الى مستشارة اللغة الفرنسية

[بهاء هاشم]

يا ريت حضرتك لو بتدخلى الموقع ده تقبلى النقد لانى بصراحه مش مقتنع ان مستشار مادة يجى يحط امتحان ويكون فيه اخطاء ده طبعا حصل فى امتحان السودان وبرده حصل فى الامتحان التجريبى فى سؤال الوثيقة فى صح وغلط أرجوكم احترموا عقولنا

فيه ناس هتقول ان الجملة غلط طب اصلا مينفعش يكون السؤال كده هى اصلا نفسها تروح اسكندرية عشان تشوف قصر المنتزه والمكتبه منين بقى تظل بمفردها الجملة دى بجد غريبة جدا زى جمل فى امتحان السودان بتاعه mais و pourtant
والتبعيه الغلط والوثيقه التعبانه المنقولة من كتاب خارجى وتعمل دعاية للكتاب على الفاضى مش عارف بصراحه اقول ايه غير ان مستوى اللغه فى تدنى شديد وكل من هب ودب بقى يشتغلها ده غير طبعا المواقف اللى تبدأ بـ vous والكتب الخارجية طبعا كلهم بيقلدوا وخلاص فتبص مثلا لكتاب برافوا وغيره من الكتب تضحك وانت بتحل وتترجم مع طلابك لان الموقف كله حضرتك يعنى مثلا يقولك المدرس يسال حضرتك اذا كنت عملت واجب حضرتك ساعتها تحس بالشلل والله العظيم احنا بنقلد وخلاص وبعدين المفروض نطالب ان الامتحان ميجيش بالهبل ده والمفروض يلغوا فكرة ان الامتحان كله اختيارى دى ثانوية عامة والقرار ده يتنفذ كمان على كل اللغات الاجنبية المنافسة زى الالمانية والايطالية والاسبانية لان ده مبقاش امتحان بقى شوربة

Hélène (18 ans) : L'été est ma saison préférée. Il fait beau et doux au bord de la mer. Sur la plage, je m'amuse à faire des châteaux de sable et à nager avec ma sœur. J'espère aller à Alexandrie cette année pour voir le palais de Montazah et la bibliothèque. Je serai ravie là-bas.


Vrai ou faux

Hélène reste seule à Alexandrie

[نور الإبمان]

كلام حضرتك جميل لكن عرفت ان الالماني اكتسح واصبح اللغة التانية في مصر لسهولته ايه رايك فى كلاكعvivre ensemble

[بهاء هاشم]

الالمانى اكتسح عشان القائمين على امور اللغه الفرنسية فى مصر غير مؤهلين وهيضيعونا منهم لله انا اول من انتقدت منهج vivre ensemble لانه غير مرتب وعشوائى وغير مدروس

[ابو ميدو وسيف]

انا والله العظيم بنصح طلابى انهم ينصحو صحابهم انهم ياخدو المانى مش فرنساوى مع انى مدرس فرنساوى
وبعدين احنا بنضحك على نفسنا مفيش تعليم لغات اصلاً فى مصر طول مبنتحن اللغة تحريرى فقط المفروض اللغة تنقسم الى نصف الدرجة تحريرى والنص الاخر شفوى
حسب الله ونعم الوكيل

[إلهامي نوفل]

مثلنا مثل النجدة وسيارة الاسعاف تصل دوما بعد فوات الآوان والقضاء على ما يمكن انقاذه
اللغة الفرنسية صارت عتيقة لدرجة توجب التخلص منها والقضاء على ما تبقى منها فلا يمكن ترميمها ولا حتى إنشائها من جديد
حسبنا الله ونعم الوكيل
مدرس لغة فرنسية بس مش مدرس دروس ولا فى اعارة داخليه زي ما بنسمع