|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
10-05-2015, 12:41 PM
|
|||
|
|||
أيها الثانويون
اولى ابتدائي تانية ابتدائي تالتة ابتدائي رابعة ابتدائي خامسة ابتدائي ستة ابتدائي أولى إعدادي تانية إعدادي تالتة إعادي أولى ثانوي تانية ثانوي تالتة ثانوي ...... ** أنت متخيل أنت قطعت شوط أد ايه ؟؟ متخيل بقالك كام سنة في الطريق ؟؟ كام سنة في مشوارك ؟؟؟ أنت ماشي ع التراك وحواليك أب وأم وأهل بقالهم سنين يشجعوا فيك ... خلاص .. خلاص اهو قربت تقطع شريط نهاية المرحلة دي .. المرحلة اللي بتتبني بقالها أكتر من ١٥ سنة .. افتكر كل سنة .. كل سنة دراسية بكل اللي اتعلمته فيها .. كل أفراحها وأحزانها .. كل مواقفها .. كل درس اتعلمته .. كل واجب عملته .. افتكر أيام ابتدائي وإعدادي وثانوي .. أفتكر الكراسات والكشاكيل اللي فضيت وجبت غيرها .. افتكر كل سهرة سهرتها .. كل عصاية اتضربتها .. كل موقف حلو أو وحش حصلك ... افتكر السنين دي كلها وافتكر كويس إن وراك جمهور .. جمهور واقف يشجع لغاية ما صوته اتنبح .. جمهور دفع دم قلبه عشان يحضر الماتش بتاعك .. عشان يحضر التحدي بتاعك .. عشان يشوفك على خط النهاية واقف بترفع ايدك وبتقول لهم : أنا عملتها .. عملت اللي كنتم بتسهروا الليالي بسببي عشانه .. حققت حلمي وحلمكم ... افرحوا افرحوا افرحوا .. أنا هنا جاي أفرحكم .. أنا هنا سبب سعادتكم .. أنا هنا الأمل الجديد اللي اتولد جواكم .. أنا هنا اللي هاخد بايديكم بعد كل الظروف اللي خدتوا بايديا فيها .. أنا هنا راجل .. أنا هنا راجل كنت قد التحدي .. لا ، كنت أقوى منه ... .. خلاص يا جماعة .. خلاص مينفعش تقف دلوقتي ... خلاص هانت والله ... خلاص خط النهاية بيندهلك .. لو وقعت قوم دلوقتي .. قوم دلوقتي وهتلحق .. هتلحق تفرح .. هتلحق تفرحهم ... عشان لو شفتهم بيعيطوا ساعتها هتتمنى الأرض تبلعك ...
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . 
|
|
#2
10-05-2015, 01:55 PM
|
|||
|
|||
|
انا ف 2ث لسة
ربنا يسترها معايا السنة الجاية واحقق حلمي
__________________
وما توفيقي الا بالله http://www.livequran.org/ قران مباشر ادعولى بظهر الغيب [COLOR="Cyan"][/COLOR وظني فيك يارب جميل ياااااااااااارب ارزقني العفة
|
|
#3
10-05-2015, 04:40 PM
|
||||
|
||||
|
يا رب بقا نعملها \
دا الواحد خلاص جاب اخره بجد موضوع جميل يا دكتور
|
|
#4
10-05-2015, 06:37 PM
|
|||
|
|||
|
جزاكم الله خيرا ع الكلام الجامد ده
انا شوفته من ساعتين ونص ودخلت ع طول كتبت الجملة دى : لو شفتهم بيعيطوا ساعتها هتتمنى الأرض تبلعك ... وبجد والله عينى دمعت وانا بقرأ الموضوع ده دلوقتى بقى انا كنت بذاكر فيزيا وعندى سؤال فى الحديثة اتمنى حضرتك تجاوبنى عليه و ال يعرف الاجابة من زمايلى يجاوبنى السؤال عبارة عن استنتاج بستنتجه من خلال المذاكرة وعامل لبس عندى احنا بنقول انه لما بيزيد تردد اشعاع الضوئى بتزداد طاقته وبيقل عدد الفوتونات يعنى بتقل شدته وبنقول برده انه علشان يتحرر الالكترون بواسطة الظاهرة الكهروضوئية لازم يكون تردد الضوء الساقط اكبر من التردد الحرج واذا زاد التردد عن التردد الحرج بتنطلق الالكترونات وبتتوقف شدتها ع شدة الضوء الساقط يعنى كل ما بيزيد شدة الشعاع الساقط بتزيد شدة شعاع الالكترونات طيب لما بيزيد شدة الشعاع الساقط بيقل تردده ؟؟ معنى كده انه لما بيزيد التردد عن التردد الحرج بتكون العلاقة بين شدة شعاع الالكترونات والتردد عكسية ؟! وبرده عايزه افهم حاجة فى العلاقة بين شدة الشعاع الضوئى الساقط والتردد ازاى العلاقة بينهم عكسية هو مش المفروض ان تردد الضوء الواحد بيكون ثابت ؟؟! لو مفيش اجابة او الاسئلة دى مش مهمه مش مشكلة انا خلاص هغير طريقة المذاكرة فى اليومين دول وهحفظ وخلاااص معتش وقت بقى بس سألت دلوقتى علشان اخلص ضميرى سألت فيها مدرسة المعهد قالتلى من ال قالك ان شدة الشعاع معناه عدد الفوتونات ومدرس الدرس جاوبنى بوجه عام ي عنى مش جاوب ع سؤالى بالظبط شرحلى الجزءية كلها وخلاص
|
|
#6
10-05-2015, 11:24 PM
|
|||
|
|||
|
اقتباس:
بس ممكن تحصل علي تردد عالي جدا بفوتونات كتير زي فكرة الليزر . مفيش علاقة بين شدة الشعاع الساقط والتردد .. شدة الشعاع الساقط تعتمد علي عدد الفوتونات .. لما الشدة تكون عالية جدا ,, دا معناه ان عدد الفوتونات الساقط كبير سواء كان التردد عالي او قليل . يعني أنا ممكن أزود الشدة ( عدد الفوتونات اللي ليهم نفس التردد ) ع ما اتذكر
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#7
10-05-2015, 11:31 PM
|
||||
|
||||
|
ربنا يعينكم ياشباب
و ع فكرة التعليم اللي بتكمله من فلوسك وتعبك احلي بكتير من اللي بيصرفوه عليك اهلك يعني خلص جامعتك ومشوارك الحقيقي هايبدا بعدين
__________________
ان صمتي لا يعني جهلي بما يدور حولي
|
|
#8
11-05-2015, 01:15 AM
|
||||
|
||||
|
اقتباس:
واختصارا لازم تعرفى ان التردد يعنى طاقة اما الشدة تعنى عدد الفوتونات وبالتالى مفيش تشابه بين التردد والطاقة يعنى متفكريش ان التردد هوا الطاقة دى حاجة ودى حاجة تانية خالص على ما اعتقد يعنى
|
|
#9
11-05-2015, 03:54 AM
|
|||
|
|||
|
اقتباس:
ولكن عددها يتناقص كلما زادت هذه الطاقة معنى كده ان عددها بيتناقص لما التردد يزيد يعنى الشدة بتقل ده ال انا كنت فاهماه بس حضرتك بتقول انه لما التردد بيزيد عدد الفوتونات ال لتوصل لتردد العالى ده بيقل يعنى شدة الشعاع ال تردده عالى بتكون قليلة نفس المعنى ال بتكلم فيه يعنى فى علاقة بين الشدة والتردد حسب كلام الكتاب وده ال انا مش فاهماه لانه بيتعارض مع اساسيات كتير اى ضوء ليه تردد ثابت يعنى اكيد لو زودنا عدد الفوتونات التردد مش هيقل كمان الظاهرة الكهروضوئية لازم التردد يعلى عن التردد الحرج وبعد كده شدة الالكترونات تعتمد ع شدة الضوء ازاى بقى ماهو لو شدة الضوء زادت تردده هيقل لحد ما هيقل عن التردد الحرج فى حاجة بقى فهمتها تقريبا حليت المشكلة انه شدة الضوء بتتوقف ع التردد وليس العكس بدليل ان الاحمر لون ساطع والازرق باهت وقد تزداد الشدة للضوء الواحد ويظل التردد ثابت اما كلام الكتاب عن العلاقة بين للتردد والشدة فده بالنسبة لضوء المختلف يعنى لما يكون عندنا ضوء تردده قليل طبيعى شدته اعلى ولو زودنا التردد هننتقل لمرحلة تانية زى النيلى مثلا وال هيكون شدته اقل جزاكم الله خيرا يا دكتور معليش بقى تاعببنك معانا اقتباس:
لكن الطاقة تعتمد ع التردد مفيش مشكلة فى الجزئية دى شكرا لك ..... بالتوفيق
|
|
#10
11-05-2015, 04:47 AM
|
|||
|
|||
|
في نقطة ضايعة في الكلام :
الطاقة تتناسب طرديا مع التردد . لكن عدد الفوتونات يقل بزيادة طاقة كل فوتون ( عند ثبوت الطاقة الكلية للشعاع ) بمعني اني لو عندي شعاع طاقته الكلية 20 عشرين فوتون طاقة كل واحد 1 فنفس الشعاع يشيل عشر فوتونات طاقة كل منها 2 عشان تكون طاقة الشعاع الكلية دايما ثابته (20) بنفس الكيفية ...للو عندي صندوق يشيل عشرين مكعب كل منها حجمه 1 فنفس الصندوق يشيل عشر مكعبات حجم كل منها 2 لاني وقت ما بزود الحجم ده بيكون على حساب العدد ... والا الصندوق يفرقع لو زاد الحجم ( الطاقة) بنفس عدد المكعبات ( عدد الفوتونات)  لكن انا لو جيت وزودت شدة الشعاع فانا بزود عدد الفوتونات وبالتالي بزود الطاقة الكلية للشعاش ((( لكن ))) طاقة كل فوتون ثابتة وهي اللي بتتعامل مع دالة الشغل بتاعة المعدن الخلاصة : عدد الفوتونات يتناسب عكسيا مع طاقة كل منها عند ثبوت الطاقة الكلية والطاقة الكلية تتناسب طرديا مع شدة الاشعاع بينما طاقة كل فوتون ثابتة لا تعتمد على شدة الاشعاع ( الطاقة الكلية للاشعاع = طاقة كل فوتون * عدد الفوتونات )
|
|
#11
11-05-2015, 09:32 AM
|
|||
|
|||
|
اقتباس:
جزاكم الله خيرا وضحت الحمد لله شكرا لحضرتك ولدكتور محمد ولدكتور عبد المقصود
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:20 AM.
