أول حاجة عايز أقول ألف مبروك لكل اللي نجح تحويلهم التاني وانا منهم .... والواحد الصراحة إرتاح ... المهم يا جماعة أنا طبعاً حضرت من أول يوم لحد إمبارح وعطانا شوية دكاترة كويسين جداً ، أنا سكشن 10 وبيدينا د/يحيي منير فيزياء و - د/ ميساء ، و د/سعد الصافي و د/ حسين طبلية ...
دول الناس اللي إرتحتلهم بصراحة ... المهم إمبارح كان عندي محاضرة إنتاج ودخلنا راجل كده قرفان من عيشته وعمال يتكلم وخد أطول من وقت المحاضرة ، أنا مفهمتش حاجة لدرجة إني حسيت إني حشيل إنتاج !!!!! وبعدين في ناس قالتلي إن المادة دي كل باب ليه دكتور لوحده ...
لأ والإخوان المسلمين دول بقى حاجة تانية خالص ، هو إشمعنى هندسة إسكندرية اللي شغلهم فيها زيادة حبتين يعني ؟؟؟ سبحان الله ما هو إحنا كلنا مسلمين !!! واللي كل شوية يدخلوا المحاضرة يقولوا عايزين نفصل صبيان وبنات ، يكونوش فاكرين إحنا في حضانة ولا حاجة ؟
عموماً أهم حاجة إني في خلال الأسبوع ده عرفت كل مخبأ من مخابئ الكلية
يعني اللي في إعدادي ومحتاج حاجة أنا مستعد أساعده عشان عندي أصحاب كتير في تالتة ورابعة
....
سلام يا حلوين ....
26-09-2008, 04:29 PM
مبروووك لكل اللي رجع هندسة الإسكندرية !
العرض الشجري
