إداريو التربية والتعليم بالإسكندرية يبدءون إضرابًا مفتوحًا

[aly almasry]

إداريو التربية والتعليم بالإسكندرية يبدءون إضرابًا مفتوحًا

الكادر حق للجميع.. لافتة رفعها إداريو التربية والتعليم
الإسكندرية- خاص:
بدأ إداريو التربية والتعليم بمحافظة الإسكندرية صباح اليوم الثلاثاء 3/3 إضرابهم بالتزامن مع إضراب إداريي أكثر من 16 محافظةً على مستوى الجمهورية.

وكان الإداريون بالتربية والتعليم بالإسكندرية نظموا إضرابًا سابقًا عن العمل لمدة يومين متصلين بإدارة وسط التعليمية وإدارة شرق التعليمية، معلنين عدم العودة للعمل إلا في حالة ضمهم إلى صفوف المستفيدين من مزايا كادر المعلمين الذي يصل بنسبة الحوافز إلى نسبة 150%، فضلاً عن تنفيذ قرار وزير التربية والتعليم بصرف حافز الإثابة.

وأكد العاملون أنهم مستمرون في الإضراب حتى تستجيب الوزارة لمطالبهم، مشيرين إلى أن المرتبات ضعيفة جدًّا ولا تواكب موجة الغلاء التي يعاني منها المواطن المصري، مؤكدًا أن الأوضاع الحالية تدفع الموظف إلى الإهمال في العمل والاعتماد على عمل بعد الظهر والتقصير في عمله بالإدارة أو الاتجاه للرشوة.

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى

[هدى مجدى]

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى

[خلاف خلاف]

الحق احق انا يتبع ال50 فى المائه حق للجميع معلمين وادارين

[سيف سالم]

الاستمرار هو الحل

[rahal.4463]

الاداريين لو المدرس راح يخلص ورقة لة بيذلوة لغاية متطلع عينة وكل واحدة ابنها فى الثانوية العامة تشتم فى المدرسين واحنا مالنا اذا كان ابنك فاشل هو المدرس هيذاكرلة ولا هيمتحن بدالة واللة انا لو من الحكومة تسوى معاشهم وتخلى 20 واحد فقط فى كل ادارة واقصد ادارة مثل شرق او وسط بطلوا حقد بقى وديتوا البلد فى داهية هو فية بلد تدى مرتب لناس بتعمل ورقتين تلاتة فى اليوم ومكافاة كمان لابد من تقليل عدد الذين يعملون فى التربية والتعليم الى النصف الذى يجتهد ويتعب يظل والذى يتهاون ولايعمل يسوى معاشة احسن البلد راحت فى داهية ولسة

[gigirifeat2020]

المشاركة الأصلية كتبت بواسطة هدى مجدى

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى

كلام صحيح مائه فى المائه