حبيبين علي وش خطوبة

[beautiful pearl]

مشهد 1
( الحبيب يسير بجوار خطيبته ماسكا يدها ، يسيران على كورنيش النيل ، ويظهر فى المشهد مقعد سيمران عليه بعد لحظات )
الحبيبة : عارف ياحبيى أجمل حاجة فينا إيه
الحبيب : إيه ياروحى
الحبيبة : أننا متفاهمين دايما

مشهد 2
( جلسا على المقعد ، الحبيبة شاردة ببصرها )
الحبيب : سرحانة فى إيه ياحبيبتى ؟
الحبيبة ( تتنهد ) : مفيش ياحبيبى ، كنت باتخيل حياتنا الجميلة بعد الجواز

مشهد 3
الحبيبة : تخيلت ياحبيبى أن احنا جبنا ولاد بقى ودخلناهم مدارس خاصة
( بدأت تظهر علامات الغضب والضيق على وجه الحبيب الذي رفع حاجبه مستنكرا )

تستكمل الحبيبة : وتخيلت بقى وهما صاحيين الصبح وأنا باعملهم اللبن قبل مايروحوا مدارسهم
( يزداد وضوح الغضب على وجه الحبيب ، ويتصاعد الدخان من رأسه )

مشهد 4
تستكمل الحبيبة : وباعملهم بقى السندوتشات فى الفينو ، ولما كبروا بقي دخلنلهم الدى أس ال وطبعا تحت رقابتنا ياحبيبي
( الحبيب يصل إلي ذروة ضيقه ، وتبدأ رأسه فى الأشتعال )

مشهد 5
تستكمل الحبيبة : وباتخيل كمان ياحبيبـــ
يقاطعها صارخا : لاااااااااااااااااااااااا .. حرام .. كفاااااااااااااية

مشهد 6
الحبيبة : فى إيه ياحبيبى ، باخطط لمستقبلنا
الحبيب صائحا : مستقبل إيه بس .... أولا أنا مش هأدخل دي أس ال خالص ، انتي ماتعرفيش ان الكيلو بايت بقي أغلي من الكيلو لحمة ، وبعدين فينو أيه اللي أنتى هتعملي فيه السندوتشات ، ماتعرفيش أن الدقيق غلى والخمسة فينو بقوا بجنيه ، وكمان عايزة تشربيهم لبن ، أنتى ناسية ان اللبن فيه سيراميك



مشهد 7
الحبيب يستكمل : ومدارس خاصة إيه بس ، أنتي اتهبلتى أدفع الأف فى مدارس والعيال تخرج في الأخر عواطلية .. وغير كده اساسا مين قالك أني هأجيب عيال ، العيال دلوقتي بيجيلها حصبة وعشان كده مش هأجيب عيال خالص
( علامة استفهام كبيرة فوق رأس الحبية )

مشهد 8
الحبيبة : أنا كنت حاسة من الأول اننا مش هنتفق
الحبيب : احسن برضه ... عننا ما أتفقنا
( كل منهما يخلع دبلته ويلقيها علي المقعد ويسيران في اتجاهين متضادين )

مشهد 9
( حبيبان أخران يمران من أمام المقعد ، ويندهشان من المفأجاة فقد وجدوا الدبلتين )
الحبيب : خلاص ياحبيبتى مشاكلنا اتحلت وأدى الدبل جت من عند ربنا
( يجلسان علي المقعد ذاته فارحين .... تشرد الحبيبة ببصرها )

يسألها الحبيب : سرحانة في إيه ياحبيبتى ؟؟
( المقعد يظهر من الخلف وكأنه له فم ويبتسم ابتسامة خبيثة