لو حد ناوى يهدم مصر.. يعمل إيه؟

[aymaan noor]

لو حد ناوى يهدم مصر.. يعمل إيه؟

خلْق الله اللى بتشتغل فى الشغلانة المهببة بتاعتنا دى، أقصد شغلانة السياسة، انسوا شوية إن أنا أصلاً منجد لو سمحتم، بيكون مطلوب منهم بالإضافة لإنهم يكتبوا ويقولوا الكلام الفاضى اللى أنا بأكتبه وبأقوله فى أجهزة الإعلام ده، إنهم يساعدوا فى التخطيط. آه والله، فيه حتت فى الدنيا بتخطط حتى فى السياسة.

مثلاً ممكن صانع القرار فى دولة ما يقول ما يلى: أعمل إيه عشان الدولة الفلانية تتمزق كل ممزق؟ وإزاى؟ والتكلفة أد إيه؟ ومين اللى ممكن يساعدنى من داخل هذا البلد سواء بحسن أو بسوء نية؟ وهكذا.

وفى عالم آخر، يكون مطلوب منك انت كمان إنك تحمى نفسك من خططهم، وده اللى أهل الاختصاص بيسموه «التخطيط المضاد».

قلت يا واد يا «موع موع» هوّ لو «ولاد اللذين دول» قعدوا مع بعض وحبوا يفجروا الأوضاع فى مصر يدخلوا لها من أى مدخل؟

احتسى «موع موع» الشاى المتين عند «فيومى» القهوجى الجميل، ومعه السيجار اللى سالفه من واحد صاحبه، وأخذ يفتى.

مصر تؤتَى، والشر برة وبعيد، من سبعة مداخل، لا بد أن نكون واعين بها عشان نسدها تماماً.

المدخل الأول: الفتنة الطائفية.. دى تقطم ضهر البلد.. الحمد لله، تكامل النسيج الوطنى المصرى وتماسكه ليس موضع تساؤل. واللعبة موجودة من زمان. اللورد كرومر قال لمكرم عبيد باشا: «هننظر بعين العطف عشان نعمل وطن قومى للأقباط فى جنوب مصر». فرد عليه الزعيم المصرى القبطى المسيحى الوطنى رافضاً تماماً: «يا جناب اللورد، أنا مسلم وطناً، مسيحى ديناً. اللهم اجعلنا نحن نصارى لك وللوطن مسلمين، واجعلنا مسلمين لك وللوطن أنصاراً». وما فعله الرئيس السيسى بزيارة الكاتدرائية أمر كان ضرورياً من منظور المواطنة، ولكن كذلك من منظور الأمن الوطنى المصرى.

المدخل الثانى: تهديد الثوابت الوطنية. ببساطة، ومن الآخر، جيش مصر هو جيش المصريين جميعاً بلا استثناء. ولا هو جيش مبارك، ولا جيش السادات، ولا جيش السيسى. هو جيش مصر. والكلام الخطير عن «إسقاط الجيش» أو «إسقاط حكم العسكر» يفرّق تفرقة معيبة بين الجيش وشعبه وهو دعوة لخروج البعض على الجيش. وخذوا هذه الجملة منى وتأملوها: «أى انقسام رأسى (بمعنى التفرقة بين وحداته أو قياداته) أو أفقى (بمعنى عدم طاعة الأوامر الصادرة من قمة هرمه إلى قاعدته) هو تدمير لكل الدولة وليس فقط للجيش. وبناء عليه، بلاش اللعب بالنار.

المدخل الثالث، تأجيج الصراعات الطبقية بين أقلية شديدة الثراء وأغلبية شديدة الفقر وبينهما إما جهاز قمعى يحمى اللى فوق من اللى تحت أو حالة من استشراء الفساد كوسيلة وحيدة لضمان حد أدنى من حياة (حتى لو غير كريمة) للفقراء. إذن التنمية المتسارعة والمتوازنة ضرورة.

المدخل الرابع: الإنجاب بلا حساب.. بلد مأزوم ويعانى لا بد أن تزيد أزمته وأن يعانى أكثر بأن يزيد عدد الناس وينخفض مستوى الحياة وتتراجع نوعية البشر، فيكون الطالب المصرى أضعف جسماً وعقلاً من الطالب الإسرائيلى، ونفس الكلام فى كل القطاعات. إذن لا بد أن نتحرك بسرعة، بسرعة، فى هذا الملف.

المدخل الخامس: مدخل تغذية «الإسلاماسيين» (أى أنصار الإسلام السياسى) لأن العاطفة الدينية غالبة، والأزهر لا يقوم بدوره، ويبدو أنه فقد البوصلة، والعقلية المصرية عقلية ماضوية (تعشق الماضى الذهبى العبقرى) ولا تفكر فى المستقبل، والدين مساحة رحبة للخيالات الفكرية والسياسية.

إذن، تجديد الخطاب الدينى، الثورة الدينية، ليس رفاهية.

المدخل السادس: خلخلة العلاقة بين المراكز والهوامش، أى بين القاهرة والوادى والدلتا من ناحية وهوامش مصر فى سيناء والنوبة وشمال غرب ليبيا من ناحية أخرى. لذلك كنت دائماً معارضاً لفكرة انتخاب المحافظين مباشرة، وإنما يُعين المحافظ من القاهرة، وقد يُعزل من المجلس المحلى فى محافظته. لكن هذا غير كاف، لا بد من أن تدخل الهوامش فى خطط الدولة التنموية.

المدخل السابع: تأليب الشباب المسيّس على أجهزة الدولة. ولا أعرف مين المسئول عن هذا الملف، أى ملف «الشباب المسيس».

الخلاصة.. يقطع إيد اللى ناوى بنا شراً، بس لو نوى، لازم نكون مستعدين، ولازم مناعتنا ترتفع، وربنا يستر.

الفيومى عجبته المقالة بس سألنى: تفتكر حد هيفهم الكلام ده؟

فكرت ثم سألته: هو ليه السحلب من غير مكسرات؟

[أ/رضا عطيه]

خير الكلام ماقل ودل


شكرا على الموضوع أستاذنا

[محمد محمود بدر]

جزيل الشكر والتقدير لحضرتك

تفتكر حد هيفهم الكلام ده؟

جزاكم الله خيرا وبارك الله فيكم

[الفيلسوف]

لو حد عاوز يهدم مصر يبطل شغل ويتفرغ للكلام والنقد والفلسفلة
العمل ثم العمل ثم العمل من يحب بلد يعمل كثيرا ويتكلم قليلاً
شكرا على الموضوع

[simsim elmasry]

لا يستطيع أحد هدم مصر لانها عصية عن الهدم

[حمدى حسام]

قال زمان الهدم ياجى اذاى

لا دستور دائم تحت حكم العسكر معتز بالله عبد الفتاح


لأن دستورا دائما فى ظل هذا الاستقطاب قد يعنى مزيدا من الاستقطاب وربما نهاية الدولة المصرى.

اقرأ المزيد هنا: http://www.shorouknews.com/columns/v...5-a9a1f219d0c2

[مُندى _ 32]

وبعدين فيك ؟؟؟

[aymaan noor]

المشاركة الأصلية كتبت بواسطة جدو عبده

خير الكلام ماقل ودل


شكرا على الموضوع أستاذنا

المشاركة الأصلية كتبت بواسطة محمد محمود بدر

جزيل الشكر والتقدير لحضرتك



جزاكم الله خيرا وبارك الله فيكم

المشاركة الأصلية كتبت بواسطة الفيلسوف

لو حد عاوز يهدم مصر يبطل شغل ويتفرغ للكلام والنقد والفلسفلة
العمل ثم العمل ثم العمل من يحب بلد يعمل كثيرا ويتكلم قليلاً
شكرا على الموضوع

المشاركة الأصلية كتبت بواسطة simsim elmasry

لا يستطيع أحد هدم مصر لانها عصية عن الهدم

المشاركة الأصلية كتبت بواسطة حمدى حسام

قال زمان الهدم ياجى اذاى

لا دستور دائم تحت حكم العسكر معتز بالله عبد الفتاح


لأن دستورا دائما فى ظل هذا الاستقطاب قد يعنى مزيدا من الاستقطاب وربما نهاية الدولة المصرى.

اقرأ المزيد هنا: http://www.shorouknews.com/columns/v...5-a9a1f219d0c2

جزاكم الله خيرا و بارك الله فيكم