اللى يعمل ضهره مسطرة يستحمل الدوس

[elketkat]

يعنى حتى بعد الاختبارات والاعتراضات وعبثية الموقف السخيف ده كله فلسه فى جيب الحكومة لعب كتير
حتى لو كنت مدرس ورضيت الذل ومهانة اختبار عشوائى مابيقيسش حاجه حقيقية تخدم مصلحتك أو مصلحة الطالب علشان تاخد زيادة بسيطة تساعدك تعيش ,رغم إنها من حقك أساسا إنت وكل مواطن مصرى بدون اختبارات ولاقرف..
لكن برضه مش هتاخد غير لقمة صغيرة زى اللقمة اللى فاتت
ليه ؟
لأن “الزيادة تتراوح بين ٥٠% و١٥٠%، حيث سيتم توزيع الزيادات علي خمسة مستويات، يحصل المستوي الأول علي نسبة ٥٠%، والثاني معلم أول علي ٧٥%، والمستوي الثالث معلم أول (أ) علي ١٠٠%، والمستوي الرابع معلم خبير علي ١٢٥%، والمستوي الخامس كبير معلمين علي زيادة قدرها ١٥٠%.”
حد سمع قبل كده عن حاجه اسمها معلم خبير أو كبير معلمين ؟
أو عن حاجه اسها معلم أول ومعلم أول أ ؟
يعنى باختصار كل الليله دى علشان عوام المدرسين مش هيزيدوا غير 50% برضه وطبعا على أساسى المرتب يعنى الحوار كله آخره 60 أو 70 جنيه !
واشرب يابتاع الكادر واللى رضيت بالكادر
وده طبعا بخلاف إن اللى نجحوا فى الاختبارات أساسا 85% يعنى فيه 15% –طبعا مافيهمش معلمين خبيرين – مالهمش فى الليله دى أصلا …
ده غير اللعب التانى فى حكاية 180 ألف ورقة لم تصحح بشكل إلكترونى و20 ألف ورقة لم يقرأها الماسح الضوئى ؟؟؟؟
يعنى إيه ولامؤاخذه الكلام ده ؟
يعنى اشرب م البحر يامواطن
و اللى يعمل ضهره مسطرة يستحمل الدوس

[ابوسمرة88]

اخى الفاضل فية مثل بيقول سرسوب دايم ولادفأة من البحر

[الأستاذة هدى]

ولو انى مش عارفة دفأة من البحر تكون قد ايه؟ بس أكيد أكتر من السرسوب لكن طبعا ما بتتشربش لكن أى نسبة أعلى من الكادر هتتصرف سواء سرسوب أو دفأة يبقا ان عشقت اعشق قمر وان قبضت اقبض جمل (لان عيب المعلمين يسرقوا) وبلاش نرضى بالدنية لأن احنا نستاهل كمعلمين نكون أعلى كادر فى الدولة

[هويدااحمد76]

المشاركة الأصلية كتبت بواسطة ابلة هدى

ولو انى مش عارفة دفأة من البحر تكون قد ايه؟ بس أكيد أكتر من السرسوب لكن طبعا ما بتتشربش لكن أى نسبة أعلى من الكادر هتتصرف سواء سرسوب أو دفأة يبقا ان عشقت اعشق قمر وان قبضت اقبض جمل (لان عيب المعلمين يسرقوا) وبلاش نرضى بالدنية لأن احنا نستاهل كمعلمين نكون أعلى كادر فى الدولة

الله يفتح عليكى ابلة هدى ولا كلام يقال عندى بععد كلام حضرتك ولكن ايه هيه الدفاءة معناها ايه

[الأستاذة هدى]

ربنا يفتح علينا كلنا يا أستاذة منى
الدفأة بالقياس كده تلاقيها كمية أكبر من السرسوب يمكن تكون موجة زى تسونامى بعيد عنا يارب !!!

[leprince]

ايه يا جماعه

هو العمليه قلبت امثال ولا إيه

[طارق ممدوح ذكي محمد]

المشاركة الأصلية كتبت بواسطة leprince

ايه يا جماعه

هو العمليه قلبت امثال ولا إيه

السلام عليكم

لازم تقلب امثال يا استاذ احمد

انت مش واخد بالك ان الحوار نسائي

خالص تحياتي للجميع