|
||||||
| قضايا سياسية وأخبار مصرية وعربية وعالمية منتدى يختص بعرض كافة الأخبار السياسية والإقتصادية والرياضية في جميع أنحاء العالم |
 |
|
|
أدوات الموضوع | انواع عرض الموضوع |
|
#1
24-12-2014, 01:56 AM
|
|||
|
|||
كل سنة وأنتِ طيبة يا مصر
رمضان زكى معتوق يكتب:
كل سنة وأنتِ طيبة يا مصر الحمد لله على سلامتك يا مصر شدة وزالت يا حبيبتى وغمة وانزاحت يا بلدى، سنة جديدة يا حلوة وأنا مازلت على عهدى معاك وبطمنك كمان وكمان حتى ترجعى مصر بهية العفية الذكية النقية التقية الأبية. عارف إن اللى فات كان كابوس مؤلم لكن خلاص ولا يهمك المهم إنك باقية زى مانت عالية ولقلوبنا غالية ولهمومنا شايله لأنك عنيدة شديدة مجيدة رشيدة فريدة. وكل سنة هقولك يا بلدى ماتزعليش لأن السنادى أحلى واللى جاى أحلى وإحنا على عهدك محافظين ولترابك صاينين وفى طريقك مكملين، كل سنة يا بلدى وأنتى أجمل وأرقى وأنقى وأتقى وأذكى وأطيب وأفضل وأعظم وطن. بنلف بلاد يا بلدى ونعدى بحور ومهما نلف ومهما ندور بنرجع لحضنك الدافى وجوك الصافى وخيرك الكافى وقلبك الوافى وليلك الخافى، ربنا معاكى حاميكى من كل غادر فربك هو الشافى المعافى، كل سنة والبسمة مرسومة على وجهك والفرحة منقوشة على رسمك وحبة الخير منثورة على أرضك. كل سنة يا مصر وطبعك هادى وعبيرك نادى وكروانك شادى والشجر بيميل بنسيم الليل على ضفاف النيل فى أجمل صورة للوادى يا عزى وعز ولادى، كل سنة واللون الأخضر ثيابك فى أحلى كسوة، واللون الأحمر نقدم أرواحنا فداكى للشهادة فى أحلى نشوة، واللون الأبيض طيبة قلبك ومن غيرك الدنيا ولا تسوى، كل سنة يا بلدى وإحنا من غير جاحد أو حاقد أو ناقم لخيرك ناكر ولولادك قاتل متآمر عميل جبان، كل سنة وإحنا من غير إرهاب أو خراب أو دمار ولا اعتصام ووقف حال كل سنة وإحنا فى استقرار من غير جبهات أو ائتلافات أو حركات أو معتصمين ومعتصمات ولا ناشطين أو ناشطات كل سنة وإحنا كده مصريين بالفطرة والوطنية فينا غريزة وأنت دايما فى قلوبنا عزيزة . كل سنة وإحنا فى أمان من غير شاطر أو خيبان ولا حتى متغطى ولا عريان، كل سنة وإحنا مش بتوع منظمات ولا حقوق إنسان كل سنة يا بلدى وإحنا من غير كفاية أو التغيير ولا اتباع شهر إبريل، كل سنة وإحنا مش حازمون لكن مصممون نكمل طريقنا وناويين نتمم خطتنا ونوصل لبر الأمان، كل سنة وإحنا مسلمين للمولى متقين نصوم ونصلى لرب العالمين ومعانا فى الوطن أقباط شركاء متعاونين كل سنة وأنت طيبة يا مصر. http://www.youm7.com/story/2014/12/1...870#.VJTIvsAys
__________________
الحمد لله 
|
|
#2
24-12-2014, 08:44 AM
|
||||
|
||||
|
خالص شكرى وتقديرى لحضرتك على هذا الموضوع
كل سنة و أنتى طيبة يامصر وكل سنة هقولك يا بلدى ماتزعليش لأن السنادى أحلى واللى جاى أحلى وإحنا على عهدك محافظين ولترابك صاينين وفى طريقك مكملين، كل سنة يا بلدى وأنتى أجمل وأرقى وأنقى وأتقى وأذكى وأطيب وأفضل وأعظم وطن. جزاك الله خيرا وبارك الله فيك
|
|
#3
24-12-2014, 09:27 PM
|
|||
|
|||
|
رغم ان الناس واحشاني
مش عايز اقابل حد مش باعمل شيء علشاني عايز اضحك بس بجد وقعت من جيبى الخارطة والكنز هناك فى الكوخ حب الأحلام بقى ورطة والغابة وحوش ومسوخ أقدر لكن مش عايز أوصل من غير عصافير مجنون ...يمكن أو جايز موصوف لحاجات بتطير ثابت والكون مهتز وحريرى بيصنع قز والله ما كنت اتعز لو كنت هنا وموجود جوايا حروب ومدافع مش هاكسب بس هادافع ومعايا لكن مش دافع غير فى جناين وورود أنا مش كسلان اقوم اجي الماتش ما يلزمنيش باعمل مهزوم بمزاجي وباغيب عشان اقدر اعيش على كتفى نسور تتحول لفراخ لو حد جعان أنضف م الصينى وأول ما ابهت بانزف لمعان دقنى بتكبر ... مش سنة حلمى بيصغر.... ودا فرض ودماغى دى بنت سهنة دالقة السماوات ع الأرض عيل أطول م الواقع أقصر من طولة البال مش نجم كبير ولا ساطع ولا شايل حمل جبال عيل متشال للعوزة لو حال العالم مال كلمة السر بيحكمنى قانون الفرقة ولاحد سامع بينا حطونا فى أخر الطرقة وبيحضروا التفجير لينا خيل الحكومة اتجمع وبيجهزوا الرصاصات والحق عندهم اتشمع والتكريم صار إهانات ولو كل يوم ثورة وربى ما أنا طالع تانى طالما شعارتها مناوره علشانهم مش علشانى شلتك على راسى كتير لحد ماوصلت لسابع أرض لكنى فقدت التعبير وأبو النصر مفروض فرض قانون من زمن ولى عنصريته فى كل حروفه خرجنا وقلنا يلا نمسح دمانا من كفوفه لاطموحنا كان وزير ولاحتى باش غفير أحلامنا يتعدل قانون خلانا لليأس أسير واملنا لانكمل محلك سر ولانعيشها فى كلمة سر كل سنة وانتى طيبة يامصر
__________________
الحمد لله
|
|
#4
24-12-2014, 10:58 PM
|
|||
|
|||
|
اقتباس:
كل سنه وكل مصرى بخير بلد اتعفرت بتراب زعابيب أمشير أولادها كتير ومع كل دا المأموصين منها كتير وكتير ومين هيبخل يقول لبلده كل سنة وانتى طيبة من قلبه شكرا للمرور والمشاركة مستر أيمن
__________________
الحمد لله
|
|
#5
26-12-2014, 12:43 AM
|
|||
|
|||
|
فيه ناس بتقدم لها روحها وناس مكسله حتى تشبك حروفها وتقول لبلدها كل سنة وانتى طيبة يامصر 
__________________
الحمد لله
|
|
#6
26-12-2014, 06:12 AM
|
|||
|
|||
|
كل سنه وكل المصريين بخير
|
|
#7
26-12-2014, 11:08 PM
|
|||
|
|||
|
كل سنة وكلنا بخير وسلام
جزاكم الله خيرا HishamEladl
__________________
الحمد لله
|
|
#9
27-12-2014, 11:56 AM
|
|||
|
|||
|
جزاكم الله خيرا
__________________
الحمد لله
|
|
#10
28-12-2014, 11:37 PM
|
|||
|
|||
|
كل عام و جميع المصريين بخير بمناسبة المولد النبوى الشريف و بمناسبة عيد الميلاد المجيد 
__________________
الحمد لله
|
|
#12
30-12-2014, 08:05 PM
|
|||
|
|||
|
جزاكم الله خيرا
__________________
الحمد لله
|
|
#13
01-01-2015, 06:08 AM
|
|||
|
|||
|
كل سنة وأنتِ طيبة يا مصر
__________________
الحمد لله
|
|
#14
01-01-2015, 10:31 PM
|
|||
|
|||
|
ناصر عراق
ليس على المتشائم حرج! الخميس، 01 يناير 2015 - 08:56 م مع مطلع العام الجديد تتطاير فى فضاء مصرنا الحبيبة التهانى والتبريكات، وتتلون سماؤنا بالأحلام والأمنيات، وتكثر الوعود الرسمية وتتضخم الطموحات، وكل هذا مشروع ومعروف، لكنك لن تعدم وجود أناس يعزفون نغمة أخرى حزينة متشائمة ترى ألا أمل فى المستقبل ولا نور فى آخر النفق! هل على المتشائم حرج فى هذه الحالة؟ ألا يتحدث من خلال واقع يعيش فيه، وقرارات تتخذ، وأخرى ينتظرها فلا تتخذ، وكلها لا تبنئ بانفراجة فى الأفق؟ لست من المتشائمين، لا الآن ولا أمس ولا فى المستقبل، فالظن عندى أن البشر منذ خلقهم الله يتحركون إلى الأمام دومًا، ويستهدفون تعمير الأرض والتمتع بالحياة، وبنظرة سريعة على التاريخ الإنسانى المكتوب نكتشف بسهولة أن الإنسان كان عبدًا يملكه ويتحكم فيه إنسان آخر، فجاء بشر عظام أمثال إخناتون وسبارتكوس وكونفوشيوس وبوذا والأنبياء الصالحين ليحرروا الإنسان من ظلم أخيه الإنسان، ويقودون البشرية إلى آفاق أرحب. صحيح قد تعترض طريق هذا التقدم البشرى عقبات، مثل ألاعيب الطبيعة وغدرها من براكين وزلازل وفيضانات، إلا أن ذلك لا يفت فى عضد الإنسان نحو تحقيق حلمه فى حياة أكثر أمنا وعدلا وجمالا، إذ سرعان ما تستنهض الهمم ليصلح ما أفسده الغضب السماوى ويعيد ترتيب الطبيعة بما يتوافق مع تصوراته، لكن أسوأ ما يعوق حركة التقدم هو حب السلطة والمال، وكم ذاقت الشعوب مرارات حكام نهبوهم وعذبوهم، ومع ذلك لا تركن الجموع إلى الانصياع طويلا لبطش هؤلاء الحكام وغبائهم، فسرعان ما تنتفض وتثور وتطرد الطغاة والخبثاء من عرين السلطة. فى مصرنا الحبيبة طردنا رئيسين فى أقل من ثلاثة أعوام، لأنهما كانا يمثلان أسوأ نموذج للحاكم الطماع الغبى، لكن الأحلام بدت أكبر من الإمكانات.. لا أتحدث عن الإمكانات المالية، وإنما عن حظوظنا من الخيال، ونصيبنا من الجرأة! أجل.. لا تقدم لشعب إذا لم يكن حكامه يتمتعون بخيال متدفق، ويمتلكون الجرأة لاتخاذ القرارات التى تحول الخيال السابح فى السماء إلى واقع ملموس فى الأرض نلمسه بأيدينا. ألم أقل لك ليس على المتشائم حرج، وكل عام وأنت طيب! http://www.youm7.com/story/2015/1/1/...9#.VKWsN9KUfYw
__________________
الحمد لله
|
|
#15
02-01-2015, 10:27 PM
|
|||
|
|||
|
لأن الأمر ساكن عند عرش مليك مقتدر بين الكاف والنون
منعنا التشاؤم بنصح وإرشاد من سيد خلق هـــذا الكون وأُمرنا بالتفاؤل وإن كان التفاؤل درب من المحال والجنون كل عام وكل متفائل قولا وفعلا بخير وأمن وطمأنينة وكل عام وكل مصر بخير وسلام
__________________
الحمد لله
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:43 AM.
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Copyright ©2000 - 2025, Jelsoft Enterprises Ltd.
