مهزلة دمياط في الامتحانات اين السيد الوزير

[توفيق رفعت عجيز]

في الاول انا مش مدرس بس انا بعمل امين معمل بمدرسة اعدادي ولي اقارب بمدارس ابتدائي وبسؤالنا عن سيرالامتحانات نظرا لان زوجتي مدرسة وهتروح تمتحن اليوم 26 /8 المهم باتصال تليفوني روت لها احدي مدرسات الابتدائي انها كانت تمتحن كلية التجارة بدمياط الجديدة قام مراقب بضرب مدرس بالقلم المهم سمعت الواقعة .
وتاني يوم جلست مع مدرس قريب لي كان بنفس اللجنة امس وروي لي ما حدث بالتفصيل حيث انه كان في المدرج اي حدث فيه المشكلة .
طبعا ذكر اسم المدرس وانا مش هذكرة عشان الاحراج . المراقب اقعدوا ساكتين يا جماعة فقال المدرس احنا قاعدين ساكتين طبعا ازاي المدرس يفتح فمة راح السيد المراقب المحترم عاوز ياخد منه ورقة الاسئلة بتاعته طبعا المدرس رفض وشد وجذب قام المراقب ضارب المدرس بالقلم راح المدرس ماسكة من هدومة وهات يا ضرب باللكمات والمدرسين اتلموا ع المراقب ضرب كمان مع زميلهم وطلعوه بالعافية من بين المدرسين بعد علقة سخنة وهتف المدرسين هتافات طبعا مش حب في الوزير انتم عارفين طبعا قالوا اية.
علي فكرة انا قراءت انبارح موضوع مدرسة ميت غمر وقراءت التعليقات وان في ناس مش مصدقة بس موضوع المدرس بتاع دمياط دة سمعتة من اكثر من مصدر كان في الامتحان وايلي عاوز تفاصيل اكتر يقدر يراسلني ع الاميل دة
omryt@yahoo.com

[نجم المنصورة]

كان لازم المدرسين يتركوا الامتحان وكفايانا ذل

[وائل عرفه]

ولسه يامه هنشوف ونسمع العجايب

[عاطف خليفة]

انا قلت كتير

نقاطع

المفروض بقي

الوزير يعمل ايه

يوقفنا طابور كل المدرسين في الجمهوريه

ويضربنا كل واحد علي قفاه جامد

يا ناس فوقوا فوقوا فوقوا

[قلب صغير2]

هى كليه التجاره كان فيها امتحانات اصلا كل الامتحانات كانت فى كلية التربيه فقط
يوم 24 ويوم 25
والله اعلم

[moussa808]

والله طول ما فينا ناس بيقبل الذل والفتات اللي بيرموه لينا عشان نسكت علي السرقة اللي بتحصل عيني عينك يبقي من حقهم يعملوا فينا كل اللي هما عايزينه