عايزة ابقى متفوقة في الثانوية العامة

[مطنشة العالم]

السلام عليكم ورحمة الله وبركاته..

اخباركم؟..ان شاء الله يدوم الخير عليكم
انا وحدة في 3 اعدادي راحة اولى ثانوي
انا قدمت والحمد لله..
في الابتدائي والاعدادي كنت وحدة واخدة كل شئ ببساطة
ومستهبلة اخر حاجة في المدرسة..
لدرجة اني مكنتش بحل في ورقة امتحان الشهروباخد صفر وببقى عادي..( اعمال السنة مكانتش بتتضاف في 3 ع)
وفي ثانوي.. انا حاطة في بالي اني هذااكر (رغم اني مهملة بس بحب المدرسة اوي وبحب الحصص وببقى مركزة في الشرح والحمد لله)
بس حاطة في بالي اني هذاكر..
انا دلوقتي قدامكم معرفش يعني ايه ثانوي اصلا..
بس عايزة ابقى متفوقة فيها كدا ونااجحة وممتازة
( وهو ده اللي انا حاطاه في بالي ومصممة على كدا)
انا مش خايفة ولا حاسة باي خوف من الثانوية العامة..بس في نفس الوقت هقولكم برضو خايفة لحسن انا دلوقتي املي كبير بان كل حاجة هتبقى سهلة ولما اروح ثانوي وابقى فيها وفي الموقف خايفة لحسن الاقي كل حاجة تقيييييييلة ومش سهلة زي ما انا مصممة وحاطة في بالي ان انا مش هستصعب اي حاجة.وكمان حاطة في بالي اني هروح علمي علوم (اكره شئ اسمه الرياضيات )
وان شاء الله انا من دلوقتي بدعي ربنا انه يوفقني وابقى ممتازة وهروح كلية صيدلة اللي هي هدفي ان شاء الله ربنا يستجيب
المهم
*
*
ممكن نصايحكم لو سمحتو..
نصايحكم لواحدة عايزة تعرف معنى الثانوي وهو عايز ايه مني...الخ

في رعاية الله..

[Maher Eldeghedy]

استعيني بالله اول حاجة ..
ذاكري دروسك اول بأول ..
حلي كتير علي اللي تاخديه في الدرس ..
مش فهمتي حاجة من جزء في الشرح تقولي للمدرس مش تعتمدي انك هتفهميها بعدين افهميها في وقتها ..
اقعدي مع مدرس المدرسة واسأليه وحاولي تستفيدي منه برده .. كده هيكون انتي زي ما بتكون تاخدي درسين .. مدرس المدرسة والاخر مدرس الدرس ..
وربنا يعينك

[أسماء القمر]

انتى كده كده فاشله هههههه

[المجدد]

روحى يا شيخه منك له
يعنى المفروض انا بعد 4 سنين الناس هتاخد منك انتى الدواء يا ستير يا رب

[Moustafa Memo]

أول حاجة أنك متزمليش اي حد وخلاص وديه أهم حاجة في ثانوي والله

[مطنشة العالم]

شكرا لمن افادوني
ههههههههههه
ربنا يوفقني بئا يا اسماء ويا المجدد