جديد في مصر :\

[Adhm H. Fadel]

السلام عليكم ورحمة الله بركاته

معلش ممكن الموضوع يكون طويل وقيد التعديل برضو

معلش يا جماعة انا كنت بدرس في السعودية من اول سنة 5 ابتدائي ولحد تاني ثانوي

المشكلة انه حصلي ظروف ربنا اللي يعلم وجبت في 2 ثانوي 87% معدل زفت الزفت

وهنا نظام سنتين تاني وتالت وقدرات انا لو جبت 100% في 3 ثانوي وقدرات 100% وده طبعاَ شبه تعجيزي

هيكون مجموعي المصري 95.8% يعني 392.4 تقريبا وده طبعا ميعملش حاجة في مصر ولا اي حاجة

فأنا اقترحت اني انزل مصر اخد 3 من مصر وخلاص انا توكلت علي الله و سحبت ورقي من المدرسة وعملت التوكيل ونقلت

دلوقتي هنا المساعدة انا معرفش عن مصر اي حاجة في اي حاجة انا بحب الرياضيات *الحساب* جدا وبفهم بسرعه وغير كده مستعد اخد بدل الدرس 2 وأأقضي السنة مذاكرة × مذاكرة

اخترت عملي رياضة وسمعت انهم اقلية بس بحب الرياضة هما المواد 11 مادة علي ما سمعت وسمعت انه بختار بين احصاء و فلسفة وحاجات كتير ---- ركزولي علي دي ---

كمان عايز افضل الكتب الخارجية زي لامي والمتميز و الأول وكتب كده انا عايز الافضل والاهم ل3 علمي رياضة

والفرق بين الثانوية العسكرية والثانوي العام لانه سمعت ان في فرق

جماعة ساعدوني انا محتاس والله وربنا عالم ان مساعدتكم هي املي بعد الله

والسلام عليكم