موضوع جريئ لمن لديه جرأه فقط.....السفر لعمان حكومى عن طريق الدفع

[أزهرية وأفتخر]

السلام عليكم

عايزه اطرح موضوع فى منتهى الاهميه والكثيرون يتحدثون عنه لكن زي ما بيقولوا من تحت الطرابيزه

حد يعرف شخصيه اسمها أم داليا من قطور غربيه

يقال انها بتسفر حكومى عن طريق تدفعلها مبلغ 20 الف ج

ومن ثم تتوسطلك عند اللجنه وبتعدي

لكن السؤال الخطير هنا يا ترى هى بتعدى اللى امكانياتهم ضعيفه بس يعنى خبره قليله وتقدير مش عالى ده بس اللى بتخدمهم وكل شغلتها انها تتوسطلهم انهم يوافقو يختبروه فى اللجنه وهو وشطارته بقه ينجح مينجحش كله حسب مجهوده

ولا لو حد تانى برده عنده كل الامكانيات اللى بفضل الله اللجنه هتتصل عليه يعمل مقابله لكن الخوف من عتدم تخطى المقابله برده ممكن تخدمه

ومين يعرف اى تجارب مع الست ده بالذات انا عارفه فيه نصب كتييييير عن طريق المكاتب لكن السؤال عن أم داليا من قطور غربيه خدمت حد قبل كده

وفعلا معظم اللى بيسافروا حكومى بيكونوا دافعين من تحت لتحت ومبيتكلموش لأن الموضوع سرى للغايه

الرجاااااااااااء كل الرجاااااااء التفاعل والافاده

[مستر أيمن كركيت]

ام داليا زيها زي غيرها بس كان ليها جوز اختها في السفارة علي ما اعتقد ودا اللي كان بيمشي الشغل كله بس الكلام دا كان زمان لكن دلوقت لأ هي بتاخد منك الورق وتقدملك عادي زي ما اي حد بيقدم وانت ونصيبك وهي بتقدم لناس كتير فبالتأكيد بيجي نصيب ناس منهم واسمها هي اللي مطلعاهم وخدمتهم في مقابل الفلوس ولو ملكش حظ تفضل فلوسك في البنك تعملها فوايد وشوف كام واحد مديها فلوس وبعد فترة تديك فلوسك بس بعد كام شهر تكون جابت فوايد من البنك طبعا وهلم جرا الموضوع كبير وانت وحظك لكن في مكاتب بتاخد حاليا 25 الف وتطلعك حكومي وبردو نفس النهج بس المكاتب بتاخد فلوسك علطول من غير تأخير هذا عن تجربة شخصية لصديق عزيز

[أزهرية وأفتخر]

مستر ايمن أنا مش هسال حضرتك متأكد ولا لأ لأنك بتحكى تجربه شخصيه قريبه منك

انا شخصيه قريبه منى بقه مقتنعه جدا بانها ممكن تخدم وانا قاعده اقنعها انها ملهاش يد فى اى شئ خاصة عمان بالذااات واللى اعرفه انه النجاح في عمان سهل جدااااا

لكن هى مقتنعها انه الست ده هى عمان نفسها لذلك حبيت اطح الموضوع ونشوف تجارب بقيت الزملاء

لكن مستر ايمن هل صديقك فعلا سافر عن طريقها وبعد ما سافر حس انه سافر بمجهوده مش بمجهودها

[almoallem]

عمان لا تقبل الوساطة وممنوع منعا باتا التعامل مع الوسطاء لأنهم مش ممكن يصل لرشوة أعضاء اللجنة وكل المكاتب والسماسرة نصابييييين

[aaaa_aaaa3224]

انا لسه صديق بالامس بيعرض عليه هذا الموضوع وهو سافر بنفس ذلك النمط في شخص في احد مكاتب التسفير يجعل اسمك في الكود ال بيترسل بيه الرسايل من السفاره وبعدين انت وشطارتك في المقابله وياخذ 20000 جنيه لو نجحت يبقي خلاص تمام ولو لم تنجح يبقي استنه بعد شهرين تاخذ فلوسك فانا قلتله لو المكتب يجبلي العقد والكشف الطبي ويعديني من جميع المقابلات اعطيه ال 20000 بس فقلي سيبني يومين وانا ارد عليك

[ابورفعت]

انا سمعت عنها من سنين وذهبت فعلا وقابلت مدير اعمالها بس طلب 18000 وكان دة من5سنوات بس خفت وتانى سنة سالتها عشان اقدم قالت لى ما ينفعش تقديرى مقبول

[ابورفعت]

لو حد معاة رقمها لو سمحتم يكتبوا ولو اى حد مضمون تانى

[حاتم سعيد]

نصيحة لوجه الله كله نصب فى نصب .لا تبدا حياتك بالرشوه, الواحد يقدم والارزاق بيد الله وحده

[محمد على عبد النعيم]

اعتمدى فقط على الله والرشوة حرام عايزة تسافرى عمان وتخشى جهنم بعدها ....لا خير فى لذة من بعدها النار

[مستر أيمن كركيت]

صديقي لم يسافر عن طريق ام داليا بالعكس فلوسه حوالي 20000 فضلت عند ام داليا لمدة 6 شهور وحضرتك فاهم طبعا ليه 6 شهور واسال اي بنك يقولك ليه لكن صديقي سافر تبع مكتب ودفع السنة اللي فاتت 21 الف وليا صديق تاني لسه واخد فلوسه من نفس المكتب ومقدم بقاله 20 يوم بس لكن جاتله فرصة مضمونة في السعودية راح المكتب وسحب فلوسه عادي جدا بس السنة دي المكتب بياخد 25 الف كل اللي اقدر اقوله لحضرتك ان الوسطاء ممكن يعدوك الامتحان لكن مستحيل حد يعديك من الكشف الطبي حتي لو كنت دافع في ناس بتعرف الامتحان قبل ما تدخله وممكن تسال وتتأكد وبالتوفيق للجميع

[مستر أيمن كركيت]

اسف اختي العزيزة لم انتبه ان اسم حضرتك ازهرية اعتقدت انك اخ فاضل عشان كده كلامي كان بصيغة المذكر بعتذر لحضرتك مرة تانية وجل من لا يسهو بالتوفيق لحضرتك

[مستر أيمن كركيت]

دا رقم السيدة ام داليا لمن يسأل عنه بس دا من السنة اللي فاتت معرفش اذا كان اتغير ولا لأ

[تووحه]

الست دي نصابه قوي هي بتعمل علي البركة من الي معاها لو واحد تجاوز الامتحان بمجهوده تاخذ الفلوس والواحد الي ميعديش تديله الفلوس اكل علي كفي الغلبان

[huss_sadek]

اخس علي هؤلاء الازهريين الذين يشترون الدنيا بالرشوة والنصب عيب عليكم ولا تنسوا أنكم من المفترض قدوة لغيركم قدم واسع وخذ بالأسباب والأول والأخير الأمر لله من قبل ومن بعد

[السيد2000]

كله نصب فى نصب وعن تجربة لا وساطة ولا محسوبيات وده كان على لسان مسؤول التعاقدات العمانى العام قبل الماضى وكل ما فى الموضوع ان النصاب بياخد اوراقك ويقدملك وطبعا بياخد جواز سفرك ولو اتصلو بيك كان بها ولو متصلوش هو لم يخسر شىء غير انه قدم لحضرتك على النت