مرتب المدرس المتعاقد في سلطنة عمان ومميراتها وعيوبها

[khaledelsaed]

[color="teal"]السلام عليكم ورحمة الله
اولا الف مبروك للاخوة اللي ربنا وفقهم ونجحوا في مقابله سلطنه عمان
ثانيا :
ياريت يكون موضوعنا هنا بيتكلم عن راتب الدرسين المتعاقدين في سلطنه عمان
وهل هو كافي لحياه كريمه فعلا ؟؟؟
وخصوصا لو فيه اسره
لاني قرات كثيرا على النت عن ارتفاع مستوى المعيشه بشكل كبير جدا هناك
لدرجه واحد كان جايله وظيفه ب 500 ريال عماني . لكن الاخوة قالوله ده قلييل جدا ومش مناسب مع ارتفاع مستوى المصاريف والمعيشه عموما
كان احد الاخوة هنا وضع معلومات عن المرتبات هناك
استسمحه اني هنقلها هنا عشان تكون المعلومات كامله امام الجميع
ونفكر كلنا سوا مع بعض
لسلام عليكم اخوانى الكرام
كل عام وانتم بخير
طبعا الاعلان فيه اخوان نزلوه مشكورين من امس وانا حبيت انزل صوره اعلان الجريده مع توضيح بعض النقاط لعل وعسى تكون فيها اجابه لبعض الناس وهي
1- راتب المعلم هناك ينقسم حسب الدرجه التى سيعين عليها وان كان معظم المسافرين بنسبة 90% يتم تعينهم على الدرجه السادسة
- راتب الدرجة السادسة 345 اساسي + 60 بدل غلاء معيشه + 20 بدل مياة وكهرباء = 425 ريال
- راتب الدرجة السابعة 305 اساسي + 60 بدل غلاء معيشه + 20 بدل مياة وكهرباء = 385 ريال
- طبعا ممكن المشرفين ومديره المدارس تكون درجتهم الدرجة الخامسة بس صراحه ما متأكد من راتبهم
2- تقوم الوزارة بتوفير تذاكر طيران ذهاب وعوده للمدرسين او اعطائم بدل بنسبة 75 % ولك حرية الاختيار بين البدل او التذكره
3- تقوم الوزاره بتوفير سكن اعزب مؤثث وغالبا ما يكون السكن غير لائق ولكن مع اعتراضك وتمسكك بحقك يتم توفير السكن اللائق بك ولا توفر سكن للعائله وانما بعد مرور غالبا اكثر من عامين من الممكن ان يوافقوا لك على استقدام العائله على حساب الوزاره وفى هذه الحاله يتم اعطائك بدل سكن حسب المنطقه ويتراوح بين 50 : 100 ريال مع توفير تذاكر طيران للزوجة و3 من الاولاد وصرف بدل تأثيث يقدر ب 750 ريال وفى حاله استقدامك للعائله دون الموافقه لك يتم استقدامهم على حسابك الخاص الى ان يأتى دورك وتصرف ما سبق ذكره
4- بعض الاماكن التى يتم التوزيع عليها تكون قاسيه ولا تناسب الكثير من الناس فمن الناس من يتحمل المعيشه ومنهم من يضجر وسريعا ما يقدم استقالته وده حصل العام الماضى بكثره
5- مسأله الدروس دى نصيب ورزق وعلى حسب المكان بس متحطش امل فيها كبير الا اذا كنت فى مناطق حيويه مثل مسقط - بعض مناطق الباطنة - صلاله وفيه معلمين من اول سنه بيشتغلوا دروس كويس وفيه غيرهم بيغيبوا سنين ولا بيحصلوا 5 ريال من الدروس
6- اهل عمان وطلابها من اكثر الشعوب العربيه احتراما وطيبه وتقديرا للضيوف وبالهم طويل اوى بس ده ميمنعشى ان المعلم يفرض شخصيته على الطلاب والا ممكن القله من الطلاب يسيئوا الى هيبته اذا كان ضعيف الشخصيه
7- متوسط معيشه الفرد الاعزب اكله وشربه واتصالاته فى الشهر ممكن لا تتعدى 60 او 70 ريال ده لو الاخ من المسرفين وومكن لو وسطى فى حدود 40 وطبعا ده لو بياكل لوحده لكن لو مشترك مع بعض الزملاء وهذا ما لا انصح به طبعا التكلفه بتقل
8- متوسط معيشه الاسره طبعا بتعتمد على عدد افراد الاسره بس ممكن متقلش عن 110 ريال
9- الايجارات لمن سيستقدم اسرته على حسابه من اول عام فيه اماكن ب 60 او 70 و 80 وفيه اماكن نائيه ب 40 و 45 وفيه فى مسقط توصل 250[/color]

[أ/ سعيد موسى]

جزاك الله كل الخير على هذه النصائح المفيدة للزملاء الذى وفقهم الله فى السفر
لكن من كلامك هل تنصح بالسفر لمن وفقه الله ؟؟؟؟
وكل عام وانت بخير اخى الفاضل

[aleman]

لازم يتم عمل بحث شامل عن دولة عمان
وذلك بالدخول على موقع الوزارة العمانية
وباذن الله تجد بهذا الموضوع ما تبحث عنه باذن الله
http://www.thanwya.com/vb/showthread.php?t=453445
كما انه يجب البحث عن المنتديات العمانية ومحاولة الاشتراك فيها والتعرف على طبيعة الحياة هناك منها
بالتوفيق للجميع باذن الله

[خادم المسلمين1]

طيب هو الريال العمانى يساوى كم جنيه مصى او معلش كم 5 جنيه مصرى؟

[مستر محمود عبد العاطى]

الريال العمانى 15 ج

[khaledelsaed]

شوفو مثلا الرابط ده وكلام الناس هناك بيقولوا ايه عن المعيشه هناك
http://www.egyptiantalks.org/invb/in...owtopic=137371

السلام عليكم ورحمه الله وبركاته
حياكم الله اخوانى الافاضل
كنت عايز اسال عن المعيشة فى سلطنة عمان حيث عرض على عقد عمل فى السلطنة كمدير معهد تدريب كمبيوتر ولغات
وتفاصيل العقد كالتالى
راتب اساسى 400 ريال عمانى + توفير سكن عائلى + سيارة + تأمين طبى شامل للعائلة
وكنت حابب اعرف الراتب دا كويس ولا لأ مع وجود الاسرة وهقدر احوش منه ولا لأ
وجزاكم الله خيرا
السلام عليكم ورحمه الله وبركاته


الرد :
على حسب المكان اللي انت جاي عليه
يعني لو مسقط حيبقى صعب قوى قوى تشيل حاجه
لو منطقه تانيه زي صلالة ممكن تحوش من 50 ريال ل100 بالكتير قوي
لإنك حتدفع ميه وكهربا وإتصالات دول حيدخولو في 50 ريال شهريا
وانت واسرتك -لو عندك طفلين- مصاريف اكل وشرب وخروجه على الاقل مره في الاسبوع حيعملوا حوالي 250 ريال شهريا
وبنزين السياره حوالي 20 ريال شهريا
يعني حتشيل 80 ريال شهريا
كل الكلام ده لو انت بره مسقط
لو في مسقط انسى
كده العرض ضعيف حاول ترفعها ل500 ربال على الاقل


رد اخر :
قليل جدا جدا
حتى لو فى صلاله او غيرها بالذات ان معاك اسرتك
يعنى ايه تيافر و تتغرب علشان تحوش 80 ريا ل يعنى حوالى 1200 جنيه
انا كنت فى صلاله سنه 2009 و كان مرتبى 550 و انا اعزب و 3 سنين خبرة و كانو كويسين مش حاجة رهيبه
اعتقد ان العرض قليل بالذات انك بتقول ان فى اسرة معاك
لو مقرر خلاص سافر لوحدك الاول خوض التجربه و قرر انت هل ينفع تجيب اسرتك و لا الافضل تخليك مع نفسك
بس انا شايف ان فى اجماع ان 400 و معاك اسرتك حرام

[aleman]

المشاركة الأصلية كتبت بواسطة خادم المسلمين1

طيب هو الريال العمانى يساوى كم جنيه مصى او معلش كم 5 جنيه مصرى؟

http://ar.coinmill.com/EGP_OMR.html

[أ/مدحت قاسم الشريف]

جزاكم الله خيرا"

[khaledelsaed]

اراااااااائكم ؟؟؟؟؟

[khaledelsaed]

لا اله الا الله

[aposlama2011]

اللة المستعاااااااااااااااااااااااااااان

[محمد ناصر2011]

هى سلطنة عمان فيها فرنساوى

[khaledelsaed]

لا مفيش فرنساوي للاسف

[amr elsharef]

مشكووووووووووووووووووور

[محمد المت]

جزاك الله كل الخير على هذه النصائح المفيدة للزملاء الذى وفقهم الله فى السفر
لكن تنصح باية ؟؟؟؟؟؟؟؟؟؟؟؟