تغيير المرحلة وتغيير المسمى الوظيفى

[اميمة طه]

رجاء يا جماعة اللى يعرف ايه المستندات المطلوبة للتغيير من مرحلة الى اخرى بمعنى مثلا التغيير من معلم ابتدائى الى اعدادى وهل ده له علاقة بتغغير المسمى الوظيفى وهل هناك شروط للانتقال من مرحلة الى اخرى
وهل الموضوع صعب ولا عادى وايه الموافقات اللى لازم وجودها

[kazamandr]

الأوراق هى طلب تغيير المسمى بأى صيغة مناسبة و أخر تقريرين و صحيفة أحوال إلكترونية وصحيفة أحوال من مديرية التربية والتعليم التابعة لها و صورة من المؤهل و البحث الموجود تفاصيله على موقع الأكاديمية . كل هذا مختوم صورة طبق الأصل.

على فكرة انا فى محافظة كفرالشيخ وعايز برده اغير المسمى الوظيفى بس مستنى بعد العيد عشان اعمل الاجراءات دى .. ارجوا التواصل

[مصطفى محمد زكريا]

هل تغيير المسمى ما زال مستمراً.

[mouiss]

المشاركة الأصلية كتبت بواسطة مصطفى محمد زكريا

هل تغيير المسمى ما زال مستمراً.

نعم ،، والخطوات بالترتيب هي
1- تعمل طلب لتغيير المسمى الوظيفي وتسلمه في الاداره التابع لها ،، ومن الافضل تسليمه للمديرية مباشرة
2- الانتظار لحين صدور الامر التنفيذي بالتغيير
3- بعد صدوره تقوم بعمل التكليفات المطلوبه وهي موجودة على موقع الاكاديميه

[فارس القمه]

يا جماعه الموضوع سهل جدا واحنا فى الغربية معظمنا غير الحمد لله من ابتدائى الى اعدادى ومن يريد الاستفسار عن الاوراق المطلوبه والخطوات انا تحت امره

[اميمة طه]

المشاركة الأصلية كتبت بواسطة mouiss

نعم ،، والخطوات بالترتيب هي
1- تعمل طلب لتغيير المسمى الوظيفي وتسلمه في الاداره التابع لها ،، ومن الافضل تسليمه للمديرية مباشرة
2- الانتظار لحين صدور الامر التنفيذي بالتغيير
3- بعد صدوره تقوم بعمل التكليفات المطلوبه وهي موجودة على موقع الاكاديميه

وهل صدور الامر التنفيذى بياخد وقت كتير

[اميمة طه]

رجاء اضافة صيغة الطلب

[اميمة طه]

المشاركة الأصلية كتبت بواسطة فارس القمه

يا جماعه الموضوع سهل جدا واحنا فى الغربية معظمنا غير الحمد لله من ابتدائى الى اعدادى ومن يريد الاستفسار عن الاوراق المطلوبه والخطوات انا تحت امره

طيب ولو من اعدادى لثانوى سهل ولا فى مشكلة
رجاء من حضرتك الرد على العام لصعوبة التواصل بالهاتف

[اميمة طه]

ياريت يا جماعة حد يفيدنى
انا باشتغل بقالى 6 سنين فى اعدادى
وعاوزة اتنقل ثانوى
ياترى هيبقى فى اى اعتراض من التوجيه

[aleman]

المشاركة الأصلية كتبت بواسطة اميمة طه

رجاء يا جماعة اللى يعرف ايه المستندات المطلوبة للتغيير من مرحلة الى اخرى بمعنى مثلا التغيير من معلم ابتدائى الى اعدادى وهل ده له علاقة بتغغير المسمى الوظيفى وهل هناك شروط للانتقال من مرحلة الى اخرى
وهل الموضوع صعب ولا عادى وايه الموافقات اللى لازم وجودها

يختلف من محافظة لاخرى يا اميمة نظرا للامركزية اللى بنعانى منها للاسف
بمعنى عندنا بالاسكندرية تغيير المسمى الوظيفى والمرحلة التعليمية بيتم بوكاله الوزارة
تقدمى طلب مرفق بصورة العقد اللى تعملين به فى الادارة وصورة من مؤهلاتك التى تفيد انك مؤهل عام مش تعليم اساسى (وطبعا اصول الورق ده معك للاطلاع عليها )
وعندى فعلا صديقات غيروا المسمى فى المرحلة الاولى والثانية

المشاركة الأصلية كتبت بواسطة اميمة طه

طيب ولو من اعدادى لثانوى سهل ولا فى مشكلة
رجاء من حضرتك الرد على العام لصعوبة التواصل بالهاتف

النقل من اعدادى وثانوى اعتقد بيبقى حسب الاحتياج
بمعنى انك الاول غيرى المرحلة بشهاداتك وابقى اعدادى ولكى الحق اكيد لتكونى ثانوى حسب احتياج المدارس
وبيبقى اسمه ندب من اعدادى لثانوى فى الاول ثم نقل كلى لثانوى
بالتوفيق باذن الله

[اميمة طه]

ربنا يخليكى يا ايمان طمنتينى شوية والله
على العموم ربنا يسهل فى الايام اللى جاية
ويارب تكونى اتوفقتى فى موضوعك انتى كمان

[أشـرف فتحى]

كل سنة وحضراتكم طيبين

[ka2013]

اسف يجماعة على اعادة رفع الموضوع مرة اخرى

لكنى محتاج فعلا لمساعدتم فى موضوع الابحاث المطلوبة لنقل من الابتدائى الى الاعدادى وهم بحثان
الاول : بحث حالة
الثانى : بحث عن الاعدادى

فاين اجد هذه الابحاث او كيف اكتبها لانى لا اعرف عن ماذا تتحدث

وشكرا لاهتمامكم

[آلاء بدر الدين]

كل سنة وانتم طيبين وربنا يبارك في إدارة المنتدي
عندي استفسار عن العمل بالمعاهد الأزهرية أفضل ام العمل بإدارة الجامعة
أنا دفعة 2010 تقديري العام جيد جدا ً مع مرتبة الشرف الترتيب الثانية على كلية الدراسات الاسلامية والعربية بنات الزقازيق والثالثة على التخصص قسم التفسير ولم يتم إرسال جواب للعمل بإدارة الجامعة ولا ضمن المعيدين وانا ذهبت الي التنظيم والادارة - والمشيخة مكتب التظلمات - وجامعة الازهر ووجد في الجامعة اسمي مدون بالكشوف بالتقدير المعلن بعالية والترتيب - والكلية بها نفس الشيئ - والتنظيم والادارة يقولون اسمي سقط من الكشوف وهيكون موجود بالكشوف الاخري ـ فقمت بعمل تظلم ـ و استلمت جواب للعمل بالمنطقة الأزهر وقالو ده الموجود ..
انا ذهبت الى الجامعة لاستخراج شهادة مؤقته فوجد اسمي مدون بكشف المستحقين العمل بالادارة .. فممكن انقل للعمل بالادارة وما هي الاجراءات المطلوبة ؟
ولا أستمر بالعمل بالمعاهد الازهرية ولسيادتكم جزيل الشكر

[ka2013]

يجماعة الخير اتمنى ان يساعدنى احد على معرفة الابحاث المطلوبة الكل يقول الاكاديمية ولا اجد شئ على موقعهم

اما بالنسبة للاخت الاء فانا شخصيا افضل العمل فى الجامعة فهناك التكييف والرحلات وساعات العمل المحدودة والخدمات والبعد عن الصداع والطباشير ..... الخ

وهذا رأى شخصى فعليك بالاستخارة والتفكير العميق ثم التوكل على الله

وشكرا