«حياة» بعد ما اتبرعت بمصروفها لـ«تحيا مصر»: «نفسى أشوف أونكل سيسى»

[Mido-199841]

«حياة» بعد ما اتبرعت بمصروفها لـ«تحيا مصر»: «نفسى أشوف أونكل سيسى»
كتب : جهاد مرسى
منذ 11 دقيقة
من النسخة الورقية للوطن


كلمات زميلها فى الفصل التى أساء فيها إلى مصر لم تمحَ من ذاكرتها، ودفعتها إلى خصامه وتهديده بإبلاغ «المستر»، هى الطفلة حياة أيمن «8 سنوات» التى فكرت منذ ذلك الحين فى طريقة تساعد بها وطنها الذى تحن إليه، حيث تعيش مع أسرتها فى الخليج، فقررت التبرع لصندوق «تحيا مصر» بكل ما تملكه.

■ نفسك تشوفى مصر إزاى؟

- مصر أحلى بلد فى الدنيا، وعلى طول بأعيط وأقول لماما وبابا «عايزة أرجع مصر بلدى»، ورغم الزبالة اللى فى الشوارع وأزمة المرور اللى كل الناس بتعانى منها لكن أنا برضه بحبها.

■ لما فكرتى تتبرعى لمصر إيه كان رد بابا وماما؟

- اتفاجئوا وفرحوا قوى، وقالوا لى استنى لما نرجع مصر، وأول ما وصلنا رُحت البنك مع ماما واتبرعت وخدت إيصال.

■ وجبتى فلوس التبرع منين؟

- أنا كنت مشاركة فى مسابقة فى القرآن الكريم وفزت، ولما بابا جاب لى فلوس الجايزة، حوشتهم مع فلوس هدية رمضان اللى بابا وماما إدوها ليّا وصرفت نصهم، وكمان حطيت مصروفى، واتبرعت بـ500 جنيه عشان مصر.

■ ليه مفكرتيش تشترى لعبة بالفلوس أو بجزء منها؟

- أنا بلعب باليه وجمباز وسباحة، ومش عاوزة لعبة أو أى حاجة غير إن مصر تبقى حلوة، ومايبقاش فيه زبالة تانى فى الشارع.

■ فيه حد شُفتيه اتبرع وقررتى تقلديه؟

- لما شفت الست اللى اتبرعت بحلقها و«السيسى» سلم عليها، قلت لازم أنا كمان أتبرع، ويا ريت السيسى يعرف ويطلب يشوفنى، أنا نفسى أشوفه وأسلم عليه، وعايزة أقول له على اقتراحات «إزاى مصر تبقى مصر حلوة».

■ رحتى مع ماما وبابا الانتخابات قبل كده؟

- آه، رُحت مرتين، وكنت بأمسك الورقة وأرميها فى الصندوق، لأنى كنت بشوف ماما وبابا بيتكلموا عن مصر وبيقولوا هتبقى أحسن بعد الانتخابات.

■ كنتى بتشوفى المظاهرات؟

- آه، بس فى التليفزيون، ولما رجعنا مصر فى الأجازة رحت ميدان التحرير، واتصورت مع الظابط، وكنت فرحانة قوى.

http://www.elwatannews.com/news/details/549665

[Mido-199841]

بالصور.. الرئيس يستقبل طفلة 8 سنوات تبرعت بـ500 جنيه لـ"تحيا مصر"

الإثنين، 01 سبتمبر 2014 - 05:55 م

الرئيس عبد الفتاح السيسي
كتبت نور ذو الفقار
استقبل الرئيس عبد الفتاح السيسى، اليوم الاثنين، بمقر رئاسة الجمهورية بمصر الجديدة، الطفلة حياة أيمن سعد الدين ذات الثمانى سنوات، والتى تبرعت لصالح صندوق "تحيا مصر"، وذلك برفقة أسرتها.

وتعتبر الطفلة حياة أصغر متبرعة لصندوق "تحيا مصر" حيث تبرعت بمبلغ 500 جنيه جزء منه كان جائزة لحفظها القرآن الكريم وباقى الجزء من مصروفها وعيديتها التى حصلت عليها فى عيد الفطر.

وقد حرص الرئيس على لقائها تقديرًا لهذه اللفتة الإيجابية التى تعد نموذجًا طيبًا لبث روح الانتماء والتضحية من أجل الوطن فى نفوس النشء، وقد قدمت الطفلة المتبرعة مصحفًا شريفًا هدية للرئيس، كما قدم لها الرئيس صورة شخصية له موقعة منه شخصيًا، بناء على طلبها.

تجدر الإشارة إلى إن الطفلة المتبرعة كانت قد وجهت رسالة صحفية للرئيس طلبت فيها الالتقاء بسيادته تعبيرًا عن شعورها إزاء الوطن، وهو الأمر الذى رحب به الرئيس عبد الفتاح السيسى.







الرئيس يسلم الطفلة إهداء وقع عليه



الرئيس يوقع على الإهداء


http://www.youm7.com/story/2014/9/1/...%d8%b5/1845489


التلميذة تبرعت قبل المعلمين

لأن بعض المعلمين دلوقتى حاطين إيديهم خلف أذنهم وشغالين فرك
ياترى هى بنت مين ؟

ثم فركه فى أعلى الأنف

تكونشى بنت خالة السيسى

ثم فركه خلف الرأس أسفل المخيخ

تكونشى بنت لواء فى الأمن الوطنى ولا الجيش ولا الشرطة

لا ياسيد ممسوح

دى بنت شافت سيدة فى سن جدتها اتبرعت بحلقها فاتبرعت زيها بمصروفها

يبقى الكبير اللى حملتوه الماضى ظلما وافتراءا تبرع والصغير اللى بيرسم بريشته أول طريق المستقبل تبرع

وهو دا الشعب اللى فشل كوادر ونخب الفشل فى فهمهم والتقرب إليهم

اللهم احفظ مصر لخيرة شبابها ورجالها ونسائها وأطفالها

وارزق يارب العالمين الفراكين والمشككين بمرض الفرك اللعين
إلا من تاب وأمن وعمل صالحا فارزقة ترياق المصريين الطيبين

[Mido-199841]

أصغر متبرعة لـ"تحيا مصر": اتبرعت بجائزتى بمسابقة القرآن عشان بحب بلدى الإثنين، 01 سبتمبر 2014 - 08:40 م

كتب عبد الوهاب الجندى

قالت الطفلة حياة أيمن سعد الدين المتبرعة بمبلغ 500 جنيه لصالح صندوق "تحيا ماصر"، إن الأموال التى تبرعت بها لصالح مصر حصلت عليها من خلال مسابقة للقرآن الكريم فازت بها. وأضافت خلال حوارها مع الإعلامى عمرو عبد الحميد مقدم برنامج الحياة اليوم المذاع على قناة الحياة، "انا اتبرعت عشان بحب مصر ".

http://www1.youm7.com/story/2014/9/1...2#.VATZg8WSzIk

[وائل رسلان]

ونتبرع ازاى ؟؟؟ حتى مكافأة الامتحانات طمعوا فيها ولغوها فى محافظة قنا
واحكام الاثابة طعنوا عليها
لما نتساوى بامناء الشرطة نبقى نتبرع

[Mido-199841]

المشاركة الأصلية كتبت بواسطة وائل رسلان

ونتبرع ازاى ؟؟؟ حتى مكافأة الامتحانات طمعوا فيها ولغوها فى محافظة قنا
واحكام الاثابة طعنوا عليها
لما نتساوى بامناء الشرطة نبقى نتبرع

المشاركة الأصلية كتبت بواسطة وائل رسلان

يا استاذ ميدو ... الاستاذ اللى اساسيه 453 .... من محافظة قنا يعنى بياخد بدل نقدى
يعنى هيزيد على مرتب زميله 450 جنيه
انا الاساسى بتاع تقريبا 350 والشامل 2600 لانى باخد بدل نقدى 416 وحافز اثابة 560 وجهود غير عادية .100 جنيه ..

المشاركة الأصلية كتبت بواسطة وائل رسلان

ايه علاقة حافز الاثابة ..... بمكافاة الامتحانات ؟؟؟؟؟؟؟
على العموم لو ما اخدناش المكافأة .... هنرفع قضية فى القضاء الادارى ...

احنا بنحارب من أجل عدم الجمع بين مكافأة الامتحانات ومكافأة الكنترولات

و انتم ليه عايزين تبقوا مميزين عن الناس كلها وحتى عن زمايلكم

ليه ؟؟؟؟!!!

يعنى تاخد حافز الإثابة 200% وكمان المكافأة وزميل لك لايحصل إلا على المكافأة

فكرك دا هيعمل إيه بين زملاء مهنة واحدة ويجمعهم مكان واحد ونظام عمل واحد ؟؟؟هو دا العدل فى نظركم ؟

وبعدين يامستر اللى عايز يتبرع هيتبرع ولو بعشرة جنيه وخاصة لوكان خير البلد على أعضاء الوطنى بالذات كتييييييير

لاتقلق يامستر فالبلد مليانة بحياة و80مليون حياة وهيقوموا بدورهم وواجبهم نحو وطنهم بس اللى ناويين يتعذروا ويتهربوا من واجبهم يخجلوا حبتين وينقطونا بسكاتهم

لأن البلد دى بالذات ماينفعشى تعيش على الشحاته أو السلف وتقع تحت تهديد أقزام بسحب وديعتهم كل يومين

طب راحت فين شهامة الصعايدة وجدعنة ولاد البلد البحاروة ---

ولا الشنبات وقعت مننا فى أخر ثلاث سنوات واحنا مش داريين

شكرا يامستر

[وائل رسلان]

حافز الاثابة حق لجميع المعلمين وحصلنا عليه برفع قضية فى القضاء الادارى والحكم كان لصالحنا
والجهود الغير عادية حصلنا عليها بحكم محكمة ايضا
ارفع قضايا وخد حقك
المكافاة بالفعل اتلغت
وبعد ما لغوا المكافاة هيعملوا استنئاف على حكم الاثابة
وقالوا ان الاحكام القضائية دى مخالفة للقانون
اصله القانون ده حمارتهم يركبوها زى ما هم عايزين
يعنى الناس كلها بتزيد الا احنا بننقص
اصله نقابتنا اهلس نقابة
اما بالنسبة للتبرع فانت تتوقع ايه من واحد متهم بانه عميل وخاين للبلد لمجرد انه معارض للظلم والقتــل
انا دولتى هى اسرتى (فليسعك بيتك )

[Mido-199841]

دا كلام يامستر

دولتك هى أسرتك إزاى يعنى ؟

هو صحيح دا كان شعار مشترك بين الوطنى المنحل والإخوان المنحل

لكن ماتوصلشى لمقولة ليسعك بيتك

إحنا هنرجع زمن الحراملك تانى ولا إيه ؟

وكمان هيكون للرجالة ؟

دا كلام يامستر

ماعاش اللى يقول عليك خاين وعميل

انت معارض من أجل المعارضة وبس دون حلول

ومفيش فرق بينك وبين حزب السيدة شكر الله

هما كمان بيعارضوا وخلاص والحلول حين ميسرة

يعنى خفف عن نفسك لأن مش انت الفريد من نوعه فى البلد

شكرا يامستر

[وائل رسلان]

دولتى هى اسرتى
يعنى ماليش دخل باللى يحصل خارج نطاق اسرتى ...
الكائنات الدقيقة لما تلاقى الاجواء غير ملائمة فبتدخل فى حالات من التقوقع والتكيس والتحوصل
والايام دى بلغ الظلم مداه
حتى صارت الاحكام القضائية التى لا تاتى على هواهم (مخالفة للقانون )
واحكام اخرى تصدر بالاعدام و بدون ادلة فى ابشع مشهد شهده القضاء المصرى فى التاريخ الحديث
وبعدين عايزنا نتبرع فى دولة بالشكل ده ؟؟؟
وحضرتك يا استاذ ميدو اتبرعت بكام ؟؟؟
ام حضرتك ماشى بمبدأ ( الدال على الخير كفاعله )

[Mido-199841]

واضح إن الفهد متعب نفسيا

اتشعبت زينا فى الأمل ولو مع الصغار فى السن الكبار فى العقل

وإلا فهيا نقوم بعمل انتحارى جماعى لنريحهم من عقدنا اللى مليانا واللى هتمرضهم زينا

ربنا قال وكرمنا بنى أدم ونحن سنذهب بأنفسنا للكائنات الدقيقة--- وياترى المفيدة ولا الضارة ؟

ودى أخرة التغلغل فى الفيزياء من معلمى الفيزياء

----- هو انت شفت أول إجابة لامتحان الثانوية تكون (الكوسة )


تفاءلوا بالخير تجدوه وكفانا إساءة لأنفسنا ونضع شطارتنا فى دورنا وواجبنا









شكرا يامستر

[أ/رضا عطيه]

المشاركة الأصلية كتبت بواسطة mido-199841

اتشعبت زينا فى الأمل ولو مع الصغار فى السن الكبار فى العقل

يعملوها الصغار ويتهرب منها الكبار بأطنان من الأعذار
شكرا على الموضوع