اللي هيخلوها أد الدنيا :محمد السيد الطناوي

[حمدى حسام]

محمد السيد الطناوي: اللي هيخلوها أد الدنيا





http://elbadil.com/2015/05/13/%D9%85...7%D9%84%D8%AF/
* وزير البيئة تعليقا على غرق ناقلة نيلية محملة بـ٥٠٠ طن فوسفات: بعض الدول تلقي بالفوسفات في المياه لفوائده.
* محافظ قنا: المياه لم تتأثر بالفوسفات.. والسمك بيجري بنشاط بالنيل.
* محافظ الشرقية: أنا شاب صغير ومش عايز بنات في مكتبي.
* وزير الثقافة ساخرا من أمينة متحف محمود سعيد بالإسكندرية: أنا عندي مشكلة مع الموظفين التخان. ليوجه مديرتها: خليها تطلع وتنزل السلم كل يوم عشرين مرة عشان تخس، وبعدين أنا دخلت كان المكتب مقفول لا تكون كانت بتأكل جوا ولا حاجة.
* وزير التربية والتعليم: مدرسو مصر الأفضل عالميا.. وبيعلموا الأمريكان.
* وزير التعليم العالي: مصر تملك مستشفيات أفضل من مثيلاتها ببريطانيا.
* وزيرة التضامن: في الجنة هيبقى فيه مزيكا وباليه.
* وزير المالية في بلد يقاتل موظفوه منذ سنوات لوضع حد أدنى للأجور ١٢٠٠ جنيه (١٥٨ دولار) ولم يطبق إلى اليوم: المرتبات تصل لـ ٥ آلاف دولار في ٢٠٣٠.
* وزير الشباب لطلاب جامعة القاهرة: كنت طالب فاشل وطلعت وزير عادي يعني.
* وزير الكهرباء: طلبت قطع النور عن بيتي.. وبفتح الجاكت بدل ما أشغل التكييف.. النور بيقطع في الوزارة زي كل مصر.
* وزير الإسكان: بننزل القهاوي ونعرض على الشباب فرص عمل، لكنهم بيرفضوا.
* وزير الاتصالات للشباب: متعملوش داونلود طول اليوم.. شدوا حزام الإنترنت شوية.
* ميناء القاهرة الجوي: الحمار دخل المطار مستغلا وجود ثغرة أمنية.
* وزير التموين تعليقا على ارتفاع سعر الطماطم: طول عمرها مجنونة.
* وزير العدل: ابن عامل النظافة لن يصبح قاضيا.. وكتر خيره إنه اتربى.
* رئيس الوزراء تعليقا على تكرار الحوادث بالمدارس: وزير التعليم حالته النفسية سيئة ومحبتش ازودها.
* رئيس الوزراء: قطاع الصحة في مصر يحتاج “هزة” كبيرة.
* رئيس الوزراء: حكومتى تتحدى التحدي.
* الرئيس يستقبل الأثيوبيين المخطوفين بعد تحريرهم من آسريهم بليبيا، على يد الأجهزة الأمنية المصرية، حسبما أعلن، مصرحا: أثيوبيا لها شقيقة اسمها مصر.. أثيوبيا تكتشف أن شقيقتها خدعتها، وأن أبنائها لم يكونوا مخطوفين، وأن الأمر لا يعدو كونه إحدى دعابات السيسي السمجة، التي يغرق بها شعبه، لكن “على قلبهم زي العسل”.
* الرئيس: عندنا إنجازات كتيرة بس مخبينها عشان الأشرار.
* عزيزي القارئ إذا وجدت فرصة للهرب من أم الدنيا فانفد بجلدك قبل أن تصبح، على يد هؤلاء، أد الدنيا!