محطه الصراحه(لكلا الجنسين)5

[biob]

ازيكوا يا جماعه
يا رب تكونوا بخير ومش مصدومين بعد النتيجه وفايقين
على فكره يا جماعه حرصا منى على عدم فشل الموضوع ده انا مش ناوى اسأل اى حد انت جايب كام
علشان انا محترم رغبه اعضاء كتير فى الحفاظ على خصوصيه النقطه دى
بس انا عاوز اقول حاجه يا جماعه
كتمانك لمجموعك ودرجاتك مش هيزودها ولا هينقصها ده بالعكس هيكون افيدلك لو قولتها وماكتمتهاش فى نفسك
لان لو فيه واحد شاف درجتك وهى اقل من درجته هيحس بشويه تخفيف وهينسى مشكلته هو لانه شايف مشاكل غيره اكبر من مشاكله وهيحس بتفاهه الموقف اللى هو فيه بالنسبه لغيره واكيد ربنا هيجازيك خير لانك خففت عن مسلم حمله(ده مجرد راى)
واذا قلت مجموعك وطلع اكبر منه دا هيساعده فى انه يعرف هو التنسيق هيساعده ولا لا
وهيعرف اذا كانمجموعه نازل جدا ولا مش نازل قوى لانه هيقارنه ببتاعك(ده مجرد رأى برضه)

المهم علشان ما اطولش عليكوا الاسئله اهيه


*فيه حد بيثق فيك وانت خذلته قبل كده؟


*انت متدين ولا لا؟السؤال بصيغه احلى(هى علاقتك بربنا كويسه ولا لا؟)


*لو بقيت مشرف ايه هى الحاجه اللى هتغيرها فى المنتدى بتاعنا؟


*بعد ما عرفت النتيجه بتاعتك اختار تعليق مناسب تكتبه من دول يوصف حالتك
(الحمد لله/حسبى الله ونعم الوكيل /الله يخرب بيوتكوا-بدون ذكر اسماء-/يالا مش مهم كله محصل بعضه/لا تعليق) ياريت تختار اكتر تعليق مناسب ليك او قريب منك فى دول وما تعلقش من دماغك


*(سؤال خيالى شويه بس له هدف)لو انت عطشان ومفيش فى العالم غير بئر ميه واحد انت لواحدك عارف الخريطه علشان توصله بس هو بعيد عنك بعد القاهره عن اسكندريه ومفيش وسيله مواصلات
السؤال اهوه
هترضى انك تروح عند البير ده باى وسيله مع ان الموضوع شبه مستحيل ولا هتقعد فى البيت تصلى وتقرأ قران علشان مستنى الموت؟