الازهر مشروع تعليمـى فـآشـل

[كـآبو]

يمـكن اللى بنشـوفه فى امتحانات الثانوية الازهريـة لحـد الـوقـتـى مقدرشـى أتخيلـه
لانى حقيقة مشوفتش حصـل كـدهـ فـى أمتحـآن النقـل
تسريب امتحانات والغاء امتحانات
لـو جينـآ لحكايـة التسريبـآت فـى نـآس معانا كانت داخله معها امتحان النحو والتفاضل والتكامل
3اخطاء موجودين فى امتحان التفاضل والتكامل
اللجن مهزله بمعنى الكلمه ظلم كبير لكثير من الطلاب وضيـآع مجهـودهـم
نـاس مفتحتشى كتاب من اول السنه ومرحتشى دروس
وخرجت اول اسبـوع منقصتشى ولا درجـه بسبب ان فـى نـاس مهمه مـوجـوده فـى لجنتهـم واحـد ابـوه لواء بيدخـلـوا مدرسين علشان يشـوفـوا اللى واقف عليه
والتانى جايب ابوه معاه عارف ناس من المدرسين بيخلهم يدخلـولوا
وواحـد ابـوه شارى اللجن ليه
وفـى الاخر اللى ذاكر زيى اللى ما ذاكرشى
قهرت قلب كام ام واب كانوا نفسهم ابنهـم ولا بنتهم تبقى حـاجه لكن غش وفوضـى
زيى اللى حاصـل انهاردة فى امتحان الميكانيكا اللجنه سايبه والامتحان طـويـل والزمن قصير ولسه بنسمى الله تلقى اللى بيسائلك ويقولكـ قـولى اجابه اكمـل قولـى اجابه السؤال دهـ
وفى الاخر الواحد بيخرج ناقص بسبب عدم التركيز
امتحانات بتتلغى طب ما اكتر الامتحانات متسربـه
ايـه زنبنا ان الازهر مشروع فاشل ايه زنبنا ان مدرس باع ضميره ايـه زنبى انى منامشى يومين كاملين علشان الامتحان وفى الاخر يتلغى واللى ذاكر زى اللى مذاكرشى
الواحـد ما بيصدق انـوأ يخلص امتحـان
نيجى نبص نلقى امتحانات متأجلـه
الغى السنـه كـلـهـآ احسن طالما مش عارفين تحافظوأ ع الامتحانات ولا تأمنوها
الغى السنه كـلـها احسن لان السنه دى هيتظلم طلاب كتيره اوى
ويستحقوا يدخلـوأ كليات قمـة لكن بسبب الغباء للى مـوجـود يتظلمـوا
وناس تانية كالعادةهتاخد مكانهـم
والله وناس معايا فى اللجنه غاشين امتحان الانجلزى كامل لدرجة البراجراف وليتر
والله لـو حـد غششهـم غلط هيكتبـوا وما هيعرفوأ كتبوأ صح ولا لاء
بس ربنا مبيضعشى تعب حـد
وربنـآ معانا ان شاء الله

[Empty-heart]

بجد بكلامك كله صح والله امتحانات ** واللجان كمان غش وتسريب ...فى ناس بتدخل لمعارفها نموذج الاجابه والله حسبنا الله ونعم الوكيل

[KhaledHaker]

كل الى عايز اقوله اتقال
وفعلا الى ذاكر زى الى عن ام مذاكر

[سامي م]

الغش اساسىى فى الامتحانات والطلبة بيراجعوا مع بعض والمراقبين ميقدروش يشدوا اللجان فبيمشوا حالهم ويساعدوا على الغش وتبادل المعلومات الكلام دهة من سنين بسى كله مطنش وكله بيمشوا حالهم والله العظيم فيه طلبة فى الثانوية الازهريه ممكن ماتعرف تكتب جملة وهتنجح وكله تمام وسلام

[mohamed_vip]

ربنا ينتقم من كل مسؤول ظالم يريد ان يضيع الطلبة بقرار يتسم بالانتقام والغباء علشان واحد ابوه اشترى الامتحان وسربه يقوم المسؤول وهو قاعد تحت التكييف يطلع قرار مش مدروس ويلغى الامتحان كله علشان يكون العقاب جماعى مش عارفين يداروا خيبتهم /والله انا سمعت طلبة من كتر اليأس والاحباط اللى جالهم من اوكازيون الغاء الامتحان انهم رايحين المواد اللى جايه وهم مرعوبين من ان الامتحان ممكن يتم الغاءه لثالث مرة

[كـآبو]

والله فى اخبار ان امتحان الاحياء والفزياء بردو هيتسربـوا
وزيى ما تقولوا كدهـ ان شكـل فـى حـد مش عـآيـز الامتحانات دى تعدى ع خير
او عايزها تتلغى خالص

[عبدالله السيسي]

اصلا احنا دفعه نحس من اول السنه ومناهج اتغيرت وامتحانات اتسربت وهم لسه فاكرين ان الامتحانات بتتسرب م كل سنه كده ول هم ضميرهم صحا فى سنتنا

[عاشقه لنور الله]

حسبنا الله ونعم وكيل فعلا فى الاخر بيستوى اللى ذاكر باللى مش بيذاكر ولا عمرو فتح كتاب

انا امبارح فى اللجنه مش قادره اركز فى الحل لان كل البنات فى اللجنه بتبكى لانها مش مذاكره وبينادو على علشان اغششهم والمراقبين مش عاملين حاجه ولا مش مسكتينهم لدرجه انى كنت بحل ولقيت اللجنه كلها فى المقعد بتاعى عايزه تغش وبعد ما حليت الامتحان يقولو انو اتغلى احنا فى الصعيد وفى معهدى بالتحديد وصلها الخبر الساعه واحده ونص مش دا حرام عليهم يعنى بعد ما خلصنا الامتحان بساعتين ونص يقولونا واحنا قاعدين على اعصابنا وبعد ما خلصنا نروح للمدرسين علشان نتأكد من حلنا وفى الاخر تعبنا يروح على الفاضى

انا عن نفسى من بعد ما سمعت انو اتغلى خايفه ومرعوبه بعد ما أذاكر الاحياء واحل الامتحان يتلغى هو كمان ربنا يستر
...............................

مع ان العام امتحان العربى نظام قديم وجديد اتسرب وملغوش الامتحان وامتحان الانجليزى بردو اتسرب وبردو ملغوش الامتحان

................

لكن هنعمل ايه (قل لن يصيبنا الا ما كتب الله لنا)
والخيره فى ما اختاره الله

[على حسن 2014]

بسم الله الرحمن الرحيم
قال الله تعالي : " إن الله لا يضيع أجر من أحسن عملاً "
وقال أيضاً في محكم التنزيل " قل هل يستوي الذين يعلمون والذين لا يعلمون ...."
أعقب وأقول أن ما حدث هذا العام لحكمة يعلمها الله وهي خيراً بإذن الله " لا تحسبوه شراً لكم بل هو خير لكم .."
والذي يقوم بالغش لكي يصل فلن يصل وإذا وصل فسرعان ما يسقط : " فعليكم أنفسكم لا يضركم من ضل إذا اهتديتم ...."
وأعتب علي لغة التعميم التي يقوم بها البعض فالأزهر كان ومازال وسيظل بإذن منارة للعلم والعلماء والشرفاء الذين يرفضون الغش بجميع صوره " ومن قال هلك الناس فهو أهلكهم "
فلا تكونوا يا أبناء الأزهر معول هدم للأزهر فهذا هو ما يريده البعض منا فلننتبه إلي ذلك !
وفقنا الله جميعاً إلي ما يحب ويرضي وحفظ الله لنا الإسلام والأزهر

[طملاوى]

الابناء الكرام هذه الصورة التى تنقلوها عن الازهر هى والله صحيحة ولكن الاكثر مرارة من ذلك ان هذه الصورة هى صورة مصغرة لبلدنا العزيز مصر بكل جوانها فاستعدوا يا امل مصر القادم لاحد امرين
1- اما المقاومة وهو طريق وعر قل من يسلكه واقل منه من يانس ويهنأ فيه
2- واما الانبطاح ومجاراة الواقع ....... فاختر لنفسك ووالله ليس في غير الله عز وجل من امل
فالكل يهمه مصلحته اذا ما تعارضت المصالح

[mohamedgalalmorshedy]

الازهر منارة الغش فى العالم اجمع

[محمد احمد11]

على فكرة فى طلاب بيدخلو بالكتب والسمعات ومحدش بيعمل حاجة الازهر دة عايز يتغير بجد من الظلم

[الاستاذ احمد الجندى]

ربنا يصلح حال الازهر


فعلا ما يحدث فى الازهر مأساة

[زكريا مختار]

فعلا ما يحدث في الازهر هو صورة مضغرة لمجتمع فاسد نعيش فيه جميعا
ولا احد منا يفكر او يريد تغير الواقع ومن يفكر في ذلك يجد العديد من المعوقات

اللهم اصلح حالنا واصلح لنا ديننا وازهرنا

واعلم ان الله لا يضيع اجر من احسن عملا

[adel elshamy]

الفاشل من يتهم الأزهر بأنه مشروع فاشل
قد يكون فيه ضعف الآن وفيه غش ولكن التربية والتعليم أشد وأكثر
منذ قديم الزمان وامتحانات الثانوية العامة تُسرب للأغنياء بعلم الجميع
ولكن انتشار النت وإذاعة الأخبار عليه هو من أظهر ذلك
فلا تلوموا الأزهر وحده بل منظومة التعليم كلها خاطئة
فاتقوا الله في الأزهر ولاترموه بما فيكم