلام ده بس مش عارف هل صح ولا لا :

1- الطالب الناجح في جميع المواد وراسب في المجموع الكلى يحق له اختيار مادة أو مادتين على الأكثر من المواد التي سبق وأدى فيها الإمتحان ويحصل على الدرجة الفعلية .

2-وأشارت الضوابط الى أن الطالب الراسب فى المجموع الكلى للدرجات فقط مع نجاحه فى جميع مواد الامتحان له أن يختار مادة أو أكثر من مواد المرحلتين التى سبق أن أدى الامتحان فيها وبما لا يجاوز ثلاثة مواد مع احتفاظه بالدرجات التى حصل عليها فى باقى المواد فى امتحان الدور الأول وفى هذه الحالة لا يحصل إلا على الحد الأدنى للمجموع الكلى للدرجات.

فـ اى نقطه هى ال صح ؟ نقطه 1 ولا 2 ؟ نقطه 2 بيقول هياخد اقل درجه وتقطه 1 بتقول الدرجه الفعليه !! , بس لو ادنى درجه كده يبقى هتشيل مجموع تانى فعاوز افاده بالله عليكم !!

حاجه اخيره ياريت الاستاذه ال ينصحو هل تاخد ماده واحده لتحسين المجموع ولا مادتين ؟ايه الافضل !! + هل فعلا ممكن يظلموا بتوع الدور التانى وخصوصا المنازل ف التصحيح او انهم مش عاوزين ينجحوهم ولا ايه بالظبط ؟؟ + الامتحانات بتكون مستواها اسهل ولا ايه ؟ ياريت بالله عليكم اجابه شايفه لكل الكلام ده لان البنت ذاكرت ومنهاره والله ومبروك لل نجح وعقبال بتوع الدور التانى يارب

ياريت يا جماعه تردوا بالله عليكم

[ahmed hesham mohamed]

بص ياباشا

حضرتك مش هيفيدك فى الموضوع ده غير انك تنزل تسأل فى المدرسه

لان المنازل نظام والعادى نظام تانى

انا مش عاوز أفتى لحضرتك اى نقطه صح

بس الأكيد انها تيجى على نفسها وتدخل فى مادتين كويسين هى متمكنه منهم عشان مجموعها يزيد اكتر

ومتقلقش مفيش حاجه اسمها عايزين يسقطوهم

وربنا معاها ان شاء الله ودور حضرتك بقى ودوركم كلكم انكوا تقفوا جنبها وتساعدوها تخرج من المحنه اللى هى فيها وربنا يعينها يارب