|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-08-2008, 05:09 PM
|
||||
|
||||
هو انا اتجننت ولا ايه؟
بسم الله الرحمن الرحيم
السلام عليكم و رحمة الله و بركاته انا بقى موضوعي النهارده مختلف شويه .. و جايز كمان يكون مكانه اجتماعيات طالب مش هنا كمان تعرفوا فيه ناس كتير في حياتنا موودين (يعني ناس مزاجيه .. مزاجهم متقلب بمعنى آخر) بس بقى انا كتير بسأل نفسي (هو انا اتجننت ولا ايه؟؟  )هتقولوا لي ايه يا بوسي ليه بتسألي كده اقولكم انا يعني مثلاً اكون في فرح رقص و هيصه و مبروك و لولولولولي و عريس و عروسه و ناس منفوشه :D فجأه كده انا وبدون سابق إنذار .. اسيب القاعه و اطلع بره و اقعد لوحدي و مش طايقه حد يكلمني .. و انكد على اللي حواليا و ابوظ لهم اليوم ..  بلاش في فرح في المصيف مثلاً .. حاجه حلوه اهي بحر و رمله و هوا و آخر روقان .. فجأه الاقيني عايزه اقعد لوحدي و مخنوقه و مش برد عالموبايل على حد ولا ليا دعوه بحد و انكد على اللي حواليا كلهم .. و على نفسي أولهم و ساعات الحاله بتوصل لإني بعيط ليه و عشان ايه ولا ايه اللي حصل ؟؟؟ ولا حد يسألني لإني مش ببقى عارفه ..أسكت خالص و مش أكلم حد و لا ليا دعوه بحد .. زي ما يكون فيه مشكله حصلت او مصيبه وقعت فيها و مش راح اطلع منها بسهوله !! و أي حد يكلمني بصده و ابقى مش طايقه نفسي حتى !! و انزل اتمشى في الشارع لوحدي .. و اصحابي يحاولوا يكلموني بس محدش عارف يوصلي و فجأه برضو تلاقيني مبسوطه اوي و آخر فرحه و هيصه و اي حد يكلمني اقعد اضحك و اهزر معاه زي ما يكون فيه حلم حققته كنت بحلم بيه من زمااان و مش ببقى عايزه أبطّل ضحك .. لدرجة ان مره واحده صاحبتي لاحظت عليا الحكايه دي و قالت لي (أيه يا بوسي , هي الحاله جت ولا ايه ؟ قاعده تضحكي و اخر روقان .. امال ايه الإنقلاب اللي كنتِ فيه من شويه ده .. يا مجنووونه) و بلاش اكمل لكم بقية الحوار .. خلينا نقف لحد مجنونه دي :D أنا بقى نفسي اعرف ايه يعني .. مره ابقى نكد و انكد عاللي حواليا كلهم و اسمع اغاني حزايني و سابني وراح و ضاقت بيك و حاجات كتيره و ساعات بعيط من غير سبب .. و مره تلاقيني فرحانه اوي و ماليه الدنيا ضحك و هزار و اسمع اغاني فرايحي بقى و الليله ليلتك يا معلم و حاجات من هذا القبيل تفتكروا ده جنان ولا ايه .. ؟عايزه بجد الاقي حل قبل ما اللي حواليا يقولوا اني مجنونه فعلاً , و يسلموني للعباسيه :D و ربنا مايرزقكم بحد موودي زي حالاتي .. كل دقيقه بحال
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#2
21-08-2008, 05:13 PM
|
||||
|
||||
ع فكره اعتقد انها بتحصل لبعضنا
بس انتي اعملي كنترول ع نفسك لانك ممكن تزعلي حد جامد وميكلمش معاكي تاني ميرسي ليكي تقبلي مروري
__________________
 دين الحق سابقا |
|
#3
21-08-2008, 05:14 PM
|
||||
|
||||
|
اقتباس:
بس هي فهمتني و عرفت انه كان غصب عني و بقت تستحملني شكراً يا دين الحق
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#4
21-08-2008, 05:18 PM
|
||||
|
||||
|
عادى يا بوسى
بس اكيد انتى بتفتكرنى حاجة وحشة لقدر الله او افتكرتى حد كنتى عايشة معاه احلى ايامك وفجأة لقدر الله (يارب يكون كلامى غلط)  افتكرتىعادى  بتحصلى بس مش فى كل موقف يعنى بحاول امسك نفسي واتكلم عادى وبعدين لما اوصل الاوضة او اى مكان تانى لوحدى ابقى اعيط زى ما انا عاوزة بصى كل دى مداخل شيطانية متخليش ابليس يسيطر عليكى بالطريقة دى واستهدى بالله كدة وخليكى طبيعية وربنا معاكى
__________________
عشت دنيا غير دنيتى وصدقتهم وكانت غلطتى مين ده قلبه ابيض فى الزمن ده  |
|
#5
21-08-2008, 05:19 PM
|
|||
|
|||
|
بتحصل كتير اوى يابوسى
وبرضه مش عارفة ايه السبب بس انتى حاولى تضغطى على نفسك شويه واتحملى الانقلاب المفاجى ده ولما تحسى انك هتقلبيها نكد ممكن تدخلى اوضتك شويه لغاية ما تهدى انا بعمل كده كتير وربنا يشفيكى يا بوسى ما كنتى بعقلك يا حبيبتى:D انا بهزر اوعى تزعلى |
|
#6
21-08-2008, 05:22 PM
|
|||
|
|||
|
والله يا حبيبتى انا زيك بالظبط
عارفة والله نفس حكايتى بالظبط انا جبت فى تانية ثانوى اهو مجموع عالى الحمد لله و مع ذلك من اول ما جبت المجموع والله مخنوقة من ساعتها قولت الحمد لله يارب انك رفعت راسى بس انا حاسة انى مخنوقة و سافرت معاهم اليكس بالعافية و اتخانقت معاهم والله و طول السفر قافلة الموبايل و افتحه بالليل و صاحبتى بتكلمنى بعيط معاها طول المكالمة و على فكرة انا فى الأغلب دايما متنكدة بس انا متأكدة ان ده تأثير الثانوية العامة عليا بس بجد دى مسئولية كبييييييييييييرة اوى من ساعتها ما دخلتها وناا حالى اتقلب و كلهم ملاحظين كده لكن مش بفك الا مع قرايبى ومش هتصدنى عندهم الكبيرة فيهم 8 سنين و هما حوالى 7 بنات بقعد معاهم حوالى 3 ساعات بضحك لما اجيب اخرى دى الفترة الوحيدة اللى ببقا فيها مبسوطة و بس كده وادينى اهو ايحة 3 ثانوى و حاسة انها هتجيب اخرى شكرا ليكى يا قمر و بجد شكرا على موضوعك لانه فتحلى الطريق انى افضفض لان عندى نفس المشكلة |
|
#7
21-08-2008, 05:31 PM
|
||||
|
||||
|
بسم الله الرحمن الرحيم
Moonlife اقتباس:
يعني لما ببقى في فرح مثلاً كل الناس حواليا فرحانين و هي هي و هو هو و مبروك و عقبال البكاري و الكلام ده مش عارفه بتضايق لييييييه .. بفتكر ساعتها كل حاجه منكده عليا من ثانويه عامه لصاحبتي اللي ماتت للي الطناش اللي واخداه من اللي بحبه الخ الخ .. بس بحاول برضو اني امسك نفسي بس ساعات مش بقدر و اقلبها مندبه :D شكراً للمرور == اقتباس:
بجد انا فعلاً عقلي شكله بيودع و كله بسبب ثانويه عامه :D ميرسي يا عثل لمرورك == اقتباس:
انا جبت مجموع برضو و بالرغم من كده إلا اني متضايقه و بقول لا كنت عايزه اكتر من كده و بعدين اقول لالا انا لازم احمد ربنا .. و لإن شكرتم لأزيدنكم .. انا برضو لما بتضايق و اكون في بيتنا و على اوضتي عدل انما لو بره البيت .. مشكله بقى هههههههه شكراً للمرور
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#8
21-08-2008, 05:35 PM
|
||||
|
||||
|
حبيبتي متقلقيش اوي كده
انتي لا اتجننتي ولا حاجه معلش ناو مستعجله لازم اخرج هدخل مره تانيه ارد علي مشكلتك وياريت المشرفين ينقلوه لاجتماعيات طالب
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#9
21-08-2008, 05:36 PM
|
||||
|
||||
|
حبيبتي متقلقيش اوي كده
انتي لا اتجننتي ولا حاجه معلش ناو مستعجله لازم اخرج هدخل مره تانيه ارد علي مشكلتك وياريت المشرفين ينقلوه لاجتماعيات طالب
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#10
21-08-2008, 06:48 PM
|
||||
|
||||
|
ههههههههههههههههههه
عادى يابوسى والله يابنتى الحكايه ده بتحصلى كتيررررررررررررررر وماما دايما تقولى هى الحاله جت ولو حصلت معايا وانا مع اصحابى بفضل ساكته عشان مجرحش حد وهما عرفين انا لما بضايق ممكن اجرح اى حد ومبرحمش اللى قدامى بالنسبه للضحك لما بضحك بضحك بالهبل لدرجه انى بحس انى اتجننت عشان بضحك من غير سبب بجد بحاول اسال نفسى ايه سبب الضحك والعياط ده مش بلاقى اجابه يلا ربنا يهدى لاحسن حاسه انى اتجننت خلالالالالالالالالالالاص
__________________
لا اله الا انت سبحانك انى كنت من الظالمين
|
|
#11
21-08-2008, 07:42 PM
|
||||
|
||||
|
بصراحه أنا مش فاهم حاجه
أنا هاقرا الموضوع تاني و تالت لغاية ما أفهمه بس كل اللي أقدر أقوله ربنا يعينك علي أنك تكوني أحسن من دلوقتي
__________________
المجد للشهداء و الكيان فقط  |
|
#12
21-08-2008, 08:53 PM
|
||||
|
||||
|
اولا احب اشكرك يا بوسى على التوبيك الرائع ده لان زى ما بيحصل معاكى بيحصل معانــــا كلنا والله مش انتى بس
بصى بوسى فى اوقاات كتير اوى الانسان بيبقى فى مود مش بيهيأله انو يفرح او انو يتفاعل مع اللى حواليه احيانا يعنى ده اللى بيحصل ......... بس لو كان زى ما نتى بتقولى فى كل مره يعنى يبقى اكيد فى حاجه فى حياتك مدايقاكى ودايما بطارد ك حتى فى فرحك ، دى بقه محتاجه منك وقفه لانك تشوفى ايه الحاجه دى اللى مديقاكى وشاغله بالك وفكرك دايما ومخليكى فى وضع حزن وآلام ........... ميرسى والرجـــــــــــاء تقبل مرورى ورأى ........
__________________
عندماا تتضخم بالحزن حد الانفجــــــار ولدت كى امــــوت،،،،، 
|
|
#14
21-08-2008, 09:58 PM
|
||||
|
||||
|
لا انتى متجننتيش يا بوسى
فى ناس كتير كدة بتبقى طبيعة مزاجية و اوقات بحس انى كدة شكرا عالموضوع
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#15
21-08-2008, 10:13 PM
|
||||
|
||||
|
طبعا كلنا عارفين ان مرحلة الثانوية والجامعة
هي ما يسمى بمرحلة المراهقة وطبعا بيحدث فيها تغيرات عقلية وجسمية وتأثر بالجهاز العصبي والهرموني وانا كطالب احياء درست هذا الموضوع ده طبعا بجانب الضغوط الشديدة المتعلقة بامتحانات الثانوية ونتيجتها واثارها برضه الى جانب طبعا سبب وهو وسوسة الشيطان فلازم نستعيذ بالله يعني لما الناس فرحانه تزعليهم وتنكدي عليهم وبعد كده انتي نفسك تزعلي والعكس وده مش عند بس لكن عند معظم اللي في المرحلة دي وبتختلف بنسب متفاوتة حسب الراحة النفسية والتعاملات الأسرية والطبيعة الايمانية يعني البيئة المحيطة بالانسان |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:34 PM.
