الرأى فى منهج اولى الجديد الترم الثانى

[bakrbakr]

للاسف منهج اولى مليان صفات حرام علي واضع الكتاب كل هذا الكم من الكتاب
انتم بطفشوا الطلاب من دراسة اللغة الفرنسية // أرجو دراسة الكتاب بكل دقة ويلزم تنقيتة وتخفيفة // الكتاب القديم احسن منة وموضوعاتة كانت لها معنى / ما المقصود بكل هذا الكم من الصفات

أبو بكر ابراهيم عثمان // مدرس أول مشرف اللغة الفرنسية بسوهاج


أرجو من السادة الزملاء توضيح أرائهم وتوصيلها للمسئولين وشكرا

[محمد عبد الحميد يوسف]

المنهج مفتوح وغير محدد المعالم وطويل ومليان ومش بتاع أولى فرنسى لغة ثانية يعنى أول الطالب ما يدرس لغة نضع له كل هذا الكم من المعلومات طب ثانية هيبقى إيه ؟ طب ثالثة هيبقى إزاى؟ اتقوا الله والحقوا الغلطة قبل ما تثبت عليكم بصوا على منهج اللغات الأخرى عامل إزاى المنهج ده مفروض يبقى لأولى وثانية معا يعنى كفاية قوى وحدتين فقط لكل صف ( يعنى ست دروس )

[سلمى فاضل]

حرام دا مش منهج لتحبيب الاطلاب فى اللغة الفرنسية دا منهج لمعاقبة الطلاب هكذا يكون الطلاب محقين عند ترك اللغة الفرنسية

[ابو الولد]

هذا الكتاب للصف الأول والثانى بمعنى وحدتين الأولى والثانية للصف الأول ووجدتين 3+4 للصف الثانى ( 6 دروس ) لكل صف

[العاقور]

لو بيدى لامرت بالغاء هذا المنهج فورا والعوده للمنهج القديم ما هذا الكم الهائل من المعلومات والاحداث المفردات الغريبه والصعبه فى نفس الوقت طالب اولى ثانوى لاول مره يدرس فرنسي ويتعرض لهذا لمنهج وكم وحده فى الترم الثانى وحدتين هل هذ ا يعقل انا مش عارف هخلص المنهج امته انا عجزت عن تخديد وقت للانتهاء من تدريسه وعمل مراجعه للطلبه انا والله فى غايه الاسف من هذا المنهج وفى غايه الحيره الطلبه ملوا من حفظ الكلمات وحفظ الموضوعات الكثيره الموجوده من وصف للاشخاص واماكن الاقامه وخلافه رجاءا ارسال راينا للمسئولين
من الواضح ان واضعى هذا المنهج يريدون تعميم الالمانى والقضاء على الفرنسيه

[mando600]

اخوانى الاعزاء قد احسمنم فى التعبير عن رايكم فى هذا المنهج العقيم والعائم والذى يوجد به كميه كلمات تتعدى منهج الصفين الثانى والثالث القديم .
ولكن لابد ان يكون لنا كلمة لدى التوجيه ومستشارة المادة وتوصيل رأينا .
لذلك اقترح عمل صفحة لمدرسى اللغة الفرنسية ع الفيس ومناقشة الاراء وتبادل الأخبار وتكون خاصة بمدرسى اللغة الفرنسية فى انحاء الجمهورية .
أخوكم / محمود فكرى صالح / معلم اول لغة فرنسية العياط

[M. Dahroug]

والله عندكم ق في كل اللي حضاراتكم بتقولوه ... ده فعلا منهج عقيم كم مفردات رهيبة
أخوكم عبدالعزيز دحروج
مدرس لغة فرنسية - شرقية

[مسيو عاطف]

بصراحة ده مش منهج دى خناقة وعايزه اللى يفضها

[رشادي]

احنا عايزن نعمل شئ لعلاج الموضوع كلام بس مينفعش لازم لان منهج تانيه وتالته هايكون اذاى لما اولى كدا والطلاب اغلبهم بدا يهرب من الماده بمواد اخرى

[الكنج للول]

ياجماعة احنا سمعنا ان المنهج ها يتغير السنة القادمة هو ومنهج الاسبانى فهل الكلام دة اكيد ام اشاعة

[mahmoudaaaa]

بصراحة منهج يعقد اى حد اكيد اللى بيحط المنهج دة مدرس الماني او ايطالي علشان عايز ينهي على اللغة الفرنسية تماما ما هذا الكم الرهيب من الكلمات والصفات والمعلومات المتناثرة بشكل عشوائي بصراحة مش عارف اقول اية بجد حرام

[mohamed-abdulghafar]

اللي حطوا المنهج ده ناس وصلت اهم حاجة عندهم يقبضوا وخلاص ومش مهم عندهم يبصوا ينفع ول لأ ده منهج من كل حتة شويه وطبعا انا مش هزود عن اللى اتقال كتير لانكم جمعتم كل نقاط العيب بس اللي هضيفوا عندى طلبة حولوا المانى الترم التانى من سهولة الالمانى وصعوبة الفرنسى وحسبي الله ونعم الوكيل

[رومانى ماهر]

بس انا سمعت ياجماعه ان هيتم تغيره السنه القادمه يترى حد يعرف حاجة بخصوص الموضوع ده ولو حصل سنه ثانية السنه الجايه هتدرس ايه

[رمضان هاشم فؤاد]

بصراحة : أنا نصحت أبنتى أن تدخل المانى اذا استمر هذا الكتاب / رمضان هاشم فؤاد - معلم خبير لغة فرنسية
المنشاه - سوهاج

[هشام المرشدي]

انا رائى المتواضع ان المسؤلين عن اللغة الفرنسية يريدوا من الطلاب الا يختاروا الفرنسية ويتجهوا الى اى لغة اخر عبدالله رزق سلسة الرسالة قنا