ظهور تنسيق عام 2008/2009 للازهر ادخل واعرف الكليات خدت من كام

[الفارس المتألق]

أعلن رئيس جامعة الأزهر الدكتور أحمد الطيب الأربعاء نتيجة تنسيق القبول بكليات الجامعة للعام الدراسى 2009/2008 حيث بلغ عدد المتقدمين والمتقدمات للجامعة 71595 طالبا وطالبة من مختلف الشهادات التى تقبلها الجامعة منها 65 ألفا من الناجحين فى الثانوية الأزهرية والمعادلة فى الدورين الأول والثانى ومن لم يتقدموا لعامين سابقين 2007/2006 و245 طالبة من الحاصلات على الثانوية العامة عام 2008 بقسميها العلمى والأدبى .
وأضاف رئيس الجامعة أنه بالنسبة للقسم العلمى بنين فقد جاءت كلية الطب بنين القاهرة فى المركز الاول بمجموع 5ر638 وبنسبة 2ر98% ثم طب دمياط بمجموع 5ر637 وبنسبة 98% ثم بنين أسيوط بمجموع 5ر635 وبنسبة 7ر97% فأسنان القاهرة 5ر634 بنسبة 6ر97% ثم اسنان اسيوط بمجموع 5ر632 وبنسبة 3ر97% .
اما بالنسبة للعلمى بنات فجأت كلية طب القاهرة فى المركز الاول بنسبة 4ر98% ثم الاسنان القاهرة بنسبة 98 % والصيدلة - القاهرة بنسبة 6ر97 % والهندسة بالقاهرة بنسبة 7ر95% ثم الدراسات الاسلامية بنات القاهرة شعبة اللغات الاوروبية بنسبة 6ر95% .

اما القسم الادبى بنات فجاءت كلية الدراسات الانسانية بنات " تفهنا الاشراف " بالدقهلية فى المركز الأول 6ر91% ثم الدراسات الانسانية قاهرة بنسبة 90% ثم كلية البنات الازهرية بالعاشر من رمضان بنسبة 5ر89% ثم الدراسات الاسلامية والعربية القاهرة بنسبة 4ر87% الدراسات الاسلامية والعربية القاهرة بنسبة 4ر87% ثم الدراسات الانسانية القاهرة بنسبة 9ر86% .
وبالنسبة للقسم الادبى بنين جاءت كلية اللغات والترجمة -القاهرة شعبة الترجمة الفورية انجليزى فى المركز الاول بمجموع 561 وبنسبة 89 % ثم اللغات والترجمة -القاهرة بمجموع 549 وبنسبة 2ر87 % ثم اللغات والترجمة - القاهرة شعبة دراسات المانية بمجموع 525 وبنسبة 3ر83 % ثم اللغات والترجمة شعبة لغة انجليزية بمجموع 522 وبنسبة 8ر82 % ثم اللغات والترجمة تخصص عام بمجموع 518 وبنسبة 2ر82 % .
وأوضح المشرف العام على التنسيق أنه تم اعادة ترشيح الطلاب والطالبات المستفدين لمرات الرسوب فى العامين الجامعيين 2000 / 2007 و2007 / 2008 باحدى كليات الجامعة وفقا للمجموع الحاصلين عليه عام الحصول .

ومن جانبه .. اوضح المشرف العام على تنسيق الازهر الدكتور عبدالدايم نصير انه تم ترشيح 4 آلاف طالب حاصلين على مجموع 50 فى المائة بالثانوية الازهرية إلى المعاهد فوق المتوسطة الجديدة التى يبدأ الدراسة بها هذا العام .

واللي عايز يعرف اي زياده هيلقيها هنا علي الرابط ده
http://www.egynews.net/wps/portal/!u...19490365200039

بالتوفيق جميعا

[احمد فاروق1991]

بالنسبة لهندسة بنبن اية الاخبار

[lolo90]

فين بقيه الكليات

[الفارس المتألق]

انا متأسف جدا ده اللي انا قدرت اجيبه
سامحوني
وانا بحوال اجيب بقية التنسيق من مكان موثوق منه
بس ده اللي انا قدرت احصل عليه لغاية دلوقتي

[الشاعر الازهري]

بجد حسبي الله ونعم الوكيل

[زهرة الاسلام]

ما عنديش كلام اقوله............

[ريحاتة الجنة 6]

ياجماعة انا حتجن
كلية الدراسات الاسلامية الاسكندرية
واخدة من كام
انا جيبة واحد وتسعين ادبي 91
بس خايفة اوي علي صحبتي
جيبة 82

[الفارس المتألق]

انا متاسف يا ريحانه بس ما اعرفتش اجيب غير الكليات دي
والموقع بتاع الازهر للاسف واقع مابيفتحش

انا زعلان جدا لاني حاسس ان الكل مصدوم ربنا يصلح الحال للجميع

[زهرة الاسلام]

طيب باقى الكليات ما ظهرش تنسيقها ولا ايه ؟ شكلنا مش داخلين كليات اصلا

[زهرة الاسلام]

بجد الكلام ده صحيح .بس مش ممكن ده عالى قوى حرااااااااااااااااااام

[مؤمن 5]

الخبر نزل فى مصراوى ايضا


على هذا الرابط


http://masrawy.com/News/Egypt/Politics/2008/september/17/azhrres.aspx

[giant_2010]

الكلام ده غير موثوق فيه والمصدر غير موثوق فيه


المعدلات عالية جدا بدرجة لا تصدق ازاي كلية الدراسات الاسيلامية 87.4






ياجماعة بالله عليك حسبي الله ونعم الوكيل في اداري الازهر

[حائره]

الكلام ده نازل علي مصراوي كمان

وده اللينك

http://www.masrawy.com/News/Egypt/Po...7/azhrres.aspx

[mamakoka]

الحمد لله كدة هألحق طب بشرى الله يكرمكم ويصلح حالكم يا رب بشرتونى
الحمد لله والشكر لله
عقبالكم جميعاااااااااااااااااا
لوووووووووووووووووووووووووووووووووولى

[استاذ بدوى الدجوى]

ايوه يا جماعة
كنا بنقول ايه؟
هههههههههههههه