حاجة غريبه فى المكافأة ومحتاج تفسير

[badr2110]

انا قبضت امبارح ولقيت ان الاساسى 513 وقبض 4719 فى حين ان زميل لى اساسيه 504 وقبض 8087 جنيه
مين فينا الصح ولو كده اعمل ايه

[أبورضوى]

هو ممكن اللى حصل لزميل حضرتك ده يحصل ويقبض المبلغ ده وعلى الوضع القديم ...لكن ان شاء الله كده بعد 10 او 12 سنة من النهاردة......تحياتى

[حمدى النجار]

المشاركة الأصلية كتبت بواسطة badr2110

انا قبضت امبارح ولقيت ان الاساسى 513 وقبض 4719 فى حين ان زميل لى اساسيه 504 وقبض 8087 جنيه
مين فينا الصح ولو كده اعمل ايه

عزيزى الزميل مستحيل يكون زميلك قبض المبلغ دا !!!!!!!!!!!!!!!!!!!!!!
إما هو بيشتغلك ودا الارجح و اما ؟؟؟؟؟؟؟؟؟؟؟؟؟؟؟؟؟؟

[الامير الصعيدي]

هههههههههههههههههههه ضحك عليك

[badr2110]

المشاركة الأصلية كتبت بواسطة حمدى النجار

عزيزى الزميل مستحيل يكون زميلك قبض المبلغ دا !!!!!!!!!!!!!!!!!!!!!!
إما هو بيشتغلك ودا الارجح و اما ؟؟؟؟؟؟؟؟؟؟؟؟؟؟؟؟؟؟

استاذى الفاضل انا اللى كنت بقبض المدرسين والكشوف معايا وهو دفعتى معلمين 92 والاكتر انا واخد مؤهل عالى وواخد علاوتين عنه والمبالغ ادامى يعنى محدش قالى ولا حاجه ده ادام عنيا وانا اللى مقبضه بس هناك تصحيح اسف عليه انا مخدتش بالى منه غير دلوقتى انه قبض 5087 وليس 8087 وانا 4719 وعلى رأى زميل فاضل رد على مشاركتى اننى علشان نقبض 8087 يكون على المعاش وعليك خير
محتاج الرد بما افعله اخوانى الكرام

[كمال طلب]

بص يا سيدى اساسيك 513 تضرب ال 513فى 5 وتقسم على 100 هيديك 25.65 دا قيمه اليوم فى المكافئه ....وبعدين تضرب قيمه اليوم الى هو 25.65 فى 200 يوم هيديك 5130 دا قيمه مكافئتك قبل الخصم ...وبعد كدا 5130 تضربهم فى 12.5 على 100 هيديك حوالى 641 دا قيمه الخصم ...يبقى 5130-641=4489 يبقى مكافئتك سليمه والخصم كمان اقل من 12.5 ....ولو طبقت نفس الخطوات هتلاقى زميلك المفروض اقل منك بمبلغ قليل ...فاذهب للاداره وقول لمحرر الماهيات بتاعكو ازاى انا اعلى منه اساسى واخد اقل منه ....بس خلى بالك ممكن يرجع منكو فلوس انتو الاتنين لان فيه غلط بزياده عندك وعندو

[badr2110]

اشكرك اخى الكريم وفعلا لما تحررنا من الموضوع مع مسؤلة المرتبات قالت ان الغلط عنده بزيادة 500 جنية وانا هعمله استرداد او خصمه على شهور له

[gamalgamal1]

مع الاحترام لسؤال حضرتك
بس انا عندى ملحوظة ان المكافأة فى المعدل الطبيعى بتاعها بالنسبة للأساسى وفيش الخصومات الجهنمية اللى الزملاء صدعونا بيها فى كل مكان وفى كل صفحة على النت .

[ostazmohamed]

انا من اسكندرية ومكافاتى مخصوم منها 1200 جنيه ومش انا لوحدى وقابض على اساسى 2014 اللى هو 523 جنيه فتخيلوا انى قبضت 4000 جنيه والسنة اللى فاتت قبضت 5200 يبقى ازاى مقيش خصومات

[ايمن ابو علام]

انا من كفر الشيخ وتم خصم مبلغ 500 جنية عن العام السابق ازاى وكيف ولماذا ...... لا ادرى

[ميدو200]

ولكنكم كغثاء السيل

[ميدو200]

ولكنكم كغثااااااااااااااااااااااااااااااااااااااء السيل

[ميدو200]

ولكنكم كغثااااااااااااااااااااااااااااااااااااااااااااااا ااااااااااااااااااااااااااااااااااااااااء السيل

[alzawykh]

اساسي 537.10 صرفت 4328.70 ازاي حسبوها ؟؟؟؟؟؟ .....المنيا ادارة المنيا
وكله بما يرضي الله............عجبي !!!!!!!!

[العلوم للصف الخامس]

سيدى يحسب الاساسى على30/6/2015 وليس1/7/2016 وكمان يتم خصم الضرائب