للمعلمين اللى مضوا عقد عمان

[منار على]

دلوقت ياجماعه هو المفترض ان الناس اللى تعاقدوا مع السلطنه يوثقوا العقود ولا لا لا ؟؟؟؟؟؟؟؟؟؟؟؟ العقود جت للناس مع التاشيرات غير موثقه من السفاره العمانيه والناس لما راحت السفاره عشان توثق العقود السفاره مرضيتش توثقها وقالولهم معندناش تعليمات بكدا .........و الناس اللى بتشتغل هنا لما راحت الادارات عشان تقدم على اجازه هناك قالولهم مينفعش الا والعقود موثقه ......... وفيه اللى راح للجنه العمانيه قالولهم المصريين بيعقدوا الاجراءات ودا اللى عندنا وهنشوف بديل .......... طب ايه الحل دلوقت السفاره مش عوزه توثق واللجنه مش عوزه تتعاون والادارات هنا مش راضيه تدى اجازات الا بتوثيق العقود من السفاره وموظفه الاداره عندنا قالت ان توثيق العقود حفظ لحقوقنا وانها لازم تكون موثقه من السفاره وان الامضا والختم اللى على العقد ممكن تزويرهم هل دا صحيح ؟ .................... كمان بفرض ان معانا التاشيره والتزاكر لو حد معرفش ياخد اجازه هناو فوت معاد رحلته او مرحش اصلا ايه اللى هيحصل ؟

ملحوظه الكلام دا طبعا محصلش مع الاعارات وخدوا اجازات عادى مع انهم نفس العقد

[منار على]

فين ياجماعه الردود يعنى اكتر من 100 مشاهده للموضوع ومفيش ولا تعليق ؟

[لبيد لبيد]

أعتقد أنهم يريدون أن يأتوا بغيركم ممن دفعوا لأنه لا بد من توثيق العقد إذ لا دليل على التعاقد وكما قالوا لك ضمانا لحقوقكم

[منار على]

المشاركة الأصلية كتبت بواسطة لبيد لبيد

أعتقد أنهم يريدون أن يأتوا بغيركم ممن دفعوا لأنه لا بد من توثيق العقد إذ لا دليل على التعاقد وكما قالوا لك ضمانا لحقوقكم

وهو ختم وزاره التربيه والتعليم والامضاءات على العقد مش دليل على التعاقد ولما يطلعوا التاشيرات ويحددوا مواعيد السفر كمان دا مش دليل على التعاقد ؟ وعلى فكره الناس اللى دافعه فلوس برضه بتواجه نفس المشكله هنا فى الادارات الموضوع مالوش علاقه بالفلوس الموضوع ليه علاقه بغباء البشر وعلى فكره فيه ناس من محافظات تانيه زى القليوبيه مشوا اجازاتهم عادى لكن دمياط والفيوم واسكندريه والغربيه مرضيوش الا بالتوثيق

[حمدى النجار]

المشاركة الأصلية كتبت بواسطة منار على

وهو ختم وزاره التربيه والتعليم والامضاءات على العقد مش دليل على التعاقد ولما يطلعوا التاشيرات ويحددوا مواعيد السفر كمان دا مش دليل على التعاقد ؟ وعلى فكره الناس اللى دافعه فلوس برضه بتواجه نفس المشكله هنا فى الادارات الموضوع مالوش علاقه بالفلوس الموضوع ليه علاقه بغباء البشر وعلى فكره فيه ناس من محافظات تانيه زى القليوبيه مشوا اجازاتهم عادى لكن دمياط والفيوم واسكندريه والغربيه مرضيوش الا بالتوثيق

التوثيق ضرورى لحفظ حقوق المتعاقدين لو حضرتك سافرتى وبعد شهرين رحلوكى ايه الحال
الصح صح اما الاعارات فالتعاقد يكون من خلال وزارة التربية والتعليم المصرية وهى الضامن
والله اعلم

[منار على]

المشاركة الأصلية كتبت بواسطة حمدى النجار

التوثيق ضرورى لحفظ حقوق المتعاقدين لو حضرتك سافرتى وبعد شهرين رحلوكى ايه الحال
الصح صح اما الاعارات فالتعاقد يكون من خلال وزارة التربية والتعليم المصرية وهى الضامن
والله اعلم

انا مع حضرتك انا كمان مش مرتاحه لموضوع انهم مش راضيين يوثقوا بس على فكره انا ماضيه على عقد
من بنوده ان من حقهم الغاء التعاقد فى التوقيت اللى يحبوا واعطائى كافه مستحقاتى الماديه فى التوقيت اللى يحبوه وبرضه من حقى الغاء العقد فى التوقيت اللى احبه لكن بشرط ابلاغهم قبلها ب3 شهور يعنى برضه يقدروا يرحلونى بعد شهرين ونفس الكلام الاعارات لانهم ماضيين نفس العقد بنفس البنود

[لبيد لبيد]

وعسى أن تكرهوا شيئا وهو خير لكم الخير فيما يختاره الله

[عبدالرحمن ابو حبيبة]

يا استاذة روحى لاحد مكاتب السفريات المعروفة ودفعى مبلغ صغير وهما هيوثقوا للك العقد توتثيق خارجية هما لهم سكك

[منار على]

المشاركة الأصلية كتبت بواسطة لبيد لبيد

وعسى أن تكرهوا شيئا وهو خير لكم الخير فيما يختاره الله

ونعم بالله

[منار على]

المشاركة الأصلية كتبت بواسطة عبدالرحمن ابو حبيبة

يا استاذة روحى لاحد مكاتب السفريات المعروفة ودفعى مبلغ صغير وهما هيوثقوا للك العقد توتثيق خارجية هما لهم سكك

انا مبقيتش عارفه الصراحه بس الموضوع مش مشكله توثيق العقد بالنسبالى قد ماانا عاوزه اعرف هما ليه مش عاوزيين يوثقوه ؟؟؟؟؟؟؟؟؟ مع انهم عملوا دا فى السنوات السابقه عادى لان زمايلنا اللى هناك نفسهم كانوا مستغربين جدا كمان التوثيق معناه ان الختم والامضاء على العقد صحيحه بالاضافه لان فعلا كلام موظفين الاداره هنا مقلق عن ان ممكن يكون الختم والامضا مش حقيقيه مثلا فانا ليه اغامر واسافر بلد معرفش هيحصلى فيها ايه فان هما موثقوش عقودهم ومشيوا زى مامشيوا فى السنوات السابقه انا هقدم اعتزار لانى مش مستعده اغامر خاصه ان الموضوع داخل فيه ناس لسه هتموت على عقد وبتدفع فلوس كمان فيه حاجه فيه بعض الناس اللى خلصت اجازاتها من الادارات اللى سمحت بدا لما راحت مكتب العمل موضوعها اتعطل لانهم بيدوا صوره التاشيره مش التاشيره نفسها والموظف اللى هناك عاوز التأشيره نفسها وهما كل السنين اللى فاتت كانوا بيسلموهم اصل التأشيره لكن السنه دى لا طب لا ليه ؟؟؟؟؟؟؟؟؟؟؟؟يعنى الموضوع عامل زى اللى بتخرج من مشكله تقع فى تانيه لما حاجه تقرف وتزهق بجد

[محفظ بالأزهر]

اكيد ان شاء الله هيمضو العقد ولو ممضوش شوفوا اى مكتب سفريات وادفعوا له مبلغ يطلع عقد السعودية موثق تخدوا بيه الا جازة وتخلصوا نفسكو لانى العقد فيدتو بس ليكو فى تخليص الجازة
وعند السف فى المطار تتدفعورسوم تصريح العمل وخلصت الليلة

[منار على]

المشاركة الأصلية كتبت بواسطة محفظ بالأزهر

اكيد ان شاء الله هيمضو العقد ولو ممضوش شوفوا اى مكتب سفريات وادفعوا له مبلغ يطلع عقد السعودية موثق تخدوا بيه الا جازة وتخلصوا نفسكو لانى العقد فيدتو بس ليكو فى تخليص الجازة
وعند السف فى المطار تتدفعورسوم تصريح العمل وخلصت الليلة

ياسلام يعنى انا اروح ادفع عشرين ولا 25 الف لمكتب سفريات عشان عقد مش هستفيد بيه اصلا عشان اخد اجازه عشان عقد تانى فى بلد تانيه لمده سنه يمكن يجددوه ويمكن يفنشونى قبل نهايته دا غير المصاريف اللى دفعتها بسبب القصه دى من اولها وغير المبالغ اللى هخسرها بسبب خروجى من البلد لان ممكن تعتبر انى حاله خاصه شويه و خروجى من البلد هيخسرنى حوالى 25 الف جنيه سنويا واللى يضحك بقى انهم لصالح البلد دى يعنى الحكومه هى اللى هتاخدهم يعنى الحكومه اللى بتعقد القصه دى مستفيده جدا من خروحى بره البلد وغير الفلوس اللى هدفعها لتخليص الاجازه هنا يبقى اسافر ليه بقى داانا كدا لو هحسبها صح على نهايه السنه هلاقينى انا اللى دافعه من جيبى يعنى عشان اسافر ادفع فلوس مجموعها يتعدى اللى من المتوقع انى احوشه اصلا هناك دا غير نظره الناس اصلا بقى للى بيسافروا بره وبهدلتى فى بلد غير بلدى وغربتى

[drfayoum2010]

لو سمحتوا يا جماعة هي التعاقدات دي بتاع الإعلان اللي نزل بتاريخ 8/20 ولا كان الإعلان قبل كده؟؟؟
يا ريت الرد للأهمية

[هيما2012]

يعم دماغك انت لسة فاكر الاعلان مخلاص اتباعت الاعارات كمان .....وخدوا اللي هما عاوزينة هي السنادي باينة من اولها .

[عبدالرحمن ابو حبيبة]

يا استاذة منار بتدفعى 50 جنية فقط