ممكن تشارك معانا؟؟؟

[withoutname2100]

السلام عليكم ورحمه الله وبركاته ازيكم جميعا قبل ما اقول انا عايزه ااقول ايه احب اوضح ان الموضوع اللي هتكلم فيه في عضو مشكور جدا فتحه قبلي وهو مصطفي وبجد فكرني بحاجه كان نفسي اعملها من زمان..عشان مطولش عليكم..الموضوع بخصوص التدخين..انا مش هتكلم فاضراره ولا هقول انه حرام ولا الكلام ده كله لاني ولا دكتوره ولا مفتي..بس مجرد انسانه بضايق لما بشوف اب بيشرب سيجاره وبيضيع صحته وفلوسه ومش بيفكر فاولاده..او شاب تاني عمال يحرق فصدره وصحته ومفكرها شطاره..واكيد انتو بتضايقوا زي ..بالاضافه لو ليكوا حد عزيز عليكوا بيعمل كدا..طب ايه رايكم نتخطي موضوع الاحساس ده ونخليه عملي..يعني ندور علي حل عملي للمشكله دي ونفذه..انا بقترح لو نعمل زي حمله ولو صغيره ضد التدخين..وموضوع الحمله دا مش صعب..هو محتاج تعاون مجموعه افراد نحو هدف مشترك..فلو مثلا كل واحد عنده ليينك لموقع مثلا بيتكلم عن اي شئ بخصوص المشكله دي يبعته سواء بيتكلم عن اضرار التدخين طرق حديثه للاقلاع عنه حكم الدين فالموضوع ده,,او لو حد له تجربه شخصيه فالمجال دا يقولها..بالاضافه ان كلنا نعبر عن رفضنا للتدخين والمدخنين باي وسيله زي مثلا لو غيرت السجنتشير بتاع حضرتك وخليته عباره مثلا عن التدخين واضراره اونصيحه للمدخن غيرت الصوره الرمزيه باي صوره تعبر عن رفضك للتدخين..نحاول علي ارض الواقع اننا نقنع مدخنين بالاقلاع عن التدخين سواء كان حد تعرفه او قريب منك جارك اخوك صاحبك .. لو دخلت اي منتدي تاني ياريت متسبوش قبل ما تقول علي الاقل كلمه عن المشكله دي..حاول تبعت اكبر عدد من المسدجات لكل اللي عندك عالميل بخصوص الموضوع دا حتي لو هتقول (لا للتدخين) بس ..لعل ولعسي اي حد يقرا كلامنا يعيد حساباته ويقلع عن التدخين..واكيد كلكو شفتو ان معظم حملات عمرو خالد الناجحه كانت علي ادين شباب وفكرتها كانت بسيطه جدا..وفي النهايه عشان مطولش عليكم ..فرأي ان التدخين ما هو الا عباره عن انتحار بطئ..وكلنا عارفين الانتحار عقوبته ايه عند ربنا..واحب اسمع اقتراحتكم باننا ازاي نبدأ حمله ضد التدخين؟؟