شرب المايه كتير بيعمل كرش !!!

[محمد محمود بدر]

شرب المايه كتير بيعمل كرش !!!
-----------------------



ايه الموضوع بقا .. تعالوا نجيب الحكاية من أولها !! الكرش عبارة ايه ؟!
الكرش ده عبارة عن سمنه فى منطقة البطن ( Central obesity - abdominal obesity ) طيب ماحنا عارفين اصلا ان السمنة هى دهون متخزنه حول العضلات والكبد ومخزنة فى الغشاء البريتونى !! وسبب تخزن الدهون ده هو ان نسبة السعرات الحرارية اللى بتاخدها اكبر كتير من السعرات اللى بتستخدمها لبذل المجهود وبالتالى الفرق بيتخزن على هيئة دهون .. تتجمع بقا فى منطقة البطن او الارداف او اى مكان ده على حسب قابلية جسمك للزيادة وبتتحدد وراثيا

لما بشرب مايه بتنزل فى الجهاز الهضمى فى مساره العادى جدا !! وبعدين امتصاصها وتوصل للدم !! والنسبة الزايدة من الماية اللى مش بيحتاجها الجسم بيخرجها عن طريق الكلي مع البول !! فين علاقة الماية بقا بتخزن الدهون فى الجسم !! نوصل فى النهاية لبراءة الماية من الموضوع !!

شرب الماية مهم لجسمك !! داخلين على صيف وهنحتاج نشرب مايه لتعويض العرق الكتير !! ياريت نخلى بالنا ان شرب العصاير مش هيغنى عن المايه عشان صحة الكليتين.
ولا ننسى " وجعلنا من الماء كل شئ حى"