|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
02-09-2008, 09:01 PM
|
||||
|
||||
عاوز(ة)تحل(ى) مشاكلك؟؟
عايز تحل مشاكلك ؟ يا ترى ايه هي المشاكل اللي بتعاني منها ؟؟ فكر مع نفسك كده و اكتب كل المشكل اللي انت حاسس انها بتعيق سعادتك و تقدمك .. - الناس مش فاهماك ؟ - الظروف حواليك صعبة ؟ - المدير في الشغل مضايقك ؟ اكتب مشاكلك بسرعة في ورقة قبل ما تقرا الموضوع و هانرجعلها بعدين.. * * * كتبت؟؟ جميل .. تعالى بقى نعرف ايه الحكاية.. عشان تحل جميع مشاكلك لازم أولا تفكر بأسلوب صح..لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم.. فيه نمطين من التفكير هم اللي بيحددوا ما ذا كنت انسان ناجح و لا فاشل .. و النمطين دول يمكن تغييرهم بإرادتك.. نمط الفاشلين في التفكير الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. و هي حيلة : (أنا ضحية الظروف و لا يد لي في حل مشاكلي !) تلاقي الواحد من دول قاعد يلوم كل اللي حواليه.. أبوه لأنه كان بيعاقبه- الفرص لأنها غير متاحة – زوجته لأنها مش فاهماه - مديرة لأنه مش بيقدره - الجو لأنه مش مناسب !! تلاقيهم فنانين في تأليف أسباب فشلهم و يبتدوا يدوروا على شماعات يعلقوا عليها فشلهم.. أي شماعات و خلاص .. أي شيء يلوموه إلا هم أنفسهم ! تلاقيه قاعد يلوم كل حاجه حواليه و يعتبرها سبب فشله و تعاسته.. و يعتبر نفسه ضحية وسط ظروف صعبة لا يد له فيها.. لو لقيت المشاكل اللي انت كتبتها انت دايما فيها الضحية .. فأنت في مشكلة و يجب أن تغير نمط تفكيرك ! نمط الناجحين في التفكير الناجحين دايما بيفكروا بأسلوب مختلف عن كده .. يقول ريتشارد باندلر: ( أنا مسئول عن عقلي , إذن أنا مسئول عن نتائج أفعالي..) طريقة التفكير دي هي : أنا مسئول عن حياتي مش أي حد تاني .. بدل ما يقول : مشكلتي هي ان الناس مش فاهميني.. يقول : مشكلتي هي إني مش قادر أخلي الناس تفهمني ! فاهم الفرق ؟ بدل ما يقول : مشكلتي هي ان المدير مش بيقدرني . يقول : مشكلتي هي اني مش عارف أقنع المدير بقدراتي ! المشكلة حلها عندك انت مش عند الناس ! بدل ما تقول: مشكلتي ان الظروف صعبة. قول: مشكلتي هي اني مش عارف أقهر الظروف ! عشان تنجح لازم تؤمن تماما ان لك سيطرة تامة على حياتك و انك مش ضحية ظروف و لا حاجه ..لو فيه مشكلة يبقى انت السبب فيها و انت اللي في ايدك حلها ..لوم نفسك انت مش تشوف شماعة تعلق عليها مشاكلك.. انت في ايدك تغير اي حاجه حواليك و اي مشكلة انت بنفسك ممكن تتولى حلها .. هي دي مهمتك طوال حياتك.. الناجحين بيفكروا بالأسلوب ده. لو فكرت بأسلوب الضحية , هاتبقى فاشل و مش هاتغير حاجة لأنك – ببساطة – أقنعت نفسك ان قوى خارجية هي اللي بتتحكم فيك و تفضل تستحمل اللي بيجرالك و خلاص .. انما لو آمنت ان اي مشكلة بتحصل, حلها في ايدك انت مش في ايد اي حد تاني , هاتتحرك و تحلها و تبطل تلوم الظروف اللي حواليك.. لو لقيت نفسك بتلعب دور الضحية .. و لقيت نفسك قاعد تلوم شخص ما أو ظروف معينة.. اعرف ان آن الأوان تير طريقتك لأنها مش هتاخدك للاتجاه الصحيح.. انت مسئول عن حياتك و أي تغيير انت عايزه هاتحققه نفسك, مش بلوم الظروف و الأشخاص.. هي دي بداية تحقيق التغيير الايجابي اللي بتتمناه لحياتك..
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#2
02-09-2008, 09:30 PM
|
|||
|
|||
اى التوبيكات الجامدة دى
بجد كلام جميييل و الفشلة هما اللى بيعلقو فشلهم ع الظروف بدل ما يطوعو الظروف لنجاحهم اه بس لو كنت مش عارفة.............. ...................ما علينا  ثانكس ع التوبيك
__________________
استودعكم الله شهرين...تلاتة...اربعة...
 آخر تعديل بواسطة C A N D Y ، 02-09-2008 الساعة 09:44 PM |
|
#3
02-09-2008, 09:31 PM
|
||||
|
||||
|
الموضوع جميل جدااا
بس هختلف معاكى فى حاجة وهى انت بتقولى متلومش الا نفسك على اى حاجة طب افردى ان واحد جه الدنيا مثلا كفيف او يتيم واليتم ده هو سبب مشاكله مثلا ومش قادر يواجه كل المشاكل دى ومحدش فاهمه طب ده مثلا يعمل ايه يلوم نفسه بردو ؟؟؟؟؟؟؟؟؟؟؟ افردى ان واحد مثلا جه الدنيا لقى نفسه فى الشارع وملهوش اهل ونفسه يبقى حاجة كويسة ومش عارف ومحدش بيساعده يبقى ده بردو يلوم نفسه ؟؟؟؟؟؟ افردى ان واحد ذاكر طول السنة وفى الاخر جاتله امتحان من بره المنهج ومدخلش الكلية اللى عايزها ده بردو يلوم نفسه ؟؟؟؟؟؟؟؟؟؟ انا عارف ان كل حاجة قسمة ونصيب ولكن فى حالة زى دول الانسان مش هيلوم نفسه اعتقد ان الظروف تستطيع ان تقهر اى شئ وان تخلق للانسان من المشاكل ما لا يستطيع مواجاتها مهما كانت طموحه واماله |
|
#5
02-09-2008, 10:07 PM
|
||||
|
||||
|
جميل انك تبعد عن فكره انك ضحيه
وتتعامل مع الى حواليك من هذا المنطق ان انت مسئول عن قدراتك بس فعلا فيه ناس الظروف بتعاندهم بجد وممكن مش ييأسوا ويكملوا من المنطق انهم مسئولين وفيه ناس اليأس بيتسرب ليهم بعد عده محاولات خاصه لو كانت ظروفهم قاسيه صعب تغييرها او محتاج مجهود خرافى شكرا يا ترافل عالتوبيك العسل ده
__________________
|
|
#6
02-09-2008, 10:08 PM
|
||||
|
||||
|
يعنى موضوع جميل و كلام اجمل
بس الانسان ده طبعه بيحب يعلق على غيره نفسه كده يلاقى حد يطلعله من تحت الارض و يقله انت انسان رائع و التانين هما اللى جهله بس للاسف فعلا الحكايه دى بتبقى عيب فى الشخصيه و نقص جواها انه مش قادر يتحمل نتايج افعاله الكلام كتير و ليا عوده عشان انا بحب الكلام النفساوى ده فى رعايه الله
__________________
 In God's care HaPpiLy eVeR aFtEr |
|
#7
02-09-2008, 10:11 PM
|
||||
|
||||
شكرا يا ترافيل الموضوع بجد حميل وهايل
|
|
#8
02-09-2008, 10:18 PM
|
||||
|
||||
|
اقتباس:
وميرسى ياترافل على الموضوع الهايل ده
__________________
لا اله الا انت سبحانك انى كنت من الظالمين
|
|
#9
02-09-2008, 10:24 PM
|
|||
|
|||
|
توبيك هايل يا ترافيل
بس لو مفكرناش بطريقه الفاشلين منبقاش احنا دايما بندور على مبرر لاى غلطة فى حياتنا على شرط يكون المبرر ده مش احنا اى حد تانى يا ريت تفكيرنا يتغير هنبقى احسن كتير مرسى للموضوع يا قمر |
|
#10
03-09-2008, 09:43 AM
|
||||
|
||||
|
اقتباس:
مرورك هو الاجمل يا اندى
نورتى الموضوع
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#11
03-09-2008, 10:09 AM
|
||||
|
||||
|
اقتباس:
مش اى ظروف
وبعدين احنا لو استسلمنا مكنش هيبقى ده حالنا كل الحكاية ان يبقى فى تحدى ومواجهة للظروف وشوية صبر
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#12
03-09-2008, 10:31 AM
|
||||
|
||||
|
ايه الجمل ده
التوبيك تحفة بس الانسان بطبعه مش بيحب يطلع نفسه غلطان لازم الغلط يكون فى كل اللى حواليه انما هو لا ميرسى ليكى يازوزو
__________________
يارب إن عظمت ذنوبى كثرة
فلقد علمت بان عفوك أعظم |
|
#13
03-09-2008, 04:58 PM
|
||||
|
||||
|
شكراً يا ترافيل على الموضوع
و الفاشل دايماً بيقول (انا مش قادر اعمل الحاجه دي ..) او (مش عارف ايه ده) مش بيحاول وفيه مقوله جميله اوي كانت بتقول سُئل المستحيل أين تقيم فقال :في احلام الفاشل شكراً مره تانيه و جزاك الله خيراً
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#14
03-09-2008, 07:58 PM
|
||||
|
||||
|
اقتباس:
اهوا ده الكلام
مفيش ياس طول ما فى صبر وتفكير نورتى الموضوع يا جوليت
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#15
03-09-2008, 08:36 PM
|
||||
|
||||
|
اقتباس:
بالظبط
بيبقى نقص فى الشخصية وعيب فيها ده اللى كتيير مش مصدقة وبيعانى منه للاسف جيلنا الحالى ممكن يستسلم بسهولة مش كلوا بس على المعظم الكلام ده نورتى الموضوع لولو وهستنى متابعتك للموضوع
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:53 PM.
